د امریکا د استخباراتو ادارې سياېاې پخوانۍ مامورې سارا اډمز ویلي، د کابل هوايي ډګر د «ابي ګېټ» خونړي برید اصلي طراحان لا هم ازاد ګرځي، خو د امریکا حکومت د ټیټې کچې وسلهوالو په نیولو خلکو ته د بریا تصویر وړاندې کوي.
اروپايي ټولنې اعلان کړی چې د افغان کډوالو د بېرته ستنولو په تړاو له طالبانو سره خپلې تخنیکي او عملي خبرې پراخوي او د همدې موخې لپاره یې د بلجیم پلازمېنې بروکسل ته د ناستې بلنه ورکړې ده.
د خوړو نړیوال سازمان وایي، په افغانستان کې وروستیو سېلابونو او د بودجې کمښت د میلیونونو کسانو بشري وضعیت لا پسې خراب کړی او که بېړنی تمویل برابر نه شي، د روان کال له نیمایي وروسته به په سرحدي سیمو کې د مرستو بهیر ودرېږي.
د فاکسنیوز د راپور لهمخې، محمد باقر سعد داوود الساعدي چې د عراق تبعه او د امریکا د ترهګرو په نوملړ کې د یوې شاملې ډلې جګپوړی غړی ګڼل کېږي، نیول شوی او د څېړنو لپاره نیویارک ته لېږدول شوی دی.
شهزاده رضا پهلوي په یوه ويډيويي پيغام کې ويلي، د ايران «رژیم» له ځپونکو جوړښتونو سره قصدي همکاري او د معترضانو د مصادره شويو شتمنيو پېر او پلور ښايي «له بشريت ضد جنايتونو سره مرسته» وبلل شي او «جنايي مسووليت» ولري.
د امریکا ولسمشر له بیجېنګ څخه تر ستنېدو وروسته په سپینې ماڼۍ کې خبریالانو ته وویل، چې سفر یې «ستره بریا» وه او «لویو هوکړو» ته رسېدلي دي. هغه د جمعې په ورځ (د غويي ۲۵مه) په واشنګټن کې زیاته کړه، چې «ډېر څه شوي» او ژر به د دغو پرېکړو جزییات خپاره شي.
يو شمېر امريکايي چارواکو په خوست ولايت کې د امريکايي ليکوال پاول اووربي د لادرکه کېدو له دولسم کال سره هممهاله، طالبان تورن کړي، چې د «برمتهنيونې ډيپلوماسۍ» لاره يې خپله کړې ده. طالبانو لا تر اوسه د دغه امریکايي د برخلیک په تړاو څه سپیناوی نهدی کړی.
د پاکستان بازارونو کې د یوې تولې سرو زرو په بیه کې ۱۵ زره ۵۰۰ کلدارې کمښت راغلی دی. د پاکستان د سرو زرو ټولنې د معلوماتو لهمخې، د جمعې په ورځ (د غويي ۲۵مه) په ځايي صرافه بازار کې د ۲۴ قیراط سرو زرو په بیه کې ۱۵ زره ۵۰۰ روپۍ کمښت راغلی او ۴ لکه ۷۶ زره ۸۶۲ روپیو ته رسېدلې ده.
د مدني او د بشري حقونو یو شمېر فعالانو د جمعې په ورځ (د غويي ۲۵مه) د جرمني د کډوالۍ او پناه غوښتنې ادارې «بامف» مخې ته په بُن ښار کې اعتراض وکړ او له جرمني حکومته يې وغوښتل چې د افغان پناه غوښتونکو اېستل ودروي او له طالبانو سره هم هر ډول همکاري بنده کړي.
د پاکستان فدرالي حکومت د تحریک انصاف ګوند له بنسټګر عمران خان سره د لیدنې لپاره د اپوزیسیون وړاندیز رد کړ. په سنا کې د لومړي وزیر سلاکار رانا ثناالله وویل، چې د کمېټې جوړولو لپاره په قانون کې ځای او اجازه نهشته، چې پر بنسټ یې له بندیانو سره د سیاسي موخو لپاره لیدنې وشي.
شهزاده هري او مېرمن یې میګان مارکل د نېټ فلېکس رسنیز شرکت لپاره د یوه جنګي فلم پر جوړولو بوخت دي. دا فلم د افغانستان د جګړې په اړه د یوه برېتانوي افسر د خاطراتو پر بنسټ جوړېږي. شهزاده هري په افغانستان کې د امریکا په مشرۍ د ناټو ځواکونو په چوکاټ کې دوه ځلي ماموریت هم ترسره کړی دی.
