د ۲۰۲۱ کال په اګست کې پر کابل د طالبانو له بیا واکمنېدو وروسته، د افغانستان او پاکستان ترمنځ سیاسي او امنیتي اړیکوپام وړ بدلون موندلی او پر ډېورنډ کرښه د نظامي ترینګلتیاوو کچه لوړه شوې ده.
د ملګرو ملتونو د خوړو او کرنې سازمان (ایف ای او) وړاندوینه کړې چې په راتلونکې یوه اونۍ کې به د افغانستان په ډېرو سیمو کې هوا وچه وي او یوازې په شمال او شمالختیزو ځینو برخو کې د لږ ورښت اټکل کېږي.
د طالبانو البدر قول اردو ویلي، چې ځواکونو یې د کندهار ولایت د سپین بولدک ولسوالۍ په مازل سیمه کې ۲۴۹ کیلو ګرامه سپین زر او ۲۹۰ ګرانببیه ساعتونه نیولي دي. یادې قول اردو په یوه خبرپاڼه کې ویلي چې قاچاق وړونکو غوښتل دغه توکي په ناقانونه ډول پاکستان ته ولېږدوي.
د طالبانو په ولکه کې د احصایې او معلوماتو ادارې اعلان کړی، چې د مراجعینو د اسانتیا لپاره یې د تابعیت تذکرو د تایید فیس معاف کړی او له دې وروسته به دغه خدمتونه په وړیا توګه وړاندې کېږي.
د پاکستان د بهرنیو چارو وزارت وایي، ددغه هېواد لومړی وزیر شهباز شریف به د فبرورۍ له ۲۳مې تر ۲۴مې نېټې پورې قطر ته رسمي سفر وکړي. د یاد وزارت په وینا، په دغه سفر کې به د سوداګرۍ، پانګونې، انرژۍ، د بنسټیزو پروژو پراختیا او د کاري ځواک د لېږلو په برخه کې تړونونه وشی.
د ملګرو ملتونو د عمومي اسامبلۍ مشرې انالینا بیربوک پر نړېوالو غږ کړې چې د طالبانو پر کړنو د سترګو پټولو وخت پای ته رسېدلی او باید د دې ډلې پر وړاندې په متحدانه ډول عمل وکړي.
د خیبر پښتونخوا د کرک ولسوالۍ د بهادرخېل سيمې په درګاه شهیدان سیمه کې د پاکستان سرحدي ځواکونو پر امنیتي پوسته د ډرون څرخکې په برید کې د ټپي شویو نظامیانو پر لېږدوونکو امبولانسونو ډزې شوې او درې تنه پکې وژل شوي.
د ایران د بهرنیو چارو وزارت ویانداسماعیل بقایی په خپله اونیزه خبري ناسته کې وویل چې د طالبانو د رسمیت پېژندنې په اړه به هغه وخت رسمي اعلامیه خپره شي، چې په دې اړه وروستۍ او پرېکنده پایلې ته ورسیږي. هغه د طالبانو د حکومت د رسمیت پېژندنې موضوع حاکمیتي او سیاسي مساله وبلله.
د طالبانو د ټولګټو چارو وزارت خبر ورکړی، په تېرې سلواغې میاشت کې د اوسپنې پټلۍ له لارې ۷۲۶زره او ۵۶۰ مټریک ټنه انتقالات شوي دي. د دغه وزارت په وینا؛ یاد انتقالات د حیرتان، اقينې، تورغونډۍ او خواف-هرات بندرنونو له لارې شوي دي.
د طالبانو د احصایې ملي ادارې ویاند محمد حلیم رافع وایي، چې په تېرې سلواغې میاشت کې یې پر ۱۰زره او ۳۷۴ کسانو د زېږون کارټونه وېشلي دي. د هغه په وینا؛ په دې کې تر ۶زره ډېر د لویانو او پاتې ۴زره د ماشومانو زېږون کارټونه شامل دي.
د طالبانو د کار او ټولنیزو چارو وزارت ویاند سمیعالله ابراهیمي وايي، چې له ګاونډيو هېوادونو نه ستانه شوي، له خپلو کورنیو لا درکه شوي او له کوڅو او سړکونو یې تر ۱۰زره ډېر ماشومان راټول کړي او له نامعلوم برخلیک څخه یې ژغورلي دي.
