رویټرز راپور ورکړی، د امریکا ولسمشر ډونالډ ټرمپ به د چین له ولسمشر شي جېن پېنګ سره په لیدنه کې ترې وغواړي چې له ایران سره د جګړې په پای ته رسولو کې مرسته وکړي. خو دا لا روښانه نهده، چې چین به تر کومه حده چمتو وي پر ایران فشار راوړي او له تهران سره خپلې اړیکې زیانمنې کړي.
په بلوچستان کې په جلا، جلا پېښو کې څلور کسان وژل شوي او ۱۲ نور ټپیان دي. یوازې په لومړۍ پېښه کې د پنجګور په بایپاس سيمه کې پوليسو د دوو ناپېژاندو کسانو مړي موندلي دي. د پوليسو په وينا؛ د وژل شويو کسانو پر بدن د ډزو نښې لیدل شوې دي.
په ایران کې د افغان کډوالو د وضعیت په اړه د ناروې د کډوالو شورا د راپور تر خپرېدو وروسته د بېځایه شویو نړۍوال سازمان هم ویلي، چې په ایران کې افغان کډوال د جګړې، کډوالۍ او تړلو پولو ترمنځ بند پاتې دي.
د ۲۰۲۶کال د داخلي بېځایه شویو کلني راپور له مخې؛ تېر کال په افغانستان کې شاوخوا ۷ مېلیونه خلک د هېواد دننه د اوږدو جګړو او طبیعي پېښو له امله بېځایه شوي دي. دغه شمېره د ۲۰۲۵کال د سویلي اسیا د کورنیو بېځایه شویو نیمایي نفوس جوړوي.
تر ۲۰کلنو کم عمره د افغانستان فوټبال لوبډلې د ۲۰۲۶کال کافا جام سیالیو په دویمه لوبه کې د ازبکستان په وړاندې د ۲-۰ په توپير ماتې وخوړه. دغه لوبه چې د تاجکستان په پلازمېنه کې ترسره شوه، افغان لوبډلې پهکې پرلهپسې دویمه ماتې وخوړه او د جدول په پای کې پرته له کوم امتیازه پاتې شوه.
د امریکا د بهرنیو چارو وزیر مارکو روبیو ویلي، چین د امریکا اصلي جیوپولیټیک سیال او «ستر دښمن» دی، خو له دې هېواد سره اړیکې د واشنګټن لپاره تر ټولو مهمې دي او باید په دقت مدیریت شي.
د امریکا د مرکزي استخباراتو ادارې (سياې ای) پخوانۍ کارکوونکې سارا اډمز خبرداری ورکړی چې د افغانستان د جمهوري نظام د سقوط او په سوریه کې د وروستیو بدلونونو له امله د القاعـ. ـده او داعـ. ـش په څېر وسلهوالو ډلو فعالیتونو د پام وړ چټکتیا موندلې ده.
متحده عربي اماراتو د اسراییل د لومړي وزیر بنیامین نتنیاهو د دفتر هغه ادعا رد کړې چې ګواکې نوموړي د ایران او اسراییل د جګړې پر مهال اماراتو ته پټ سفر کړی او هلته یې له لوړپوړو چارواکو سره لیدلي دي.
د خوړو نړۍوال پروګرام په بغلان کې له ۵۰۰ اړمنو کورنیو سره د یوې اندازې خوراکي توکو مرسته وکړه. د دغه سازمان په وینا، په دغو مرستو کې اوړه، غوړي، دال، مالګه او نور اړین توکې شامل دي.
د افغانستان د ولسي جرګې پخوانۍ غړې فوزیه کوفي د طالبانو له خوا د بې ګناه کسانو نیول په کلکه غندلي او ویلي یې دي چې دا ډله د خلکو د ازادۍ په سلبولو سره غواړي د ازادۍ غوښتنې غږ خاموش کړي. نوموړې د طالبانو دا کړنې د عدالت د اصولو خلاف بللې دي.
