د پاکستان کورنیو چارو وزیر محسن نقوي د اوسنۍ حکومتولۍ پر جوړښت نیوکه کړې او د واک د لا ډېر وېش، او د دولتي خدمتونو د ښه کولو لپاره یې د نویو اداري واحدونو د جوړېدو غوښتنه کړې ده. هغه ویلي، د حکومتولۍ نظام «پرېوتی» دی او د اصلاح لپاره یې د ټولو سیاسي ګوندونو ګډې هوکړې ته اړتیا ده.
د بښنې نړیوال سازمان وايي، هند د غزې د جګړې له پیل راهیسې لږ تر لږه ۲۵۹۶ محمولې چې په کې وسلې، مهمات او پوځي پرزې شاملې دي، اسراییل ته لېږدولي دي. دغه سازمان خبرداری ورکړی چې د دې لړۍ دوام ښايي هند د نړیوالو قوانینو په سرغړونو کې د همکارۍ له ګواښ سره مخ کړي.
ملګرو ملتونو د انسانانو د قاچاق پر وړاندې د نړیوالې ورځې په مناسبت ویلي، ترهګرې ډلې او جنایتکارې شبکې په جګړهځپلو سیمو کې د ټولنو د وېرولو لپاره د انساني قاچاق، جنسي استثمار او غلامۍ ته دوام ورکوي، خو د قربانیانو د ملاتړ، عدالت او حساب ورکونې په برخه کې لا هم جدي تشې شته.
په هرات کې ځايي سرچینې وایي، د طالبانو د امر بالمعروف او نهی عن المنکر مامورانو د پنجشنبې په ورځ یو ځل بیا یو شمېر ښځې د بېحجابۍ په تور نیولي دي. دا ښځې د تور کورتۍ ډوله حجاب چې هراتیان یې «مانتو» بولي د اغوستلو په تور نیولي دي.
د امریکا د بهرنیو چارو وزارت وايي، د خلکو د پراخې غوښتنې له امله به د دغه هېواد د خپلواکۍ د ۲۵۰مې کلیزې په مناسبت ۲۵۰ زره نور ځانګړي پاسپورټونه وړاندې کړي، چې د ولسمشر ډونالډ ټرمپ انځور او د امریکا د خپلواکۍ له تاریخ سره تړلي ځانګړي ډیزاینونه لري.
د بلوچستان ایالت په کوېټه کې د ډبرو سکرو د یوه کان د نړېدو له امله لږ تر لږه نهه کارګر مړه شوي دي. دا پېښه د سورنج په سیمه کې د میتان ګاز د چاودنې له امله رامنځته شوې ده. د پېښې پر مهال په کان کې ۴۲ کارګر په کار بوخت وو چې ټول د خېبر پښتونخوا د شانګلې ولسوالۍ اوسېدونکي دي.
د طالبانو د ستراتیژیکو مطالعاتو مرکز او د قرغزستان د ستراتیژیکو نوښتونو ملي انسټیټیوټ چارواکو د دواړو هېوادونو ترمنځ د سیاسي، اقتصادي او علمي همکاریو د پراختیا او د ګډو څېړنیزو فعالیتونو پر دوام خبرې کړې دي.
د بښنې نړیوال سازمان د اروپايي کمېسیون او طالبانو ترمنځ د وروستۍ ناستې له امله اندېښنه ښودلې او له اروپايي اتحادیې او غړو هېوادونو یې غوښتي چې افغانستان ته د خلکو د ستنولو هڅې ودروي، ځکه د دغه سازمان په وینا، افغانستان لا هم د خوندي راستنېدو لپاره مناسب ځای نه دی.
په کوېټ کې د طالبانو د سفارت سرپرست محمد شفیق خطیب د متحده عربي اماراتو له سفیر مطر النیادي سره په لیدنه کې د افغانستان پر امنیتي وضعیت او د اقتصادي پرمختګ پر فرصتونو خبرې کړې دي.
د بېپولې ډاکټرانو سازمان اعلان کړی چې یوې حاملې افغان کډوالې مېرمن وروسته له هغې ماشوم ضایع کړ چې پاکستاني پولیسو یې پر کور برید وکړ او د هغې خاوند یې ونیوه.
