د سپینې ماڼۍ پخوانۍ چارواکې لیزا کورټېس د ډونالډ ټرمپ هغه څرګندونې خندوونکې بللې دي، چې ګواکې امریکا غواړي د بګرام پوځي اډه بېرته لاس ته راوړي. نوموړې ویلي، چې طالبان به هېڅکله امریکایي ځواکونو ته د بېرته ستنېدو اجازه ور نهکړي.
د پاکستان د پوځ ویاند احمد شریف چودري وايي، داسې کره شواهد یې ترلاسه کړي چې بېاسناده افغان کډوال او هندي پوځي افسران د پاکستان دننه په خونړیو بریدونو کې ښکېل دي.
د ننګرهار په مرکز جلالاباد ښار کې د ژمي موسم په نږدې کېدو سره د ودونو شمېر هم مخ په ډېرېدو دی او د شتمنو تر څنګ د طالبانو کورنۍ یا هم خپل خپلوان د خوښۍ په مراسمو کې د هوایي ډزو تر څنګ پټاکۍ هم چاودوي. سرچینو افغانستان انټرنشنل ته ویلي، چې دغه کار د خلکو رواني امنیت زیانمن کړی.
د طالبانو تر واک لاندې د کډوالو ستونزو ته د رسېدنې کمېسیون اعلان کړی، چې یوازې پرون پنجشنبه د (وږي ۲۷مه) له بېلابېلو لارو څخه تر ۸ زرو ډېر کډوال افغانستان ته ستانه شوي دي.
د پاکستان د لومړي وزیر سلاکار هارون اختر ازبکستان ته د خپل سفر پرمهال له ازبک چارواکو سره په کتنه کې پر خپل وخت د افغان ټرانس رېل پټلۍ پروژې پر پلي کولو ټینګار کړی دی.
د ۲۰۲۵کال د کرېکټ په اسیا جام شل اوریزو سیالیو کې افغان لوبډلې تېره شپه له سرېلانکا څخه په ماتې سره له دغه سیالیو بهر شوه. که څه هم افغان لوبډلې د دغه سیالیو پیل په نسبتا ښې بریا سره وکړ؛ خو وروستۍ دوه لوبې یې وبایلودې او له دغه سیالیو بهر شوه.
د کډوالو په چارو کې د ملګرو ملتونو عالي کمېشنرۍ په یوې خبرپاڼه کې اندېښنه ښوولې، چې طالبانو د بېرته راستنېدونکو مرکزونو اړوند ښځینه کارکوونکې له دندو منعه کړې او له دې سره دغه مرکزونه لا هم تړلي دي. خبرپاڼه کې راغلي، دغه اقدام تازه ستنېدونکې مېرمنې له ستونزو سره مخ کړې دي.
رویټرز خبري اژانس ویلي، برېټانیا او اېرلنډ به د جمعې په ورځ یوه ګډه طرحه اعلان کړي چې موخه یې په شمالي اېرلنډ کې له لسیزو راهیسې د فرقهیي تاوتریخوالي لهمنځه وړل دي.
د ملګرو ملتونو د ماشومانو ملاتړ صندوق (یونېسف) وایي، چې په افغانستان کې به د نجونو د زدهکړو لپاره خپلو هلو ځلو ته دوام ورکړي. د یونېسف اجرایوي مرستیال تد چایبان ویلي، چې افغان نجونې له دوی د زدهکړو د دوام غوښتنه کوي او دوی به د زدهکړو لپاره خپلو غوښتنو او هڅو ته دوام ورکړي.
د سوریې د بهرنیو چارو وزیر اسعد الشباني د پنجشنبې په ورځ واشنګټن ته ورسېد، چې دا په تېرو شاوخوا ۲۵کلونو کې د دغه هېواد د یوه لوړپوړي چارواکي لومړنی رسمي سفر بلل کېږي.
ځینې اوسني او پخواني امریکایی چارواکي وايي، چې د ولسمشر ډونالډ ټرمپ هغه طرحه چې غواړي د بګرام هوايي اډه بېرته امریکا په واک کې واخلي، یوازې د یوه نوي پوځي یرغل په بڼه عملي کېدای شي، چې له ګڼو ستونزو، درنو لګښتونو او ستراتیژیکو ګواښونو سره مل ده.
