یو پخواني برتانوي سرتېري د افغانستان د جګړې د پلټنو کمېسیون ته ویلي، کله چې یې غوښتل په ۲۰۱۲کال کې د برېتانیا د ځانګړو ځواکونو له لوري په افغانستان کې د درېیو افغان بزګرو د وژل کېدو په اړه خپلې اندېښنې له یوه پوځي افسر سره شریکې کړي له سخت غبرګون او د طالبانو د ملاتړ له تور سره مخ شو.
د بدخشان یو اوسېدونکی وایي، له تېرو څو کلونو راهیسې طالبان د بدخشان ولایت په درایم ولسوالۍ کې په بېلابېلو پلمو له خلکو څخه په زور پیسې ټولوي. د هغه په خبره؛ طالبانو په جبري توګه له هر موټر چلوونکي، هټۍوال، لاس پلورونکي او سوداګر پیسې ټولې کړې، چې د درایم سړک به بیاورغوړي؛ خو دغه پیسې یې خپلې جېب ته واچولې.
د پاکستان تحريک انصاف ګوند پرېکړه کړې، چې د اګست له پنځمې نېټې به له زندانه د دغه ګوند د بنسټګر او پخواني لومړي وزیر عمران خان د خوشې کېدو او د نورو غوښتنو د منلو لپاره د هېواد په کچه احتجاجي غورځنګ پيل کړي.
د ارجنټاین ملي لوبډلې د لوبې په وروستیو شېبو کې د دوو ګولونو په وهلو سره انګلستان ته د ۲–۱ په توپیر ماتې ورکړه او د ۲۰۲۶کال نړۍوال جام پایلوبې ته یې لار وموندله. ارجنټاین به په پایلوبه کې له هسپانیا سره مخامخ شي.
د افغانستان د زرغون بهیر ویاند زمان رفعت وايي، چې طالبانو سږکال د دغه سیاسي او پوځي بهیر شاوخوا ۸۵ غړي «محاکمه او اعدام» کړي دي. نوموړي له افغانستان انټرنشنل سره په مرکه کې زیاته کړې، دا مهال د یاد غورځنګ ۵۰۰ غړي د طالبانو په زندانونو کې دي.
د افغانستان لپاره د پاکستان پخواني ځانګړي استازي اصف دراني ویلي، افغانستان لاهم له بشري ناورین، سیاسي انزوا او امنیتي ګواښونو سره مخ دی. د هغه په وینا؛ د امریکا او ناټو ځواکونو وتل د افغانستان په اړه د ملګرو ملتونو قانوني مسوولیت نه ختموي او امنیت شورا باید د افغانستان د «ترهګرۍ» ضد پرېکړو پلي کېدو ته دوام ورکړي.
د بلوچستان د کوټې ښار ته څېرمه د هرنایي ولسوالۍ د شعبان په غرنۍ سیمه کې د څلورو کسانو مړي موندل شوي، چې پاکستاني چارواکي وایي وسلهوالو له تښتولو وروسته په ډزو وژلي دي.
د ملګرو ملتونو سرمنشي انتونیو ګوترېش په رسمي ډول د بنګلهدېش یوه جګپوړې او تجربه لرونکې ډیپلوماته رباب فاطمه د افغانستان لپاره خپله نوې ځانګړې استازې او د ملګرو ملتونو د مرستندویه ماموریت (یوناما) د مشرې په توګه ټاکلې ده.
د سوریې د کورنیو چارو وزارت د بشارالاسد د رانسکور شوي حکومت د کیمیاوي وسلو متخصص ډګروال احمد حبیب علي له نیولو خبر ورکړی دی. دغه وزارت زیاته کړې، دغه کس د بشارالاسد د حکومت پر مهال د سارین ګازو د ډیپوګانو او کیمیاوي وسلو د تولید مسوول وو.
د بشري حقونو د څار سازمان څېړونکې فرشته عباسي پر افغانستان د پاکستان هوايي بریدونو ته په اشارې ویلي، د ښکېلو لورو له خوا د احتمالي جنګي جرمونو د ترسره کېدو په اړه باید بېطرفه او خپلواکه څېړنه وشي.
