د ملګرو ملتونو د کډوالۍ نړۍوال سازمان خبر ورکړی، د هغو ۱۸ کډوالو مړي موندل شوي چې د لیبیا په پلازمېنه طرابلس کې د کښتۍ د ډوبېدو له امله مړه شوي وو. د یادې کښتۍ تر ۹۰ ډېر مساپر ژغورل شوي دي.
د طالبانو د صنعت او سوداګرۍ وزیر نورالدین عزیزي او مل پلاوي یې د قزاقستان د لومړي وزیر مرستیال او د ملي اقتصاد له وزیر ژومان ګارین سره په لیدنه کې د سوداګریزو اړیکو د پراختیا او د دوه اړخیزې راکړې ورکړې پر زیاتوالي ټینګار کړی دی.
په غزه کې روغتیایي چارواکي وایي، چې د اسراییل په تازه بریدونو کې لږ تر لږه ۱۸ کسان وژل شوي دي. تر دې وړاندې د اسراییل لومړي وزیر بنیامین نتنیاهو د دغه هېواد پوځ ته امر کړی و، چې په غزه کې خپل بریدونه «پیاوړي» کړي.
د اپل کمپنۍ ارزښت تر هغې وروسته ۴ټرېلیون ډالرو ته لوړ شو، چې د دغه شرکت د نويو ایفونونو بازار تود شو. د ایفون۱۷ او ایفون اېر تر اعلان وروسته په بازار کې د اپل کمپنۍ ونډې لوړې شوې او ورسره د مصنوعي ځيرکتیا په برخه کې د شاتګ اندېښنې هم کمې شوې.
له هغه وروسته چې په استانبول کې د طالبانو او پاکستان ترمنځ خبرې بېپایلې پای ته ورسېدې، د پاکستان حکومت په دغه هېواد کې د مېشتو افغانانو پر وړاندې نوي اقدامات پیل کړل. په پاکستان کې مېشت افغانان وايي، چې په بېلابېلو برخو کې پرې فشارونه زیات شوي او دوی یې له جدي ننګونو سره مخ کړي.
د امريکا ولسمشر ډونالډ ټرمپ ویلي، چې د امريکا په ملاتړ د غزې اوربند د ماتېدو له ګواښ سره نهدی مخ. ټرمپ دغه څرګندونې داسې مهال کوي، چې په اسراییلي بریدونو کې د وژل شویو فلسطینیانو شمېر ۲۶ ته لوړ شو. په ورته وخت کې اسراييل او حماس یو بل له اوربند څخه په سرغړونې تورنوي.
د طالبانو د ټولګټو چارو وزارت خبر ورکړی، چې د روان ۱۴۰۴لمریز کال د تلې په میاشت کې د افغانستان د اوسپنې پټلۍ له لارې ۴۹۳زره او ۵۰۶ مټریک ټنه انتقالات شوي دي. د دغه وزارت په خبرپاڼه کې راغلي، د دغه انتقالاتو ۹۷۱ ټنه یې صادرات و چې ډېره برخه یې وچه مېوه او د انارو جوس جوړوي.
په بدخشان ولایت کې د طالبانو د امنیې قوماندانۍ ویاند احسانالله کامګار خبر ورکړی، چې د دغه ولایت په ارغنجخواه ولسوالۍ کې د یوې ټرافیکي پېښې له امله یو کس مړ او ٦ نور ټپیان شوي دي. هغه ویلي، چې ټپیان د درملنې لپاره د فیضاباد روغتون ته لېږدول شوي دي.
د شمالي اروپا د بدن ښکلا سیالۍ چې د سویډن په «الینګسوس» ښار کې ترسره شوې، پهکې افغان ورزشکار بسمالله مرداني هم برخه اخیستې وه. بسمالله چې دا مهال په فنلنډ کې اوسېږي او د فنلنډ د بدن ښکلا د ملي لوبډلې غړی هم دی، په دغه سیالیو کې ښه ځلېدلی دی.
د کندهار ولایت له مرکزي زندانه د ښځو په ګډون ٢٤٨ بندیان خوشې شوي او د ٤٢٩نورو د بند موده کمه شوه. دارنګه د سمنګان له مرکزي زندانه هم ۴۷ بندیان خوشې شوي او د ۱۷ نورو د بند موده کمه شوې ده.
