آرشیف

د امریکا د بهرنیو چارو وزارت مرستیال ویاند ټامي پيګاټ په یوې خبري ناسته کې د یوه خبریال د پوښتنې په ځواب کې ویلي، چې د کډوالۍ ځانګړو وېزو بهیر اوس هم دوام لري.

د پاکستان ملي شورا د زنداني پخواني لومړي وزیر عمران په مشرۍ د پاکستان تحریک انصاف یا پي‌ټي‌ای درې مهم غړي له مهمو پارلماني څوکیو لرې کړي دي. دغه پرېکړه وروسته له هغه وشوه، چې د دغه ګوند څو غړي د پاکستان د ټاکنو کمېسیون له‌خوا بې‌واکه شول.

د پاکستان د بهرنیو چارو وزارت خبر ورکړی، چې نن د اسلام‌اباد په نړۍوال هوايي ډګر کې د دغه هېواد د اطلاعاتو وزیر عطاالله تارړ د یو لړ مراسمو په لړ کې غزې ته بشري مرستې واستولې.

په هرات کې یو پانګه‌وال خبر ورکړی، چې د دغه ولایت په صنعتي ښارګوټي کې یې د ۷مېلیونه امریکایي ډالرو په لګښت د اوسپنې ویلي کېدو فابریکه جوړه کړې ده. خان ګل اسحاقزي ویلي، چې دغه کارخونه په ورځ کې د ۱۵۰ ټنو په کچه د ډول، ډول اوسپنو ویلي کېدو ظرفیت لري.

یوه مصري ډيپلوماټ خبرداری ورکړی، چې د اسراييل نوې جنګي طرحه به د حماس له‌خوا د اسراييلي زندانیانو د وژل کېدو لامل شي. دغه ډول د مصر ولسمشر عبدالفتاح السیسي هم غوښتنه کړې، چې باید په دې اړه په مستقیم ډول له ټرمپ سره خبرې وشي.

د برېتانیا لومړي وزیر کې‌یر سټارمر جمعه (د زمري ۱۷مه) پر اېکس پاڼه د غزې د بشپړ نیولو په اړه د اسراييل د نوې پرېکړې په غبرګون کې ویلي، چې دغه پرېکړه ناسمه ده. هغه اندېښنه ښودلې، چې دغه پرېکړه به په غزه کې د لا وینې تویېدو لامل شي.

د ایران د بهرنیو چارو وزارت وايي، چې له ۲۷ کلونو وروسته د افغانستان په مزارشریف ښار کې د دغه هېواد پر قونسلګرۍ د مرګوني برید قضیه لاهم «په جدي او فعاله توګه» څاري. تهران د دې پېښې د عاملانو او طراحانو پر پېژندلو او عدالت ته پر سپارلو ټینګار کوي.

د خېبر پښتونخوا په قبایلي سیمو کې د تاوتریخوالي له نوې څپې او د «ټي‌ټي‌پي» د فعالیتونو له زیاتوالي سره، د پاکستان حکومت له سختو او حساسو پرېکړو سره مخ دی. ډان ورځپاڼه وایي، د ترهګرۍ ضد عملیاتو د پایلو په اړه د خلکو اندېښنو د سیمې فضا ترینګلې کړې ده.

د ترکيې ولسمشر رجب طيب اردوغان د سينيګال له لومړي وزیر عثمان سونکو سره په انقره کې يو ګډ خبري کنفرانس ته ویلي: «موږ د اسراييل د جنايتونو پر ضد د سينيګال دريځ ستایو او دغه دریځ د ډېرو هېوادونو لپاره يوه ښه بېلګه ده.»

د اسټرالیا حکومت له اسرايیل غوښتي، چې د ټولې غزې د نیولو پرېکړه دې بېرته واخلي. د اسټرالیا حکومت دا خبره داسې مهال کوي، چې د اسراييل کابینې د ټولې غزې د نیولو طرحه منظور کړې ده.