په افغانستان کې دملګرو ملتونو مرستندویه ماموریت (یوناما) خبرداری ورکړی چې د ختیځو ولایاتو له وروستۍ زلزلې ژغورل شوي کسان لا هم له پراخو اړتیاوو سره مخامخ دي، او د ژمي په رارسېدو سره د هغوی حالت ښايي لا ډېر کړکېچن شي.
په اسلام کلا کې تېز بادونه، خاورو، دوړو، وچ چاپيريال او د تودخې لوړې درجې له کلونو وروسته د ستانه شویو کډوالو لپاره د وطن لومړۍ منظرې دي. په افغانستان کې نازک اقتصاد له ایران او پاکستان څخه د ستانه شویو کډوالو د جذب توان نه لري.
د ملګرو ملتونو د خوړو نړۍوال پروګرام یو ځل بیا د افغانستان د خرابېدونکي بشري وضعیت په اړه جدي خبرداری ورکړی او ویلي یې دي، چې د پرلهپسې اقتصادي، سیاسي او بشري بحرانونو له امله په دې هېواد کې د لوږې ستونزه ورځ تر بلې پراخېږي.
ډونالډ ټرمپ د چارلي کرک چې یو ښي اړخه او د هغه د ادارې ملاتړی شخصیت و د ترور په اړه یې ویلي چې هغه یو ستر انسان و. ټرمپ زیاته کړه: «ریښتیا هم هغه یو لوی انسان و. ما ورته ویلي وو، چارلي، زه فکر کوم یوه ورځ به ته د ولسمشر کېدو ښه چانس ولرې. فکر کوم ښايي ته ولسمشر شې.»
د اسراییل لومړي وزیر بنیامین نتنیاهو حماس ډلې ته خبرداری ورکړی چې که له یرغمل شویو کسانو د بشري سپر په توګه کار واخلي، اسراییل به تر وروستۍ ورځې پورې د هغوی تعقیب ته دوام ورکړي.
د طالبانو د کډوالو او راستنېدونکو چارو وزارت وايي، چې د پاکستان له بېلابېلو زندانونو څخه ۶۹۴ افغان کډوال تر راخوشي کېدو وروسته هېواد ته راستانه شوي دي. خوشي شویو زندانیانو له یوې ورځې څخه تر پنځو ورځو پوري په زندانو کې تېرې کړې وې.
د طالبانو د بهرنیو چارو وزارت دریم سیاسي رییس ذاکر جلالي، د امریکا ولسمشر ډونالډ ټرمپ وروستیو څرګندونو ته په غبرګون کې ویلي، چې ټرمپ په اصل کې د سیاست تر څنګ یو سوداګر او معاملهګر دی، او د بګرام هوايي اډې د بېرته اخیستلو خبره یې هم د یوې معاملې په چوکاټ کې مطرح کړې ده.
په ملګرو ملتونو کې د افغانستان دایمي استازی نصیر احمد اندیشه، وایي، هغه مرحلهیي توازن چې په نړۍواله او سیمهییزه کچه په وروستیو څلورو کلونو کې د طالبانو د بیا راژوندي کېدو او پراخېدونکي ځواک لامل شوی و، اوس د پای ته رسېدو په حال کې دی.
هند په یو محتاطانه غبرګون کې اعلان کړی چې د سعودي عربستان او پاکستان ترمنځ د ستراتیژیک دفاعي تړون پایلې به د خپل ملي امنیت، د سیمې او نړۍ د ثبات لپاره وارزوي.
د طالبانو د کورنیو چارو وزیر سراجالدین حقاني د یاد وزارت له چارواکو او کارکوونکو غوښتي چې د کابل امنیت او د خدماتو وړاندې کولو ته تر نورو ولایتونو زیات پام وکړي. د هغه په وینا، د هېواد پلازمېنه او د هغې ګڼ نفوس ځانګړې پاملرنې ته اړتیا لري.