په تورخم کې د پاکستان دولتي سرچینو افغانستان انټرنشنل - پښتو ته تایید کړې، چې د محرم الحرام د رخصتیو له امله د تورخم دروازه د جون په ۲۵مه او ۲۶مه نېټه د هر ډول تګ راتګ پر مخ تړل کېږي.
د جرمني لومړي وزیر فریدرېښ ميرڅ د چهارشنبې په ورځ پارلمان کې د پوښتنو او ځوابونو په غونډه کې د زرغون ګوند د نیوکو په ځواب کې وویل، چې برلین له طالبانو سره خپلې اړیکې نه عادي کوي. هغه ټینګار وکړ چې له کابل سره هر ډول همکاري یوازې په تخنیکي کچه او د جرمني د ملي ګټو پر بنسټ ده.
د ایران د بهرنیو چارو وزارت ویاند اسماعیل بقايي، له امریکا غوښتي چې د جګړې د پای ته رسېدو د هوکړهلیک له متن سره په ټکر کې له تفسیرونو او څرګندونو ډډه وکړي.
ځايي سرچینې وایي چې د بادغیس ولایت د غورماچ ولسوالۍ یو شمېر قهرېدلو اوسېدونکو د دوشنبې په ورځ، د چنګاښ په لومړۍ نېټه، یو کس چې د غلا او وژنې په تور نیول شوی و، د طالبانو د امنیې قوماندانۍ له توقیفخونې راویست او ویې واژه.
تمدن ټلویزیون د یوې اعلامیې په خپرولو سره د طالبانو له لوري د دې رسنۍ د فعالیت د درولو پرېکړې ته غبرګون ښودلی او د ګوندي او پټ فعالیت اړوند تورونه یې رد کړي دي.
د طالبانو د لوړو زده کړو وزیر شیخ ندا محمد ندیم د ننګرهار پوهنتون د زده کړیالانو فراغت غونډې ته د وینا پر مهال ویلي، دوی داسې نظام حاکم کړی چې ټوله نړۍ کې یې مثال نشته.هغه زیاتوي چې دوی عدالت ټینګ کړی او خلکو ته یې حقونه ورکړي. په داسې حال کې چې نجونې یې له زده کړو بې برخې کړي.
د امریکا ولسمشر ډونالډ ټرمپ ویلي، چې د ایران اسلامي جمهوریت به له هغو ټولو غوښتنو سره منښته کوي چې نوموړی یې مطرح کوي او د ده په وینا تهران له دې پرته بله لار هم نه لري.
د افغانستان د پخواني جمهوري نظام پر مهال د ولسمشرۍ ماڼۍ ویاند صدیق صدیقي طالبان په سیمه کې تر ټولو لویه او خونړۍ ترهګره ډله بللې او ویلي یې دي چې د افغانستان خلک به له دې ډلې د خلاصون لاره ومومي.
افغانستان د ۲۰۲۶ کال د ماشومانو د حقونو په نړیوال شاخص کې د دوهم پرلهپسې کال لپاره د ۱۹۴ هېوادونو ترمنځ وروستی مقام خپل کړی دی.
د افغانستان د بشري حقونو د خپلواک کمیسیون پخوانۍ مشرې شهرزاد اکبر د طالبانو د عادي کولو پر هڅو سخته نیوکه کړې او دا کار یې د افغان ښځو او نجونو د حقونو او وقار د تر پښو لاندې کولو په مانا بللی دی.
د طالبانو په ولکه کې د مخابراتي خدمتونو د تنظیم ادارې (اترا) له مخابراتي شرکتونو سره په یوه ناسته کې د انټرنېټي او مخابراتي بنډلونو د بیو کمولو، د خدمتونو د کیفیت لوړولو، د خلکو ستونزو ته د رسېدنې او د مخابراتي خدماتو د وړاندې کولو پر څرنګوالي خبرې کړې دي.
