آرشیف

د افغانستان لپاره د ملګرو ملتونو لوړپوړې ځانګړې استازې وايي، چې د ایران او اسراییل ترمنځ تاوتریخوالي په افغانستان کې اقتصادي او بشري ناورین نور هم ناوړه کړی دی.

د خیبر پښتونخوا ایالت د کورنیو او قبایلي چارو ادارې له‌خوا په خپرو شویو معلوماتو کې راغلي، چې تېره ورځ تر ۱۴۰۰ ډېرې کورنۍ له پاکستانه افغانستان ته ستنې شوې دي.

د پاکستان رسنیو د دغه هېواد د راولپېنډۍ د پولیسو چارواکو په حواله ویلي، چې له دې ښار نه د ناقانونه افغانانو د اېستلو بهیر دوام لري. پاکستاني پولیسو ادعا کړې، چې د «ولي جان» په نوم یې یو افغان وسله‌وال هم نیولی دی.

د اوکراین په پلازمېنه کیف کې د توغندیزو او بې‌پېلوټه الوتکو د بریدونو په پایله کې لږ تر لږه ۱۰ کسان وژل شوي او تر ۳۰ ډېر ټپیان دي. رویټرز د اوکرایني چارواکو په حواله لیکلي، چې دغه بریدونه پر استوګنیزو ودانیو شوي او په ترڅ کې یې اورلګېدنه هم رامنځته شوې ده.

د امریکا سترې محکمې د دوشبنې په ورځ د ټرمپ دولت ته اجازه ورکړه، چې پناه غوښتونکو ته د اعتراض فرصت له ورکړې پرته له خپل هېواد پرته نورو هېوادونو ته واستوي. دغه پرېکړه د کډوالۍ په تړاو د ټرمپ د سختو پالیسیو په برخه کې یوه بله بریا ګڼل کېږي.

واشنګټن پوسټ یو غږیز پیغام ترلاسه کړی، چې پکې د اسراییل یو اطلاعاتي مامور د ایران د سپاه پاسداران له یوه قومندان سره ټلیفوني اړیکه کې په فارسي ژبه خبرداری ورکوي: «۱۲ ساعته وخت لرې څو له خپلې کورنۍ سره وتښتې، ګنې زموږ لېست کې یې او له شا رګه هم درته نږدې یو. دا په خلاص غوږ واوره.»

د روسیې دفاع وزیر د ایران دفاع وزیر امیر نصیر زاده ته د یوې ټلیفوني اړیکې په ترڅ کې په بېلابېلو بریدونو کې د یو شمېر لوړپوړو نظامي چارواکو او عامو وګړو د وژل کېدو له امله تسلیت ویلی او زیاته کړې یې ده، چې روسیه په منځني ختیځ کې ټول وضعیت څاري او له ایرانه به ملاتړ وکړي.

د تسنیم خبري اژانس د معلوماتو له مخې، په قطر کې د "العدید"، هوايي اډه د اسیا په لوېدیځ کې د امریکا یو له لویو او مهمو پوځي او ستراتیژيکو مرکزونو بلل کېږي. دغه مرکز په سیمه کې د امریکا د هوايي عملیاتو د مرکزي قومندانۍ او همداراز په نظامي او امنیتي ستراتیژیو کې مهم رول لري.

په ملګرو ملتونو کې د برېتانیا استازي جیمز کاریوکي د امنیت شورا غونډې ته په وینا کې ویلي، چې برېتانیا د طالبانو له لوري پر نجونو د زده کړو بندیز په څرګند ډول غندي او د دغه بندیز د ژر تر ژره لغوه کېدو غوښتنه کوي.

په ملګرو ملتونو کې د روسیې استازي واسیلي نبنزیا د امنیت شورا په ځانګړې ناسته کې وویل، چې طالبانو اوس د سیمې له هېوادونو سره خپلې اړیکې پراخې کړې دي او د دې ډلې پر وړاندې د فشار سیاست بې‌نتیجې دی.

