د هرات ولایت په صنعتي ښارګوټي کې د درملو یوه خصوصي تولیدي کارخونه ۷۸ ډوله درمل تولېدوي، چې د هېواد ۳۰ ولایتونو ته یې صادروي. دغې کارخونې ۹ میاشتې وړاندې د ۸ میلیونه امریکایي ډالرو په پانګونې سره فعالیت پیل کړی او دا مهال د اړتیا وړ درمل تولیدوي.
د روسیې د بهرنیو چارو وزارت اعلان کړی چې دغه هېواد غواړي له چین سره د امنیتي همکارۍ کچه د آسیا – اقیانوسیه په سیمه کې نوره هم لوړه کړي.
د افغانستان د خبریالانو مرکز نن شنبه د (تلې ۲۶مه) ویلي، چې د طالبانو لهخوا د شمشاد راډيو او ټلوېزیون تړل غندي او له طالبانو غواړي، چې پر دې پرېکړه له سره غور وکړي.
په نورستان ولایت کې د طالبانو د کانونو او پټرولیم ریاست ځايي مسوولینو ویلي، چې د ازادې بولۍ له لارې یې د ۲۲ میلیونه او ۷ سوه زرو افغانیو په ارزښت د بیروج ډبرې پلورلې دي.
د سپین بولدک ولسوالۍ لپاره د طالبانو کمیسار فیض الحق سعید وايي چې پرون جمعه ۱۲بجې د لنډې مودې لپاره د سپین بولدک دروازه د افغانانو پرمخ خلاصه شوې وه. د هغه په خبره، سلګونه کسان په دې موده کې بېرته خپل هېواد ته ور ستانه شوي.
د طالبانو ویاند ذبیح الله مجاهد په کابل کې یوې فعالې خصوصي رسنۍ سره په خبرو کې ویلي چې افغانستان د «هیڅ لورې د لاس اله نه ده ګرځېدلې» او له هند سره د دوي اړیکې د پاکستان پر ضد نه دي.
د افغانستان د رسنیو د ملاتړ سازمان د جمعې په ورځ د (تلې ۲۵مه) لیکلي، چې د طالبانو لهخوا د شمشاد راډیو او ټلوېزیون بندول غندلي دي. دې سازمان دا کار د بیان پر ازادۍ تېری بللی او له نړۍوالو بنسټونو یې غوښتي، چې د طالبانو د دې کار پر وړاندې غبرګون وښيي.
د افغان کډوالو ملاتړ کوونکي ادارې افغان اېواک په یوه اعلامیه کې د امریکا متحده ایالتونو ته د کډوالۍ ځانګړي ویزې (SIV) لرونکو افغانانو لپاره د الوتنو د بیا پیل کېدو هرکلی کړی. دا الوتنې چې د کډوالۍ نړۍوال سازمان (IOM) په ملاتړ کېږي د کډوالو دP1، P2 او P3 قضیو لپاره نه عملي کېږي.
یو شمېر ازبک فرهنګپالو او فعالانو د جمعې په ورځ په کابل کې د یوې فرهنګي غونډې په ترڅ کې د «ازبکي ژبې ملي ورځ» ونمانځله. دغه غونډه د ازبکستان د سفیر، د طالبانو د چارواکو، لیکوالانو، شاعرانو، ښځو او ځوانانو په ګډون جوړه شوې وه.
د ملګرو ملتونو سازمان وايي، د غزې نورو سیمو ته د مرستو په رسولو کې له جدي ستونزو سره مخ شوی. سازمان زیاته کړې، چې ټولې لارې خرابې دي اود دې ادارې د مرستو کاروانونه نه شي کولای د غزې شمال ته، چې د لوږې له سخت وضعیت سره مخ ده، ورسېږي.
