په جرمني کې د افغان کډوالو یو شمېر مدني فعالانو، د ښځو او بشري حقونو د مدافعانو او خبریالانو په ګډون لسګونو کسانو د جمعې په ورځ (د غبرګولي ۲۲مه) په برلین ښار کې د افغانستان سفارت مخې ته اعتراضي غونډه وکړه.
د ازادۍ جبهې په نوم د طالبانو مخالفې وسلهوالې ډلې ادعا کړې، چې په هرات کې یې د طالبانو پر «ځپونکو محتسبانو» په برید کې د دغې ډلې د امر بالمعروف درې غړي یې وژلي او دوه نور یې ټپيان کړي دي.
د عوامي نشنل ګوند مشر ايمل ولي خان ويلي، ګوند یې له کشميريانو سره ولاړ دی. هغه زیاته کړې، پښتانه او بلوڅ له وړاندې څخه «خاينان» ګرځول شوي او اوس کشميريانو ته «خاينان» ويل کيږي. هغه په طنزي ډول څرګنده کړه، چې یوازې پنجابیان د «وطنپالنې» بوج نهشي پورته کولی.
د لیکوالې حمیرا قادري مرکه مې له بهرام امان سره لیدله. هغې، چې غریو نیولې وه، د هراتي نارینهوو له هغه ملاتړ څخه ستاینه کوله چې د ښځو تر څنګ ودرېدل. هاغه ورځ د ولسي جرګې پخوانۍ غړې مریم سما هم پر خپلې اېکس پاڼې په هرات کې د ښځو په ملاتړ د نارینهوو اعتراض ستایلی و.
د امریکا د متحدو ایالتونو سناتور ګري پیټرز په هرات کې د طالبانو له لوري د ښځو نیول او د هغوی پر وړاندې تاوتریخجن چلند په کلکه غندلی او دا کار یې په بشپړ ډول د نهمنلو وړ بللی دی. پیټرز له افغانستان انټرنشنل سره په مرکه کې د افغانستان د وضعیت په اړه ژوره اندېښنه ښودلې ده.
د بامیان لپاره د طالبانو ځايي مسوولینو اعلان کړی، چې د بامیان په یکاولنګ ولسوالۍ کې یو تن تښتونکی او قاتل د بابا غره په لوړو سیمو کې په یوه وسلهواله نښته کې وژلی دی. د چارواکو په وینا، دغه کس چې علي نومېده، یوه ځوانه نجلۍ یې تښتولې وه او د هغې ورور یې په بېرحمانه ډول وژلی وو.
د امریکا په ټکزاس ايالت کې د يوه وسلهوال په ډزو کې لږ تر لږه یو کس وژل شوی او ۱۰ نور ټپيان شوي دي. پوليسو ويلي، بريدګر هم له پوليسو سره په نښته کې وژل شوی دی.
د ملګرو ملتونو د سرمنشي ویاند د جمعې په ورځ (د غبرګولي ۲۲مه) د افغانستان انټرنشنل د خبریالې مریم رحمتي د پوښتنې په ځواب کې ویلي، چې په هرات کې د ښځو د نیولو او له اعتراض کوونکو سره د طالبانو تاوتریخجن چلند «رښتیا هم د اندېښنې وړ دی».
د افغانستان د ازادۍ جبهې سیاسي مشر داوود ناجي په هرات کې د ښځو د نیولو په غبرګون کې ویلي، چې د طالبانو د امر بالمعروف او نهی عن المنکر محتسبان لا هم د دې جبهې د بریدونو مشروع هدفونه ګڼل کېږي.
د خیبر پښتونخوا په بنو ولسوالۍ کې د سختو بارانونو او توپانې بادونو له امله یو شمېر کسانو ته مرګژوبله اوښتې ده. د ځايي مسوولینو په وینا، په دې توپاني پېښو کې لږ تر لږه څلور کسان مړه او ۱۶ نور ټپیان شوي دي.
د خيبرپښتونخوا په سویلي ولسوالۍ لکي مروت کې د جمعې د لمانځه پر مهال د یوه جومات مخې ته د ځانمرګی بريد له امله د يوې ماشومې په ګډون دوه تنه وژل شوي او لږ تر لږه ۱۰ نور ټپيان شوي دي.