د ایران د بهرنیو چارو وزارت مرستیال کاظم غریب ابادي ویلي، چې طالبانو له افغانستان نه ایران ته د ایراني بنديانو د لېږد هوکړه کړې ده. هغه ویلي، چې د دواړه خواوو د هوکړې له مخې د دغو بندیانو نوملړ به ډېر ژر د ایران سفارت ته وسپارل شي او ژر تر ژره به یې د لېږد زمینه برابره شي.
په ۱۹۴۷ کې انګریزانو له هند او افغانستان څخه پربېلوکړای شویو خاورو یوه پوځي واکمنۍ جوړه کړه او نوم یې پرې کېښود پاکستان. له هندوستان څخه یې د بېلتانه لپاره دا توجیه وربرابره کړه، چې د هند مسلمانان حق لري بېل هېواد ولري.
د برازیل د ریو دو ژانیرو ښار د پولیسو دغه عملیات د یوې لویې جنایي ډلې پر ضد د اقلیم بدلون اړوند کاپ۳۰ له نړۍوالې غونډې یوازې څو ورځې مخکې ترسره شوي دي. په دغو عملیاتو کې چې د سېشنبې په ورځ (د لړم ۶مه) ترسره شوي، لږ تر لږه د څلورو پولیسو په ګډون ۶۴ کسان وژل شوي دي.
د طالبانو د کورنیو چارو وزارت وايي، که پاکستان پر افغانستان برید وکړي، دوی به ورته «پرېکنده او سخت ځواب» ورکړي، داسې ځواب چې «پاکستان ته به درس او نورو ته عبرت» وي.
پر غزې د اسراییل په تازه بریدونو کې تراوسه ۷ فلسطینیان وژل شوي دي. اسراییل ویلي، حماس به د اوربند د نقضولو «تاوان» پرې کړي.
د طالبانو د امربالمعروف او نهې عن المنکر وزارت مسوولین وايي، د خپل مشر هبتالله اخوندزاده له حکم سره سم یې تراوسه ۳۵۸۰ رواني ناروغان او لېونیان راټول او د درملنې او ساتنې په موخه یې سرې میاشتې ریاستونو ته سپارلي دي.
د پاکستان د اطلاعاتو فدرالي وزیر عطاالله تارړ ویلي، پاکستان څو ځلې له طالبانو سره د سرحدي بریدونو او د هند له ملاتړ برخمنو ډلو «ټيټيپي او بياېلاې» په اړه خبرې کړي، خو دوی لا هم د دې ډلو ملاتړ کوي.
د طالبانو له پېښو سره د مبارزې چمتووالي ملي ادارې ريیس نورالدین ترابي د کډوالۍ نړۍوال سازمان له رييسې میاپارک او د ځینو نورو موسسو له استازو سره په کتنه کې وویل، موسسې باید پر یوه ولایت تمرکز ونهلري، بلکې د هېواد ۳۴ ولایتونو ته خپلې مرستې ورسوي.
د طالبانو د سرحدونو، قومونو او قبایلو چارو وزارت سرپرست او د سرحدي کمېسیون مشر نورالله نوري د ایران د بهرنیو چارو وزارت له مرستیال کاظم غریبابادي سره د دواړو هېوادونو ترمنځ د ښې همغږۍ، له قاچاق څخه د مخنیوي او د سرحدي نښو نښانو د نوي کولو په اړه په کابل کې غونډه وکړه.
په افغانستان کې د ملګرو ملتونو مرستندویه ماموریت (یوناما) په خپل تازه راپور کې ویلي، چې پر طالبانو د کورنیو او نړۍوالو نیوکو سربېره لا هم یاده ډله د افغان مېرمنو پر ضد د تبعیض او محدودیتونو لړۍ ته دوام ورکوي.
د مخکېني جمهوري نظام پرمهال د بهرنیو چارو پخواني وزیر محمد حنیف اتمر په ترکیه کې د طالبانو او پاکستان تر منځ خبرو ته په اشارې سره وايي، طالبان اوس باید پر دې پوه شوي وي، چې د پاکستان پر نظامیانو تکیه کول لویه تېروتنه او فاجعه وه.