د امریکا ولسمشر ډونالډ ټرمپ وايي، «زه د جګړو د حل منځګړی یم» او ادعا کوي، چې تر دې مهال یې ۸ جګړې ختمې کړې دي. نوموړي ویلي د همدې جګړو په ختمولو سره یې د میلیونونو انسانانو ژوند ژغورلی دی.
د خیبر پښتونخوا پولیس وايي چې څو شېبې وړاندې د بنو د میریان پولیسو د مرکز مخې ته یو ځانمرګی برید شوی دی. چارواکي وايي، له پېښې مخکې وسله والو د پولیسو پر مرکز ډزې هم کړې دي.
د امریکايي رسنۍ «اکسیوس»د دوو باخبره سرچینو په وینا، د امریکا ولسمشر ډونالډ ټرمپ د جمعې په ورځ د اوکراین له ولسمشر ولادیمیر زیلینسکي سره په یوې لیدنه کې ویلي، چې دا مهال نه غواړي د اوږد واټن تاماهاوک توغندي اوکراین ته ورکړي.
سرچینو افغانستان انټرنشنل - پښتو ته ویلي، چې نیم ساعت وړاندې طالب استخباراتو د شمشاد خصوصي ټلویزیون نشرات بند کړي. د شمشاد ټلویزیون څخه سرچینو زیاته کړې، چې تر اوسه د نشراتو د بندېدو لامل معلوم نه دی.
د ملي ډیموکراټیک غورځنګ ګوند مشر او د پاکستان پارلمان پخواني غړي محسن داوړ ویلي، چې د حکومت د غلطو پالیسو له امله خلک ځوریږي. هغه زياته کړې، د شمالي وزیرستان پر خادي پوځې مرکز په ځانمرګي برید کې ۶ پوځي سرتیري او ملکي کسان وژل شوي دي.
ځایي سرچینو افغانستان انټرنشنل - پښتو ته ویلي، نن شپه (جمعه د تلې ۲۵مه) شاوخوا ۸ بجې د پاکستان هوايي ځواکونو د پکتیکا په ارګون او برمل ولسوالیو کې د ولسي وګړو کورونه په نښه کړي دي.
سرچینو افغانستان انټرنشنل ته وویل، چې د پکتیکا په ارګون ولسوالۍ کې د بې پیلوټه الوتکو بریدونه شوي دي. محلي سرچینو افغانستان انټرنشنل ته وویل چې بریدونه په خانه دار کلي کې شوي دي.
د امریکا د بهرنیو چارو وزارت د افغان طالبانو او پاکستاني ځواکونو ترمنځ د نښتو په تړاو ویلي، چې واشنګټن د دواړو لوریو ترمنځ روان وضعیت له نږدې څاري.
د کندهار له سپین بولدک ولسوالۍ څخه طالب سرچینو افغانستان انټرنشنل ته ویلي، چې له پاکستان سره د ۴۸ ساعته اوربند مودې پای ته رسېدو وروسته ورته د تیارسۍ امر شوی دی. طالب سرچینو ویلي، چې د اوربند مودې غځېدو په تړاو یې په لیکلې بڼه څه نه دي ترلاسه کړي.
د پاکستان او طالبانو ترمنځ اوسنۍ جګړه یوڅه مرموزه او بېتعریفه جګړه ده، ځکه د جګړې اهداف لا تر اوسه روښانه نه دي. پاکستان، په ځانګړې توګه د وروستي جمهوریت نه مخکې، د جمهوریت په موده کې او له هغه وروسته، په ښکاره او پټه له طالبانو بشپړ ملاتړ کړی دی.
په کابل کې سرچینو افغانستان انټرنشنل ته وویل، چې د طالبانو او پاکستان ترمنځ اوربند وغځېد. سرچینې وايي، دواړو اړخونو پرېکړه کړې، چې ددوحې خبرو اترو تر پایه به اوربند وي. سرچینو وویل، چې د ملا یعقوب په مشرۍ د طالبانو پلاوی دوحې ته سبا ځي.