د محمداشرف غني په مشرۍ د مخکېني جمهوري نظام لومړي مرستیال امرالله صالح د خپلو سرچینو په حواله ادعا کړې، چې د عزیزي بانک څښتن میرویس عزیزي او د هغه زوی په متحده‌عربي اماراتو کې د سفر له محدودیتونو سره مخامخ دي.

د طالبانو د کورنیو چارو وزارت خبر ورکړی، چې د دوی ستر امنیتي مرستیال محمد ابراهیم صدر د ملاهبت الله د فرمانونو د تطبیق او د یونیفورم د عملي کېدو لړۍ په موخه زابل ته تللی. نوموړي ځايي طالبانو ته سپارښتنه کړې، چې باید پولیس یې یونیفورم واغوندي.

د امریکا مرکزي استخباراتو یا سي‌ای‌اې پخوانۍ ماموره سارا اډمز د افغان-امریکايي محمودشاه حبیبي د روغتیا په اړه اندېښنه ښودلې او وايي، چې هغه په ناوړه روغتیايي وضعیت کې دی.

د پاکستان د تحریک انصاف ګوند او د خېبر پښتونخوا حکومت له لوري په دغه ایالت کې د هر ډول پوځي عملیاتو په مخالفت سره د پاکستان د کورنیو چارو د دولت وزیر طلال چوهدري ویلي، چې پوځي عملیات نه کېږي؛ خو د وسله‌والو پر ضد به د ملي کړنلارې له مخې اقدامات کېږي.

د طالبانو د ریاست الوزرا دفتر پنجشنبه (د زمري ۱۶مه) ویلي، د یونېسف اجرایوي مرستیال او عملیاتي مدیر تد چایبان ورسره ژمنه کړې چې د افغانستان د کورنیو تولیداتو او راستنېدونکو کډوالو په برخو کې همکاري کوي.

په هرات ولایت کې د طالبانو ولایت مقام رسنیز دفتر خبر ورکړی، چې د پنج‌شنبې په ورځ (د زمري ۱۶مه) د دوی والي مولانا اسلام جار په افغانستان کې د یونېسف او یونیسیار له استازو سره راستنېدونکو کډوالو ته د خدمتونو وړاندې کولو په تړاو ناسته کړې ده.

د طالبانو د لوړو زده‌کړو سرپرست وزیر ملا ندامحمد ندیم نویو فارغ‌شویو زده‌کړیالانو ته په یوې غونډه کې ویلي، چې د نورو ډلو د مفکورو تر اغېز لاندې رانه‌شي. نوموړي ټینګار کړی، چې افغانستان د فوق لېسانس زده‌کړو متخصصو او غوره فکر لرونکو ځوانانو ته اړتیا لري.

د طالبانو د عامې روغتیا وزیر نور جلال جلالي ویلي، هڅه کوي چې د نړۍوالو مرستو تر څنګ د کورنۍ بودجې په کارولو سره په هېواد کې روغتیایي خدمتونه پراخ او معیاري کړي. هغه دغه خبرې د افغانستان لپاره د یونېسف له استازو سره په ګډه ناسته کې کړې دي.

د اسراییل کابینې د دغه هېواد د لومړي وزیر بنیامین نتنیاهو هغه طرحه منظور کړه، چې د غزې ښار د نیولو لپاره دغې کابینې ته وړاندې شوې وه. له دې سره تمه کېږي، چې اسراییلي ځواکونه به نږدې یو مېلیون فلسطینیانو ته د غزې د پرېښودو امر وکړي.

د طالبانو د اوبو او برېښنا وزیر عبداللطیف منصور وایي، دوی دا درک کړې چې پاکستان په افغانستان کې پیاوړی مرکزي حکومت نه غواړي او د دغه هېواد لپاره د طالب او مجاهد تر منځ هېڅ توپیر نشته.

د پنجشنبې په ورځ د کېنیا په پلازمېنې نایروبي ښار کې اورګاډی او یو بس سره ټکر شوي، چې له امله یې لږ تر لږه څلور کسان مړه او لسګونه نور ټپیان شوي دي.