په فاریاب ولایت کې د طالبانو د ټرافیکو مدیر عبدالجبار روحاني خبر ورکړی، چې د دغه ولایت د پشتونکوټ ولسوالۍ په «کوتل ګردنه» سیمه کې د یوې ټرافیکي پېښې له امله د ښځو او ماشومانو په ګډون ۹ کسان مړه او ۱۶ نور ټپیان شوي دي.
د پاکستان پولیسو د اسلاماباد په «ارجنټاین پارک» کې د نیمې شپې چاپې وروسته د ۵۳۹ افغان کډوالو د نیولو او افغانستان ته د بېرته جبري اېستلو لړۍ پیل کړې ده. د افغانستان انټرنشنل د راپور له مخې؛ په نیول شویو کسانو کې د بشري حقونو فعالان، خبریالان او د پخواني حکومت کارکوونکي شامل دي.
افغانستان انټرنشنل ته رسېدلي اسناد او ویډیوګانې ښيي، چې طالبانو د ننګرهار ولایت د جلالاباد ښار د اوومې ناحیې په چکنوري سیمه کې چې اوسمهال د «افغان مېنې» په نوم یادېږي؛ د بورې جوړولو دولتي فابریکه تخریب کړې ده.
په جلاوطنۍ کې فعال د افغان خبریالانو او رسنیو د ملاتړ یو بنسټ «نی» وايي، چې په تېرو ۲۴ ساعتونو کې په اسلاماباد کې پنځه افغان خبریالان او د رسنیو کارکوونکي په تاوتریخوالي سره نیول شوي دي.
د «نسیم» په نوم سیمهییزه راډیو چې له څو میاشتو راهیسې یې نشرات بند و، د سې شنبې په ورځ یو ځل بیا خپرونې پیل کړې. د طالبانو تر واک لاندې د بامیان مطبوعاتي دفتر اعلان کړی، چې دغې راډیو د بامیان د والي په همکارۍ او د اطلاعاتو او فرهنګ ریاست په همغږۍ فعالیت پیل کړی دی.
د پاکستان د دفاع وزیر وايي، طالبان یوه ځان غوښتونکې ډله ده او پر هغوی باور کول «بې ګټې» دی. خواجه اصف ومنله، چې په افغانستان کې د طالبانو د بریا هرکلی پر دوی د ملنډو وهلو لامل شوی و، خو دوی د طالبانو لپاره هیله درلوده.
د افغان ښځو څلورو اعتراضي غورځنګونو یو ګډ پرېکړهلیک خپور کړی، چې له مخې یې په افغانستان کې د ښځو اوسنی وضعیت «په معاصر تاریخ کې د تاوتریخوالي او تبعیض تر ټولو بد مثال» بلل شوی دی. دغو غورځنګونو اعلان کړی، چې «افغانې ښځې به تسلیم نه شي او د دوی ازادي د مذاکرې وړ نه ده.»
د افغانستان لپاره د اسټرالیا ځانګړې استازې وايي، په هېڅ بل هېواد کې د ښځو پروړاندې تاوتریخوالی دومره «ریښې لرونکی، جوړښتي او پراخ» نه دی لکه په افغانستان کې چې دی.
د ملګرو ملتونو د بشري حقونو ځانګړي راپور ورکوونکي ریچارډ بېنېټ وايي، د نجونو او ښځو پروړاندې تاوتریخوالی د منلو وړ نه دی. نوموړي په خپل اېکس کې لیکلي، چې په افغانستان او ټوله نړۍ کې نجونې او ښځې د ساتنې، عزت او مساواتو مستحقې دي.
د طالبانو د برېښنا شرکت مشر عبدالباري عمر ویلي، پلان لري کابل - کندهار، کابل - ننګرهار، هرات - کندهار او کابل - بامیان د ۲۲۰ کیلو ولټ برېښنا مزې له لارې وصل کړي. د هغه په خبره، تر راتلوونکو درېیو کلونو به افغانستان د برېښنا په برخه کې ۸۰ سلنه پر ځان بسیا شي.