د امریکا د بهرنیو چارو وزارت د «عدالت لپاره د انعامونو» پروګرام له لارې اعلان وکړ، چې که څوک د افغاني توکمه امریکایي وګړي محمود شاه حبیبي د ځای او بېرته راوستلو په اړه معلومات ورکړي، ۵ میلیونه ډالره انعام به ترلاسه کړي. په خبرپاڼه کې ویل شوی چې نوموړی د طالبانو استخباراتو نیولی.

په افغانستان کې د ملګرو ملتونو د استازځي مشرې روزا اوتونبایېوا د افغانستان په تړاو د امنیت شورا ناستې ته وویل، چې پر افغان ښځو د طالبانو محدودیتونه نور د نړیوالو د پاملرنې په محور کې نه دي.

د ملګرو ملتونو د عمومي منشي مرستیالې جویس مسویا د دوشنبې په ورځ د ملګرو ملتونو د امنیت شورا ځانګړې غونډې ته وویل، چې بشري مرستې په افغانستان کې له جدي او زیاتېدونکو خنډونو سره مخامخ دي.

د پاکستان د جمیعت علمای اسلام (ف) مشر مولانا فضل الرحمن له پاکستاني حکومت نه وغوښتل چې د سولې نوبل جایزې ته د ډونالډ ټرمپ د نومولو وړاندیز ژر تر ژره بیرته واخلي. هغه وویل چې پاکستان له امریکا سره دوستي غواړي، خو دا دوستي باید د خپلواکۍ په بیه ونه شي.

د افغانستان پخواني ولسمشر حامد کرزي د «افغانستان لپاره د ناروې کمیسیون» له مشر بیورن تور ګوډال او مل پلاوي سره په کتنه کې یوځل بیا ټینکار کړی، چې د هیواد د ترقۍ لپاره د نجونو تعلیم او د تلپاتې سولې او ثبات لپاره ملي تفاهم ضروري دی.

د طالبانو د ننګرهار د امر بالمعروف، نهی عن المنکر او شکایتونو اورېدو ریاست مسوولین وایي چې په تېرو دریو میاشتو کې یې د ۱۳ جبري ودونو مخنیوی کړی دی. دوی همدراز زیاتوي چې په یاده موده کې یې د مېرمنو اړوندو ۶۵ شرعي او قانوني حقونو ته ریده ګي کړې ده.

د ایران پر نطنز، فردو او اصفهان اټومي تاسیساتو د متحده ایالاتونو تر لویو بریدونو وروسته ایران خبرداری ورکړی، چې له امریکا نه به غچ واخلي. د رویټرز خبري اژانس د راپور پر بنسټ؛ ایران ښايي د منځني ختیځ په ځینو هېوادونو کې د امریکا پوځي اډې په نښه کړي.

د طالبانو د صنعت او سوداګرۍ وزارت وایي، د ایران او اسراییل تر منځ روانې جګړې د افغانستان پر بازارونو او سوداګرۍ هیڅ اغېز نه ‌دی کړی.

رویټرز خبري اژانس د اوکرایني چارواکو په حواله راپور ورکړی، چې تېره شپه پر کیف ښار او شاوخوا سیمو د روسیې د توغندیزو او بې‌پېلوټه الوتکو د بریدونو په پایله کې لږ تر لږه پنځه کسان وژل شوي او لسګونه نور ټپیان دي.

په افغانستان کې د ملګرو ملتونو سیاسي استازولۍ (یوناما) ویلي، چې روزا اوتنبایوا به د دوشنبې په ورځ د (غبرګولي ۲مه) د دغه سازمان د امنیت شورا ناستې ته وینا وکړي.

د پاکستان د خلکو ګوند مشر بلاول بوټو زرداري خبرداری ورکړی، چې د اسلام‌اباد او نوي ډیلي ترمنځ د اوربند سربېره د پاکستان او هند ترمنځ د جګړې ګواښ تر بل هر وخت لوړ دی.