د ملګرو ملتونو د خوړو او کرنې سازمان عمومي رييس ريچارډ ټرينچارت د ننګرهار ولایت لپاره د طالبانو له والي سره په کتنه کې ویلي، که څه هم په عموم کې د بودجې د کمښت خبرې کيږي، خو دغه سازمان د کرنې او اړوندو نورو چارو لپاره کافي بودجه لري او ننګرهار ته يې لومړيتوب ورکړی دی.
د لبنان روغتیايي سکټور د جګړې د پراخېدو، د ټپیانو د شمېر د زیاتوالي او د اسراییل له لوري پر روغتیايي مرکزونو د دوامداره بریدونو له امله له سخت بحران سره مخ شوی او د پاشل کېدو له ګواښ سره مخ دی.
ګڼو سرچينو افغانستان انټرنشنل ته ويلي، د طالبانو استخبارات له څه مودې راهيسې هغه افغان وګړي، چې له ايران څخه افغانستان ته راګرځي، د اسلامکلا په سرحدي دروازه کې د هغوی ګرځنده ټيلیفونونه پلټي. د سرچينو په وينا، د موبایلونو پلټنه کله ناکله له شلو دقيقو تر نيم ساعت پورې وخت نيسي.
د طالبانو د ټرانسپورټ او هوايي چلند وزارت اړوند د هوا پوهنې ادارې د هېواد په ۱۷ ولایتونو کې نن او سبا ورځ د سختو بارانونو، تالندې برېښنا، بادونو او ناڅاپي سېلابونو د راوتلو په اړه جدي خبرداری ورکړی دی.
مېټا کمپنۍ د طالبانو اړوند د ډېریو وزارتونو، ریاستونو، ولایتونو او نور وټساپ ګروپونه لهمنځه وړي دي. طالبانو هم په خپلو اړوندو ګروپونو کې د دغې چارې یادونه کړې ده، خو مېټا کمپنۍ لا تر اوسه په دې تړاو څه وضاحت نهدی ورکړی.
باخبره سرچینو د چهارشنبې په ورځ افغانستان انټرنشنل ته وویل، چې د تېر جمهوري نظام د کورنیو چارو وزارت پخوانی افسر شفیقالله قاطع له دوو میاشتو راهیسې د طالبانو په بند کې دی او د هغه د نامعلوم برخلیک په اړه اندېښنې زیاتې شوې دي.
د پاکستان لپاره د روسیې سفیر البرټ خوریف ویلي، چې د طالبان باید په افغانستان کې د اساسي بشري حقونو، په ځانګړي ډول د زدهکړو حق ته درناوی وکړي او د ټولنې ټولو قشرونو ته د بنسټیزو حقونو د برابرولو مسوولیت پر غاړه واخلي.
په بدخشان کې د مرسل عطايي په نوم یوې نجلۍ په دوو کلونو کې د قرانکریم یوه نسخه په خپل لاس لیکلې ده. دغه نجلۍ چې ښوونکې هم ده، د دغې چارې لامل له قرانکریم سره مینه او د اسلامي هنرونو ساتنه بللې ده.
د ملګرو ملتونو د بشري حقونو عالي کمېشنر، فولکر تورک، له اسراییل غوښتي چې د اکتوبر اوومې نېټې د بریدونو په تړاو جوړېدونکې ځانګړې پوځي محکمه لغوه کړي.
د افغانستان د مخکني جمهوري نظام مرستیال ولسمشر احمدضیا مسعود افغانستان انټرنشنل ته په یوه مقاله کې طالبان په افغانستان کې د قومي حکومت وروستۍ او تر ټولو څرګنده بېلګه بللې ده. نوموړي خبرداری ورکړی، چې له قومي حکومتونو ملاتړ په پای کې د ملي پاشلتیا او د هېواد د بحران لامل کېږي.
د متحدې جبهې مشر جنرال سمېع سادات وايي، طالبانو افغانستان د القـ. ـاعدې پر مرکزي پناهځای او عملیاتي مرکز بدل کړی دی. د نوموړي په وینا، د شمالي افریقا او منځني ختیځ جنګیالي د کندهار په شاوخوا کې د القـ. ـاعدې په کمپونو او پوځي تاسیساتو کې روزل کېږي او بیا جنګي سیمو ته لېږل کېږي.