د سعودي عربستان د دفاع وزارت ویلي، د سمندري دفاع لپاره د وړاندیز شوي څو ملیتي ایتلاف په تړاو جوړې شوې غونډه کې د ۴۳ هېوادونو استازو او د اروپايي ټولنې پلاوي ګډون کړی دی.
ګارډین ورځپاڼې راپور ورکړی چې له مراکش څخه په زرګونو کډوال د سمندر او وچې له لارې د هسپانیې تر ولکې لاندې سیوتا سیمې ته داخل شوي دي او له همدې امله د دغې سیمې مشر د هسپانیې له حکومت څخه د بېړني حالت د اعلانولو غوښتنه کړې ده.
د طالبانو تر چتر لاندې د افغانستان برېښنا شرکت وايي، د دغه شرکت لوړپوړي پلاوي په ازبکستان کې د برېښنايي تجهیزاتو له مهمو تولیدي مرکزونو او ځيرکو برېښنايي سیستمونو څخه لیدنه کړې، څو د برېښنا سکټور د عصري کولو او تخنیکي همکاریو د پراختیا لپاره له نویو تجربو ګټه واخلي.
د افغانستان د جمهوري نظام پر مهال د عدلیې پخواني وزیر فضل احمد معنوي د ښځو پر سینګار او عطر وهلو د طالبانو وروستي بندیزونه په کلکه غندلي او هغه یې د اسلامي فقهې خلاف بللي دي.
نیګي، چې د پیاز له کورنۍ سره تړاو لري، د جاپان په خوړو کې یو له تر ټولو ډېر کارېدونکو سبزیو څخه ده. دا سبزي که د خوند لپاره نرۍ ټوټه شي او د خوړو پر سر وشیندل شي، یا په غټو سپینو ټوټو کې پخه شي، د جاپاني پخلنځي ځانګړی خوند او رنګ جوړوي.
د طالبانو تر ادارې لاندې د پېښو پر وړاندې د چمتووالي ادارې خبرداری ورکړی چې د زمري له ۸مې تر ۱۴مې پورې د افغانستان په ختیځو او سوېلختیځو سیمو کې د ناڅاپي سېلابونو د راوتلو احتمال شته. ادارې همداراز ویلي، په یو شمېر ولایتونو کې به د تودوخې درجه د نورمال حالت په پرتله لوړه وي.
د پاکستان پوځ وايي، امنیتي ځواکونو یې د بلوچستان د خضدار ولسوالۍ په یوه استخباراتي عملیاتو کې څلور وسلهوال وژلي او دوه هغه موټرونه یې له منځه وړي چې د پوځ په وینا، له چاودېدونکو توکو ډک او د بریدونو لپاره چمتو شوي وو.
د داعـ. ـش ډلې د خراسان څانګې په بدخشان کې د طالبانو د اطلاعاتو او کلتور د رییس ذبیحالله امیري د وژلو مسوولیت پر غاړه اخیستی دی. دغې ډلې په یوه اعلامیه کې ویلي، چې د دوی وسلهوالو د فیضاباد پر لاره پر امیري برید کړی و او هغه یې له یوه ساتونکي سره وژلی دی.
د طالبانو مخالفې ډلې، مقاومت جبهې ویلي چې د دوی ځواکونو د بدخشان ولایت په ارګو–کشم دوهلارې سیمه کې د طالبانو پر یوې پوستې تاکتیکي برید کړی چې په پایله کې یې یو طالب وژل شوی او بل ټپي شوی دی.
باوري سرچینو افغانستان انټرنشنل ته ویلي، د هرات د طالبانو د امر بالمعروف ادارې د شکایتونو د ارزونې مسوول مولوي بایزید یون د نامشروع اړیکو په تور نیول شوی دی. د سرچینو په وینا، نوموړی د روانې اوونۍ په لړ کې له یوې ښځې او څلورو نورو کسانو سره یوځای نیول شوی.
د خېبر پښتونخوا اعلی وزیر سهېل افريدي په پېښور کې د امنیتي وضعیت په اړه د یوې مهمې غونډې مشري کړې او ویلي یې دي چې حکومت به د ناامنۍ او وسلهوالو بریدونو د پای ته رسولو او د سولې د ټینګښت لپاره له ټولو شته امکاناتو کار واخلي.