اکسیوس راپور ورکړی، چې د امریکا حکومت د لومړي ځل لپاره ایران ته د هستوي موافقې یوه لیکلې طرح وړاندې کړې ده. دغه وړاندیز د ډونالډ ټرمپ حکومت لهخوا، د عمان په کوربهتوب د څلورم پړاو خبرو اترو پر مهال عباس عراقچي ته سپارل شوی.
د امریکا متحده ایالاتو ولسمشر ډونالد ټرمپ په قطر کې د امریکا پوځي اډه کې یوځل بیا وویل، چې متحده ایالات باید د بګرام اډه ساتلې وای، ځکه دا له چین څخه یوازې یو ساعت فاصله لري.
د افغانستان بانک وايي، چې د خلکو د راکړې ورکړې د اسانتیا په موخه یې د ۸۴۳ میلیونه او ۴۳۰ زره افغانیو په ارزښت بانکنوټونه وسوځول. دغه بانکنوټونه د بانک لپاره د طالبانو د دویم مرستیال په مشرۍ د یوه پلاوي تر څارنې لاندې سوځول شوي دي.
د امریکا د ملي امنیت پخوانی سلاکار جان بولټن وايي، چې د پاکستان د پوځ ځینې برخې، په ځانګړي ډول ای ایس ای له ترهګرو سره مرسته کوي. جان بولټن وايي، چې افغانانو هڅه کوله یو ټولشموله حکومت جوړ کړي، خو طالبانو د پاکستان د پوځ د ځینو عناصرو په مرسته هغوی مات کړل.
د محمد عليخېل په نوم د مخکني جمهوري نظام یو معلول سرتېری چې دواړو پښې او لاسونه یې د ماین په چاودنه کې پرې شوي، افغانستان انټرنشنل – پښتو ته د طالبانو د ناسم چلند تر څنګ له بې وزلۍ څخه سر ټکولی دی.
د شطرنج نړۍوال فدراسیون په افغانستان کې د دغې لوبې پر وړاندې د طالبانو پر لګېدلي بندیز د اندېښنې په څرګندولو سره ویلي، چې ښایي دغه ځنډ د لوبې پر پراختیا اغېز وکړي. فدراسیون ویلي، ښایي د دغو لوبو ځنډول په راتلونکې کې د افغان لوبغاړو لپاره فرصتونه له منځه یوسي.
د طالبانو سترې محکمې خبر ورکړی، چې په بامیان او غزني ولایتونو کې یې د «زنا، غلا، نامشروع اړیکو او لواطت» په تور شپږ کسان د خلکو د سترګو پر وړاندې په درو وهلي دي.
د امریکا ولسمشر ډونالډ ټرمپ منځني ختیځ ته د خپل سفر په درېیمه ورځ ویلي، چې «زما په اند له ایران سره هوکړې ته ډېر نږدې شوي یو.» هغه ویلي، چې ایران باید په یو ځواکمن هېواد بدل شي؛ خو نشي کولای چې اټومي وسله ولري.
د طالبانو په حکومت کې مشهوره استخبارتي څېره ډاکټر بشیر چې وخت ناوخت د طالبانو ترمنځ په جنجالي څېره بدل شوی دی او تازه نا تایید شوي راپورونه وايي، چې نوموړی د دغې ډلې د مشر ملا هبتالله په امر له دندې ګوښه شوی خو دا خبر لا کره نه دی.
پاکستاني رسنۍ جیونیوز راپور ورکړی، چې د تحریک انصاف ګوند بنسټ اېښودونکي او د پاکستان پخواني لومړي وزیر عمران خان د شهباز شریف تر وړاندیز وروسته له حکومت سره د خبرو اترو لپاره لېوالتیا څرګنده کړې ده.
د امریکا د اروزونا ایالت سناتور مارک کېلي له امریکا څخه د افغان پناه غوښتونکو د اېستلو او دوی ته د ورکړل شوي «لنډمهاله خوندیتوب» د ختمېدو په غبرګون کې ویلي، چې دا یو «ستر خیانت او ظلم» دی.
په ترکیه کې د اوکراین او روسیې ترمنځ د مستقیمو خبرو اترو په درشل کې د امریکا د بهرنیو چارو وزیر مارک روبیو ترکیې ته ولاړ. هغه د پنجشنبې په ورځ (د غوایي ۲۵مه) خبر ورکړ، چې د ناټو په یوې نارسمي غونډه کې د ګډون په موخه ترکیې ته ځي.
د طالبانو د برېښنا شرکت پلاوي د تاجکستان د انرژۍ له وزیر سره په لېدنه کې د کاسا ۱۰۰۰ پروژې تر څنګ د برېښنا انرژۍ د لېږد او اقتصادي موضوعاتو په اړه خبرې کړې دي.
ډېپلوماټ مجلې په خپره کړې مقاله کې ویلي، د ډیلي او اسلام اباد ترمنځ د رامنځته شویو شخړو له امله د افغانستان او هند ترمنځ د پاکستان له لارې ترسره کیدونکې سوداګري سخته زیانمنه شوې ده. مقاله کې اشاره شوې، چې دغې مسلې طالبان او افغان سوداګر اندېښمن کړي دي.
د طالبانو د کډوالو او بېرته راستنېدونکو چارو وزارت خبر ورکړی، چې د پاکستان له زندانونو ۵۰ افغانان خوشې شوي دي، چې له دې سره په تېرو درېیو ورځو کې ۱۶۰ تنه افغانان د پاکستان له زندانونو خوشې شوي دي.
د ملګرو ملتونو د وګړو صندوق (یو این ایف پي اې) اندېښنه ښودلې، چې د امریکا له لوري د مرستو بندیدو له کبله دوی په افغانستان کې د بودجې له سخت کمښت سره مخ دي، چې له امله یې د میلیونونو ښځو او ماشومانو ژوند له ګواښ سره مخ شوی.
الجزیرې راپور ورکړی، چې پوتین او ټرمپ په استانبول کې د اوکراین د سولې په خبرو اترو کې چې په تېرو درېیو کلونو کې د مسکو او کیف ترمنځ د سولې لومړۍ مستقیمې خبرې اترې دي؛ ګډون نه کوي.
د طالبانو د امربالمعروف او شکایتونو اورېدو وزارت چارواکو ویلي، چې د طالبانو حکومت په ادارو کې یې د کارکوونکو د «عقیدې او عملونو» جوړولو لپاره په کار بوخت دي.
د ایران خراسان رضوي والي غلام حسین مظفري د ګران بیه ډبرو او کانونو په برخه کې د ایران او افغانستان ترمنځ د ګډې همکارۍ د پیل خبر ورکړی. هغه ویلي، په پام کې لري چې له افغانستان سره د دوغارون په ازاده سیمه کې یو ګډ ځانګړی اقتصادي او کاني زون جوړ کړي.
د مخکني جمهوري نظام د ولسمشر مرستیال امرالله صالح ویلي، چې له طالبانو سره د امریکا له لوري د مرستې ترسره کول د هر ډول اخلاقونو خلاف کار دی.
منځني ختیځ ته د خپل سفر پر دوام؛ ټرمپ دوحې ته رسېدلی. د قطر له امیر سره تر لیدنې وروسته دواړه خواوو اعلان وکړ، چې دوی د ۱.۲ ټرېلیون ډالرو په ارزښت یو مهم تړون لاسلیک کړی دی.