د روسیې د بهرنیو چارو وزارت په تازه راپور کې ویلي، په افغانستان کې شاوخوا ۲۰ تر ۲۳زره ترهګر حضور لري چې له دې ډلې تر نیمایي ډېر یې بهرنيان دي. په راپور کې ویل شوي، داعش د افغانستان تر ټولو لویه ترهګره ډله ده چې شاوخوا ۳زره غړي لري.
د طالبانو د امربالمعروف، نهې عن المنکر او شکایتونو اورېدو وزارت وایي، چې د خلکو له شکایتونو وروسته یې په غور، پروان او بامیان ولایتونو کې ۷ کوډګر د کوډو له وسایلو سره یو ځای نیولي دي. یاد وزارت زیاته کړې، چې دغه کوډګرو خلک تېر اېستل او له یوشمېر کورنیو یې نغدې پېسې اخیستې وې.
د اوکراین ولسمشر ولادیمیر زېلېنسکي وایي، چې د روسيې د ولسمشر ولادیمیر پوتین کړنې د درېیمې نړۍوالې جګړې پیل ګڼل کېږي او اوکراین اوس د هغه د پراخې جګړې د مخنیوي لومړۍ کرښه ده.
په جوزجان کې د طالبانو د امنیې قوماندانۍ ویاند عبدالستار حلیمي وایي، چې د شبرغان او اندخوی ولسوالۍ پر لار د یوه موټر د اوښتو له امله یو کس مړ او د یوې ښځې او ماشوم په ګډون ۶ نور ټپیان شوي دي. نوموړي زیاته کړې، چې ټپیان د جوزجان ولایتي روغتون ته لېږدول شوي دي.
د طالبانو تر واک لاندې د ننګرهار وادې کرنيز شرکت مسوولین وايي، په هډې فارم کې د خرما بڼونه هر کال د پام وړ حاصل ورکوي او د راتلونکو کلونو لپاره د نوو بڼونو جوړول د خصوصي شرکتونو په همکارۍ پلان شوي؛ ترڅو د کورني تولید زیاتوالی او نسبي ځان بسیا کېدل یقیني شي.
د طالبانو تر واک لاندې د کډوالو ستونزو ته د رسېدنې کمېسیون خبر ورکړی، چې تېره ورځ له ایران او پاکستان نه ۶۵۰ کورنۍ افغانستان ته ستنې شوې دي. په راپور کې راغلي، چې په همدې ورځ ۱۱۳۰ نورې کورنۍ بیا خپلو مېنو ته لېږدول شوې دي.
په ملګرو ملتونو کې د افغانستان استازی نصیر احمد فایق وایي، چې پر افغان ښځو، ماشومانو او ملکیانو د پاکستان د وروستيو هوایي بریدونو په اړه یې د ملګرو ملتونو امنیت شورا ته رسمي شکایت کړی. نوموړي زیاته کړې، چې په شکایت کې یې د دغه سرغړونو د سملاسي درېدو او څېړنې غوښتنه کړې.
د خیبرپښتونخوا سر وزیر سهیل اپریدي په تیرا دره کې د څلورو ملکي وګړو وژل او د پنځو نورو د ټپې کېدو پېښه غندلې او په خېبر ولسوالۍ کې یې د پاکستان امنیتي ځواکونو لهخوا ملکي تلفات «د بېکفایتۍ او ناتوانۍ» پایله یاده کړې.
«اکسیوس» د امریکایي چارواکو په حواله راپور ورکړی، چې د روانو خبرو اترو هڅه د ایران لپاره وروستی فرصت دی؛ څو د ډونالډ ټرمپ له ادارې سره هوکړې ته ورسېږي، که نه امریکا به پراخ پوځي عملیات پیل کړي چې ښایي علي خامنهیي هم په نښه کړي.
پر افغانستان د پاکستان بریدونه د هر هغه افغان چې د وطنپرستۍ او ملتپالنې رګونه یې بدن کې غځېدلي وي؛ هم یې قهرولای او هم یې د زمانې په حال ژړولای شي. هوښیارانه چاره به دا وي، چې رېښه یې وپلټو.