د افغانستان د بشري حقونو د خپلواک کمېسیون پخوانۍ مشره شهرزاد اکبر وايي، اوس چې طالبانو د خپلې جزایي "اصولنامې" خلاف څرګندونې د شریعت پر ضد اعتراض بللی، جلاوطنه دیني عالمان باید دغه دریځ وننګوي.
د منځني ختیځ د سولې پروسې لپاره د ملګرو ملتونو ځانګړي همغږي کوونکي رامیز الاکباروف د امنیت شورا په ناسته کې ویلي، چې د غزې نږدې ټول وګړي بشري مرستو ته اړتیا لري او په لوېدیځه غاړه کې وضعیت د خرابېدو په حال کې دی.
د امریکا د بهرنیو چارو وزارت فارسي پاڼې لیکلي، د ایران حکومت د اقتصاد په ویجاړولو سره د ایران خلک د لومړنیو اړتیاوو په پوره کولو کې پاتې راوستي او دا وضعیت د اعتراضونو یو له اصلي لاملونو څخه دی.
د طالبانو تر واک لاندې د افغاني سرې میاشتې ټولنې خبر ورکړی، چې په بلخ کې یې له ګاونډیو هېوادونو ۱۰۰۰ راستنو شویو کورنیو سره د خوراکي او غېرخوراکي توکو مرسته کړې ده. سرې میاشتې ویلي، هرې کورنۍ ته لس قلمه خوراکي توکي ورکړل شوي، چې د هرې کورنۍ د مرستې مجموعي وزن ۱۰۴ کیلوګرامه کېږي.
په کندهار کې د طالبانو د والي دفتر ویلي، چې له نشهيي توکو سره د مبارزې دغه کمېسیون د نشهيي توکو د قاچاق، ترافیک، تولید او کارولو پر وړاندې د اغېزمنې مبارزې په موخه جوړ شوی دی.
د روسیې او طالبانو د دفاع وزارتونو مرستیالانو مسکو کې په یوه لیدنه کې د پوځي او امنیتي همکاریو او د هغو د پراخېدو پر راتلونکو لارو چارو باندې خبرې کړي. د روسیې د دفاع وزارت مرستیال واسیلي اُسماکوف او د طالبانو د دفاع وزارت د ستراتیژۍ او پالیسۍ مرستیال محمد فرید مسکو کې سره لیدلي.
په اروپايي پارلمان کې د جرمني استازې هنا نیومن د طالبانو جزایي 'اصولنامې' ته په غبرګون کې لیکلي، چې دا اقدام د جنسیتي اپارټایډ قانوني بڼه ده. نوموړې وايي، دې چارې په عملي توګه په افغانستان کې د ښځو او نجونو پر ژوند د 'غلامۍ مهر' لګولی دی.
په ایران کې د طالبانو سفارت ویلي، چې د ایران او ترکیې پر پوله په واورو کې له ژغورل شویو افغانانو سره یې له نږدې لیدلي او د هغوی د درملنې لپاره یې بېړني اقدامات کړي دي.
د طالبانو د مالیې وزارت ویلي، چې په تېرو دوو اوونیو کې یې د کندهار، نیمروز، فراه او هلمند ولایتونو په بېلابېلو سیمو کې په زیاته اندازه قاچاقي توکي نیولي او په دې تړاو یې ګڼ کسان هم نیولي دي.
د طالبانو تر واک لاندې له پېښو سره د مبارزې اداره وایي، دوی د جګړهځپلو ماشومانو لپاره له کاناډايۍ موسسې سره د ۳۹۰ زره ډالرو په ارزښت یو هوکړه لاسلیک کړی. یاده اداره وایي، د دې هوکړې له مخې به د کونړ په دوو ولسوالیو کې ۶۰۳مستحقو کورنیو ته دوه دوه سوه ډالره نغدي مرستې هم ورکړل شي.