د اروپا پارلمان د افغانستان د اړیکو د پلاوي مشرې راکِل ګارسیا هرمیدا فاندروالې، د اروپایي کمېسیون له لوري په بروکسل کې د طالبانو له استازو سره د ترسره شوې غونډې په تړاو له افغانانو بښنه غوښتې ده.
د اروپا د پارلمان مرستیال یان کریستوف اوتشن له افغانستان انټرنشنل سره په خبرو کې بروکسل ته د طالبانو پر بللو سختې نیوکې وکړې او دا چاره یې د اندېښنې وړ وبلله. هغه وویل چې په دې لړ کې د اروپايي کمیسیون لخوا د هوکړه شویو اصولو په پام کې نه نیول د منلو وړ نه دي.
د امریکا د انرژۍ وزیر کریس رایټ ویلي، چې په تېرو ۲۴ ساعتونو کې شاوخوا ۲۰ میلیونه بېرله خام نفت د هرمز له تنګي تېر شوي او د نفتو لېږدونکې بېړۍ لا هم د دې ستراتیژیکې اوبیزې لارې تګ راتګ کوي.
د پاکستان د بهرنیو چارو وزارت ویلي، چې په افغانستان کې د فعالو وسلهوالو ډلو شتون د پاکستان او چین لپاره ګډ امنیتي ګواښ بلل کېږي او دواړه هېوادونه د دې ګواښونو د مخنیوي لپاره نږدې همکاري کوي.
د بښنې نړیوال سازمان د اروپايي کمیسیون د مرکزي دفتر مخې ته په یوه لاریون کې ویلي، چې افغانستان د کډوالو لپاره خوندي هېواد نه دی او هلته ستانه شوي کسان له جدي ګواښونو سره مخ کېږي. دې سازمان له طالبانو سره د اروپايي ټولنې ناسته هم د شرم وړ وبلله.
ملګرو ملتونو کې د افغانستان استازي نصیراحمد فایق، بروکسل ته د طالبانو د استازو سفر ته په غبرګون کې ویلي، تر هغه وخته چې میلیونونه افغانې ښځې له خپلو بنسټیزو حقونو او اساسي ازادیو محرومې وي، هېڅ فرد او هېڅ هېواد نه شي کولای له طالبانو سره تعامل او یا هم د اړیکو عادي کول توجیه کړي.
د پکتیا ولایت د ډنډې پټان ولسوالۍ یو شمېر اوسېدونکي وايي، د طالبانو له لوري ښوونځیو ته د ټیلیفونونو پر وړلو بندیز زدهکوونکي له ګڼو ستونزو سره مخ کړي. دوی وایي چې ډیورنډ کرښې نږدې ژوند کوي او د موبایل کارونې بندیز له پېښو وروسته خپلو کورنیو ته د خبر ورکولو له مشکل سره مخ کړي.
سرچینو افغانستان انټرنشنل ته ویلي چې طالبانو د چهارشنبې په ماښام، د چنګاښ په درېیمه، د هرات ښار د «۶۴ متره سړک» په سیمه کې یو شمېر ښځې نیولې دي. عیني شاهدان وایي چې څو ښځې یې د طالبانو په یوه کاسټر ډوله موټر کې لیدلې دي، خو د نیول شویو کسانو کره شمېر ورته معلوم نه دی.
د افغانستان او پاکستان ترمنځ د لویو لارو بندښت او اقلیمي بدلون د افغان کوچیانو دودیز ژوند له جدي ستونزو سره مخ کړی. د څړځایونو کمښت، د څارویو ناروغۍ، د ماشومانو د زدهکړو خنډونه او د روغتیايي اسانتیاوو نشتوالي د دوی ژوند لا خورا سخت کړی دی.
د ډلهییز امنیت تړون سازمان ویلي چې په افغانستان کې روان امنیتي وضعیت لا هم د دوی لپاره تر ټولو جدي اندېښنه ده. یاد سازمان د افغانستان له خاورې په تاحکستان کې پر بریدونو اندېښنه ښودلې ده.