د افغانستان د کانونو او پټرولیم پخوانۍ وزیرې نرګس نهان ویلي، چې د طالبانو قوانین د عامو خلکو د ستونزو د حل لپاره نه، بلکې د انساني کرامت د تر پښو لاندې کولو او په ځانګړې توګه د ښځو د ځپلو او لپاره جوړ شوي دي. هغې له دیني عالمانو وغوښتل، چې غږ پورته کړي او طالبان ځواب ویونکي کړي
په پاکستان کې د افغان کډوالو په کمپونو کې يو یې د کراچۍ ښار ختيځ لور ته شاوخوا ۱۸ کيلومترۍ کې موقعيت درلود. خپل هېواد ته د افغان کډوالو تر اېستلو وروسته دغه کمپ نړول شوی او اوس پهکې څوک نهاوسيږي. ځايي خلک وايي: «افغانان ښه خلک وو، بايد بېرته نه وای لېږل شوي».
د عوامي ملي ګوند مشر اېمل ولي خان تازه یو ځل بیا ویلي، چې د ده لپاره د پښتون ژغورنې غورځنګ، د پاکستان طالبانو تحریک او تحریک انصاف یو ډول دي. هغه همدا راز ادعا کړې، چې د پښتون ژغورنې غورځنګ د عدم تشدد د ستر لاروي عبدالغفار خان نوم د خپلو شخصي ګټو لپاره کاروي.
د افغانانو فکري خوځښت د یوې اعلامیې په خپرولو سره له اروپايي ټولنې او د افغانستان له ګاونډیو هېوادونو غوښتي، چې زرګونه پخواني افغان سرتېري جبراً بېرته افغانستان ته ونهلېږي. یاد خوځښت ویلي، دغه کسان چې له جمهوریت وروسته له هېواده وتلي، اوس له جدي خطر او نا معلوم برخلیک سره مخ دي.
یو شمېر دولتي مامورینو افغانستان انټرنشنل ته ویلي، چې طالبانو د تېر ۱۴۰۴ کال د کب او د روان ۱۴۰۵ کال د وري میاشتې معاشونه لا هم نهدي ورکړي. دغه مامورین زیاتوي، دوی له سختو اقتصادي ستونزو سره مخ دي او د معاشونو د نهورکړې له امله یې ورځنی ژوند له جدي ستونزو سره مخ شوی دی.
د خيبرپښتونخوا په سویلي ولسوالۍ لکي مروت کې ۳ ورځې مخکې (سېشنبه- د غويي ۲۲مه) په شوې بمي چاودنه کې رياض خان هم وژل شوی و. دغه ځوان د ملېشې ځواک سرتېری و، خو نږدې ۶ مياشتې وړاندې یې دنده وروسته له هغې پرېښوده، چې دغه ځواک کې د دندې پر مهال یې کشر ورور په وسلهوال بريد کې ووژل شو.
افغانستان انټرنشنل- پښتو ته د کندهار د سپینبولدک یوه اوسېدونکي ویلي، چې یوه مافیايي ډله د طالبانو د ځايي پولیسو قومندانۍ او محکمې له ځینو کسانو سره په ګډه خلکو ته ستونزې جوړوي. د ده په وینا، دغه کسان د با نفوذه خلکو او سوداګرو پر ضد جعلي دعوې جوړوي او د حل په پلمه ترې پیسې اخلي.
د «قطره» په نوم یوه خیریه بنسټ ويلي، چې کابل کې يې د هغو ښځو لپاره وړيا د سواد زدهکړې ټولګي پيل کړي، چې له تعلیم څخه محروم پاتې دي. د دې پروګرام موخه د لیک- لوست د بنسټيزو مهارتونو هغو ښځو ته رسول دي، چې د اقتصادي ستونزو او د ژوند د سختو شرايطو له امله ښوونځيو ته لاسرسی نهلري.
د طالبانو د اقتصاد وزارت مرستیال عبداللطیف نظري د روسیې په کازان کې د درمل جوړونې له یوې کارخونې د لیدنې په ترڅ کې ویلي، افغانستان کولای شي د خپلې اړتیا وړ درمل له روسیې وارد کړي. د نوموړي په وینا، په دې برخه کې له اړوندو مسوولینو سره یې ګټورې خبرې هم کړې دي.
په لغمان کې د طالبانو امنیه قومندانۍ د جمعې په ورځ، ویلي، چې د یاد ولایت په مهترلام ښار کې د یوه کرولا او ریکشا ترمنځ د ترافیکي پېښې له امله یو کس مړ شوی او پنځه نور ټپیان شوي دي.