په هلمند کې د دیني عالم مولوي بشیر احمد حنفي خپلوان وايي، چې د هلمند ابتدایه محکمې هغه ته د اتو میاشتو بند سزا ورکړې او دوه کاله یې هم له افغانستان څخه بهر سفرکولو څخه منع کړی دی.
د روسیې ټلوېزیوني شبکې ار ټي خبر ورکړی چې د شوروي ځواکونو پخوانی سرتېری سرګي کراسنوپېروف بیرته روسیې ته ستون شوی دی. روسي رسنیو د پنجشنبې په ورځ رپوټ ورکړ، چې ۶۰ کلن نورمحمد یا سرګي کراسنوپېروف غواړي په روسیه کې له خپلې کورنۍ سره وویني.
د طالبانو د کورنیو چارو وزارت لومړي مرستیال مولوي محمد نبي عمري د ملګرو ملتونو د سرمنشي له ځانګړې استازې رزا اوتونبایوا سره دغه د وزارت په دفتر کې لیدنه کړې او دواړو لوریو د هېواد پر امنیتي وضعیت، سیمهییز ثبات، او دوه اړخیزو همکاریو خبرې کړې دي.
افغانستان ښايي د «مرکزي اسيا – ملګري ملتونه» په نوم د سيمهييزې امنيتي همکارۍ سيستم کې شامل شي. دا خبره د ملګرو ملتونو د سرمنشي ځانګړې استازې او د افغانستان لپاره د ملګرو ملتونو د مرستندویه ماموريت (یوناما) مشرېروزا اوتونبایېوا د «ترمذ ډیالوګ» په ناسته کې کړې ده.
د امریکا ولسمشر دونالد ټرمپ په واشنګټن کې د اسراییل سفارت د دوو کارکوونکو وژنه غندلې او دغه پېښه یې د «یهودیت ضد» کړنه یاده کړې ده.
له هغه وروسته چې څو ورځې وړاندې هند له نوي ډیلي څخه د یوه پاکستاني ډیپلوماټ د شړلو امر وکړ، پاکستان هم د هند یو ډیپلوماټ «نامطلوب کس» وباله او د هغه د شړلو امر یې کړی دی.
د امریکا د دفاع وزارت ویلي، چې د ډونالډ ټرمپ ادارې په رسمي ډول د قطر حکومت لهخوا مرسته شوې یوه لوکس «بوینګ ۷۴۷» الوتکه منلې ده او پلان لري، چې له ترمیم وروسته یې د ولسمشرۍ د نوې الوتکې (ایر فورس ون) په توګه وکاروي.
د طالبانو سترې محکمې خبر ورکړی، چې په تخار او دایکندي ولایتونو کې یې د دوو ښځو په ګډون پنځه کسان په دورو وهلي دي. دغې محکمې په خپره کړې خبرپاڼه کې ویلي، چې د تخار ولایت په ینګي قلعه ولسوالۍ کې یې د یوې ښځې په ګډون دوو مجرمینو او یو تورن کس ته سزا ورکړې ده.
په هرات ولایت کې د طالبانو د والي دفتر خبر ورکړی، چې په دغه ولایت کې د ماشومانو لپاره د تالاسمیا (د وینې سرطان) ناروغۍ د درملنې لپاره جوړ شوی روغتون ګټې اخیستنې ته وسپارل شو.
د طالبانو د اوبو او انرژۍ وزارت خبر ورکړی، چې د دغه وزارت یو پلاوی د «نوې کېدونکې انرژۍ په نهم نړۍوال کنفرانس او نندارتون» کې د ګډون په موخه ایران ته ولاړ.
د ملګرو ملتونو د وګړو صندوق وایي، چې په افغانستان کې د بودجې د کموالي له امله ۶.۳ میلیونه خلک چې ډېری یې ښځې او نجونې دي؛ د مېندو روغتیا او اړینو روغتیايي خدمتونو ته به له لاسرسی بې برخې شي.
د طالبانو د بهرنیو چارو وزیر امیرخان متقي بېجینګ ته د خپل سفر په لړ کې د دغه هېواد د پرمختیايي همکاریو ادارې له مشر چن ژیاوډونګ سره په ناسته کې له هغه غوښتي، چې هېواد یې ورسره د انرژۍ، کرنې، نفتو او اوږدمهاله پروژو په برخه کې همکاري وکړي.
د طالبانو د مخابراتو او معلوماتي ټکنالوجۍ وزیر نجیب الله حیات حقاني په تاشکند کې له خپل ازبک سیال شیرزود شرمتوف سره لیدلي او د ټکنالوجۍ په بېلابېلو برخو یې ورسره خبرې کړې دي.
د طالبانو د کانونو او پټرولیم وزارت خبر ورکړی، چې د ایران په اصفهان کې د اوسپنې د پروسس کارخونې مشر د افغانستان د کاني زېرمو په برخه کې پانګونې ته لېوالتیا ښودلې ده.
رویټرز خبري اژانس راپور ورکړی، چې د چهارشنبې په شپه د امریکا په پلازمېنې واشنګټن ډي سي کې د یهودو یوه موزیم څخه د باندې د اسراییل سفارت دوه کارکوونکي په ډزو وژل شوي دي. په واشنګټن کې د اسراییل سفارت هم د خپلو دوه کارکوونکو وژل کیدل منلي دي.
د ډېپلوماټ ورځپاڼې په یوې خپرې کړې مقاله کې ویل شوي، چې چین او پاکستان له طالبانو څخه ژمنه ترلاسه کړې، چې په افغانستان کې به د هند د سټراټېژیک او اقتصادي نفوذ مخه نیسي.
رویټرز خبري اژانس راپور ورکړی، چې د امریکا د بهرنیو چارو وزارت د کډوالو دفتر د بهرنیو ناورینونو پر وړاندې د امریکا د پراختیایي پروګرام مسوولیت په غاړه واخیست. تر دې وړاندې د امریکا د ولسمشر ډونالډ ټرمپ لهخوا د دغه ادارې فعالیتونه ځنډول شوي وو.
د پاکستان ډان ورځپاڼې راپور ورکړی، چې د تېر ۲۰۲۴ کال پرتله په روان کال کې افغانستان ته د پاکستان صادرات ۵۲.۴۶ سلنه زیات شوي دي. په راپور کې راغلي، چې د دواړو هیوادونو ترمنځ پر ډیورنډ کرښه د ترینګلتیا له امله د سوداګریزو لارو تړلو سوداګري زیانمنه کړې هم وه.
د طالبانو او پاکستان ترمنځ د اړیکو تر ترینګلتیا وروسته دغه ډله غواړي، چې پر یاد هېواد د سیاسي برخې تر څنګ اقتصادي برخه کې هم خپله تکیه راکمه کړي، چې له همدې امله یې د ایران «چابهار بندر» کارولو ته مخه کړې ده.
د طالبانو ویاند ذبیح الله مجاهد په بلوچستان کې د پوځي اکاډمۍ پر یوه بس د پروني برید په غندلو سره ویلي، چې پاکستاني چارواکي باید له کوم دلیل او توجیه پرته په دغه هېواد کې د ورته پېښو مسوولیت پر افغانستان وانه چوي.
د یورو اېشیا ورځپاڼې په یوه خپره شوې مقاله کې راغلي، چې ازبکستان د طالبانو له بیا ځل واکمنۍ راهیسې هڅه کړې، چې افغانستان د خپلې نوې سیمه ییزې همکارۍ برخه کړي او له جغرافیایي موقعیت څخه په ګټه اخیستو یې تاشکند غواړي ځان د سوېلي اسیا بازارونو ته ورسوي.