د ملګرو ملتونو د بشري چارو مرستیال او د بیړنیو مرستو همغږي کوونکي ټام فلیچر د پاکستان له لومړي وزیر سره د ډیورند کرښې له لارې افغانستان ته د مرستو د لېږد په اړه خبرې کړي. دغه لیدنه داسې حال کې شوې، چې ۲ ورځې مخکې د تورخم له لارې ۲۱ کانټینره بشري مرستې افغانستان ته ولیږدول شوې.
د ننګرهار سیمهییز طالب چارواکي وایي، له نږدې یو کال ځنډ وروسته د ملګرو ملتونو د خوړو نړیوال پروګرام ( ډبلیو ایف پي) د خوراکي مرستو بار وړونکو ۵۶ لاریو ته اجازه ورکړل شوې چې د تورخم له لارې افغانستان ته ننوځي.
د روسيې د بهرنيو چارو وزارت وياندې، ماريا زاخارووا، د چهارشنبې په ورځ وويل چې په افغانستان کې بشري وضعيت لا هم ډېر خراب دی او د نويو زېږېدلو ماشومانو د مړينې لوړه کچه او د ماشومانو د ګوزڼ ناروغۍ خپرېدل د مسکو له مهمو اندېښنو څخه دي.
په مصر کې د طالبانو د سفارت سرپرست عبدالمقیم قرار د دغه هېواد د بهرنیو چارو وزارت په تشریفاتي چارو کې د وزیر له مرستیال سفیر الدسوقي یوسف سره په قاهره کې کتلي دي. په دې لیدنه کې د دواړو لورو ترمنځ پر دوه اړخیزو اړیکو او د علاقې وړ موضوعاتو خبرې شوي.
د اروپايي ټولنې د کډوالۍ کمېشنر مګنوس برونر د طالبانو د یوه پلاوي او د اروپايي کمېسیون د چارواکو ترمنځ د لیدنې د برابرولو له امله د اروپايي پارلمان لهخوا د وضاحت ورکولو لپاره وربلل شوی دی.
د طالبانو عامې روغتیا وزارت د خوست ولایت په تڼیو ولسوالۍ کې د شاوخوا ۵۰ میلیونه افغانیو په لګښت د یوه ۵۰ بستریز «جياېچ» روغتون د جوړولو چارې په رسمي ډول پیل کړې.
د امریکا د ولسمشر په توګه د جوبایډن څلور کلنه دوره د غزې او اوکراین د جګړو او له افغانستان څخه د وتنې شاهده وه. بایډڼ په سپينې ماڼۍ کې د خپلې څلور کلنې دورې د څرنګوالي په تړاو د «امریکا، له ما سره ژمنه وکړه» په نوم یو کتاب لیکلی او ۴ میاشتې وروسته به خپور شي.
په افغانستان کې د ملګرو ملتونو د بشري استوګنې پروګرام ویلي، بېوزلي او نامناسب استوګنځی له یو بل سره ژوره او دوه اړخیزه اړیکه لري او هر یو یې د بل د زیاتېدو لامل کېږي. دغه بنسټ ټینګار کړی چې د دې کړۍ د ماتولو لپاره باید ټولو خلکو ته مناسب استوګنځی برابر شي.
د روسیې د دولتي اټومي شرکت روساتوم د معلوماتو له مخې، د اوکراین په یو ډرون برید کې د زاپوریژیا اټومي برېښناکوټ ارشد انجنیر الکساندر یاکوفلیف او د هغه موټر چلوونکی وژل شوي دي.
د طالبانو د پوهنې وزارت مرستیال عبدالمالک حقاني د ۱۴۰۵ کال کانکور او دیني مدرسو د ازموینو د لسو مخکښ زدهکوونکو ستاینغونډه کې ویلي، ټولنه او هېواد ټکنالوژۍ او مسلکي کادرونو ته جدي اړتیا لري. خو د افغان ښځو سیاسي شبکه وايي، هېڅ ملت د نجونو غږونو په چُپ کولو سره پرمختګ نهشي کولی.
په جنیوا کې د افغانستان استازي نصیر احمد اندېشه د اسلامي همکاریو سازمان او طالبانو ترمنځ وروستي اختلافونه بې ساري او د طالبانو په زیان بللي دي. هغه وایي چې د طالبانو له خوا د دغه سازمان د پرېکړه لیک ردول به د هغوی د مذهبي او سیاسي ګوښه کېدو لامل شي.