د طالبانو د چاپېریال ساتنې ادارې مشر مطیعالحق خالص د ملګرو ملتونو د پراختیايي پروګرام له مرستیالې سره په نړۍوالو کنفرانسونو کې د دوی د ګډون په اړه خبرې کړې دي. طالبانو ویلي، چې په دې ناسته کې د چاپېریالي وضعیت او اقلمي بدلون سره د مبارزې په اړه هم بحث شوی.
د مخکېني جمهوري نظام د ملي امنیت رییس رحمتالله نبیل وايي، په کندهار کې د هند د کونسلګرۍ د بیا پرانېستلو احتمال او د ډیلي-کندهار ترمنځ د مستقیمو الوتنو د پیل امکانات مهم پرمختګونه ګڼل کېږي.
د ښځو پر وړاندې د تاوتریخوالي د له منځه وړلو د نړۍوالې ورځې په مناسبت، د ملګرو ملتونو د نشهیي توکو او جرمونو او د یادې ادارې د ښځو دفتر د ۲۰۲۵ کال راپور خپور کړی، چې په کې ویل شوي، د ښځو پر وړاندې تاوتریخوالی په ټوله نړۍ کې د لسګونو زرو ښځو او نجونو د وژل کېدو لامل کېږي.
د افغانستان د رسنیو ملاتړ سازمان (امسو) په پاکستان او ایران کې د مېشتو افغان خبریالانو د ملاتړ په موخه انلاین کمپاین پیل کړی. دغه سازمان په خپل کمپاین کې یو ځل بیا له پاکستان او ایران څخه غوښتي، چې د افغان خبریالانو جبري اېستل ودروي.
د کډوالو د حقونو د څار سازمان نن سې شنبه (د لېندۍ ۴مه) په یوه اعلامیه کې ویلي، چې پاکستاني پولیس تېره شپه د ارجنتینا پارک ته ننوتلي او هڅه یې کړې هغه افغان پناهغوښتونکي له هغه ځایه وباسي، چې له تېرو درېیو میاشتو راهیسې د خیمو لاندې پاتې وو.
د پښتونخوا نشنل عوامي ګوند شریک مشر مختار خان یوسفزي ویلي، چې طالبان له ژور ملي مشروعیتي کړکېچ سره مخ دي او باید د یوه ټولګډونه او ولسواک نظام د جوړولو لپاره بېړني ګامونه واخلي.
په افغانستان کې د ملګرو ملتونو مرستندویه ماموریت (یوناما) د سې شنبې په ماښام په یوه خبرپاڼه کې ویلي، چې د دوشنبې په شپه په خوست او کونړ ولایتونو کې په هوايي بریدونو کې لږ تر لږه ۱۰ ملکي وګړي وژل شوي او شپږ نور ټپیان دي.
د نومبر ۲۵مه هر کال د ښځو پر وړاندې د تاوتریخوالي د له منځه وړلو د نړۍوالې ورځ په توګه نمانځل کېږي. د دې ورځ شالید د دومینیکن جمهوریت د میرابل خویندو له وژنې سره تړاو لري، چې د ۱۹۶۰م کال د نومبر په ۲۵مه د یوه ظالم رژیم پر وړاندې د خپلې مبارزې له امله ووژل شوې.
د امریکا د بهرنیو چارو وزارت د «عدالت لپاره جایزې» پروګرام د یادې ډلې د دوو لوړپوړو مشرانو د نیولو او محاکمې لپاره د معلوماتو په بدل کې د ۱۵میلیونه ډالر انعام اعلان کړی دی.
د پښتون ژغورنې غورځنګ مشر منظور پشتین پر افغانستان د پاکستان په بمباریو کې د بېګناه ماشومانو او ښځو وژل ترهګري، غیرانساني، غیراسلامي او د نړیوالو قوانینو خلاف عمل بللی. پشتین وايي، پاکستاني جنرالانو یو شمېر پښتانه سیاستوال، مشران او خبریالان په پیسو اخېستي.
د افغانستان کرېکټ بورډاو د اسیا کرېکټ شورا په ګډه اعلان کړی چې د ۲۰۲۵ کال د نولس کلنو اسیا جام سیالۍ به راتلونکی کال د افغانستان په کوربه توب په عربي اماراتو کې ترسره شي.