د مقاومت جبهې ادعا کړې، چې ځواکونو یې د بغلان په مربوطاتو کې د یو لړ پلان شویو عملیاتو په ترڅ کې یو طالب وژلی او بل یې ټپي کړی دی. خبرپاڼه وایي، دغه برید د بغلان پر مرکزي لویه لاره ترسره شوی، خو خپل لور ته یې د اوښتې احتمالي مرګژوبلې په تړاو څه سپیناوی نهدی کړی.
د امریکا د جمهوري غوښتونکي ګوند سناتور لینډسي ګراهام پر خپل ایکس لیکلي ډېر خوشحال دی چې ټرمپ د ایران د رسنیو هغه راپورونه جعلي وبلل چې د یوې ادعا شوې هوکړې په اړه خپاره شوي دي. هغه د ایران مشران «افراطي مذهبي نازيان» بللي دي.
سره له دې چې پاکستان په تېرو دوو لسیزو کې د ترهګرۍ پر ضد پراخ پوځي عملیات کړي، خو لا هم لسګونه منع شوې وسلهوالې ډلې فعالې دي او خپل جوړښتونه یې ساتلي دي. که څه هم د دغو ډلو ډېری مرکزونه په پنجاب کې دي، خو د تاوتریخوالي تر ټولو دروند بار بیا پښتونخوا او قبایلي سیمې زغمي.
د ایران د بهرنیو چارو وزیر عباس عراقچي اعلان کړی، چې د اسلاماباد د تفاهم یادښت د نږدې کېدو او نهایي کېدو پړاو ته رسېدلی دی. نوموړي پر اېکس پاڼه لیکلي، تر هغه چې دا هوکړه په بشپړه توګه وروستۍ کېږي، رسنۍ باید د هغې د محتوا په اړه له هر ډول احتمالي اټکلونو ډډه وکړي.
د افغانستان د ښځو اعتراضي خوځښتونو ایتلاف ویلي چې طالبان په هرات کې ښځې له نیولو وروسته د پیسو په بدل کې خوشې کوي او د هغوی دا عمل یې د «یرغملنیونې او منظمې باج اخیستنې» سره برابر بللی دی.
د راپورونو پر بنسټ د نړۍ په ګڼو هېوادونو کې د فیسبوک او مسنجر خدمات د ناڅاپي تخنیکي ستونزې له امله د لنډې مودې لپاره په ټپه درېدلي وو. د دې ستونزې له امله په میلیونونو کاروونکي په اتومات ډول له خپلو حسابونو څخه ایستل شوي او د بېرته ننوتلو پر مهال له ستونزې سره مخ کېږي.
د امریکا ولسمشر ډونالډ ټرمپ د ایران د اسلامي جمهوریت هغه ادعاوې په کلکه رد کړې چې ګواکې له واشنګټن سره پر یوې هوکړې سلا شوي دي. نوموړي ویلي، چې د هوکړې په تړاو د تهران افشا شوي شرایط له حقیقت سره هېڅ تړاو نه لري.
له عراق څخه یوه افغان کډوال افغانستان انټرنشنل پښتو ته په رالېږلي پیغام کې په دغه هېواد کې د افغان کارګرو او مساپرو له وضعیت او د عراقي پولیسو له ناوړه چلند څخه شکایت کړی دی.
طالب ځواکونو د جمعې په ورځ، د هرات د یو شمېر اوسېدونکو سولهییز لاریون وځپی. عیني شاهدان او ځايي اوسېدونکو افغانستان انټرنشنلل ته ویلي چې یو شمېر کسانو د طالبانو د والي د دفتر مخې ته راټول شوي وو، خو طالبانو د اعتراض ځپلو لپاره ډزې وکړې.
د طالبانو د عامې روغتیا وزارت مالي او اداري مرستیال عبدالولي صدیقي وایي، د روان کال تر پایه به د هېواد په بېلابېلو ولایتونو کې ۶۱ نوي روغتونونه جوړ او ګټې اخیستنې ته وسپارل شي.