په زابل کې د طالباتو د اطلاعاتو او کلتور ریاست ویلي، چې په یاد ولایت کې یې له ګاونډیو هېوادونو څخه د راستنو شویو کډوالو لپاره یې د نمرو وېش دویم پړاو پیل کړی.
د اسلامي وحدت ګوند مشر محمد محقق افغانستان انټرنشنل سره په خبرو کې ویلي، په افغانستان کې د طالبانو اوسنی نظام د امریکا او د هغوی د متحدینو «لاسته راوړنه او ډالۍ ده». هغه زیاته کړې، چې د طالبانو خلاف د اېلان ماسک په څېر خلکو څرګندونې چندان اغېزمنې نه دي.
د طالبانو تر ادارې لاندې د افغانستان برېښنا شرکت ویلي، چې یو ترکي شرکت غواړي د افغانستان د اوبو د برېښنا د تولید، د تجهیزاتو د ترمیم، بیارغونې او په دې برخه کې د عصري ټېکنالوژۍ د کارولو په برخو کې پانګونه وکړي.
په ملګرو ملتونو کې د ایران استازي د امریکا د ولسمشر ډونالډ ټرمپ د ګواښوونکو څرګندونو په غبرګون ویلي، چې امریکا په افغانستان او عراق کې په جګړو کې له اوو ټرېلیونو ډالرو څخه زیات لګښت کړی او تر اوو زرو ډېر پوځیان یې له لاسه ورکړي دي.
د فرانسې د پناه غوښتنې د ملاتړ ادارې د تازه شمېرو لهمخې، افغانستان په ۲۰۲۵ کال کې د ۱۳ زره او ۸۰۰ پناه غوښتنو په ثبتولو سره د هغو هېوادونو په سر کې راغلی، چې وګړي یې په فرانسه کې تر ټولو ډېرې د پناه غوښتنې کوي.
د افغان-امریکايي وګړي محمودشاه حبیبي د وروستي وضعیت په اړه، د هغه ورور احمدشاه حبیبي افغانستان انټرنشنل ته وویل، چې امریکا د حبیبي له خوشې کېدو پرته د طالبانو د ګوانتانامو زنداني نه خوشې کوي. نوموړی وايي، ورور یې په کندهار کې ساتل کیږي.
د ملګرو ملتونو د ماشومانو د ملاتړ صندوق ویلي، چې په افغانستان کې تعلیمي نظام له جدي ننګونو سره مخ دی، خو جوړېدل یې شونی دی.
د طالبانو د مخابراتو او معلوماتي ټکنالوژۍ وزیر مولوي حمدالله نعماني په اسیا او افریقا کې د اغاخان بنسټ له اجرایوي رییس لطف کسم او په افغانستان کې دیاد بنسټ له سفیر ډاکټر نجمالدین نجم او د روشن مخابراتي شرکت له رییس سره کتلي دي.
د خیبر پښتونخوا د تیرا سیمې له۷۰ زرو ډېر وګړي، چې زیات یې مېرمنې او ماشومان دي، د ټي ټي پي خلاف د پاکستان د پوځ د عملیاتو له وېرې بېځایه شوي، خو اوس ددغه هېواد چارواکي وايي، چې خلک د واورو له امله وتلي او دوی د وتلو امر نه دی ورته کړی.
د طالبانو یوه ملاتړي ملا شیرعلي حماد د کابل په ګلدره سیمه کې د یو تن د جنازې په مراسمو کې خلکو ته په ازبکستان، تاجکستان، قرغیزستان او پاکستان کې د «جـهاد» بلنه ورکړې ده. نوموړي ویلي چې تر هغه به ارام نه شي چې سپین بیرغ په اسلاماباد کې پورته نه وي.
په سیاست، اقتصاد، امنیت او د ټولنیز ژوند په ټولو برخو کې پریکړې همیشه د بدیلونو تر منځ په انتخاب پورې اړه لري. ایډیال حالت یا انتخاب نشته. یو کس هغه بدیل انتخابوي چې هغه ورته په خپل وخت کې ښه او ګټور ښکاري.