د امریکا حکومت په منځني ختیځ کې مېشتو خپلو اتباعو ته، په ځانګړې توګه په کوېټ، مصر، بحرین، سعودي عربستان، قطر، اردن او متحده عربي امارات کې خبرداری ورکړی، چې د سیمې د روانو ترینګلتیاوو له امله دې د وتلو په اړه غور وکړي او یا دې د بېړني حالت لپاره د وتلو چمتووالی ولري.
د طالبانو د کډوالو او راستنېدونکو چارو وزارت وایي، د هغو درېیو افغانانو مړي چې شاوخوا دوه میاشتې وړاندې په ایټالیا کې د یوې جنايي پېښې پر مهال د یوه موټر دننه وژل شوي او بیا سوځول شوي وو، کابل ته لېږدول شوي دي.
العربیه شبکې د باخبرو سرچینو له قوله راپور ورکړی، سوریې او اردن په دوو جلا جلا خبرداریو کې، عراقي چارواکي د احتمالي برید په موخه د ایران د ملاتړ لرونکو وسلهوالو ډلو له تحرکاتو او پلانونو خبر کړي دي. ایران بیا ویلي، چې د وسله والو ځواکونو دفاعي ګوزارونه په پوره توان سره دوام لري.
د طالبانو پوهنې وزارت وايي، چې نن (شنبه- زمري ۱۰مه) د سړو سیمو ښوونځیو د اوړي رخصتۍ پایته ورسېدې او سبا به (یکشنبه- زمري ۱۱مه) ښوونیز کال بیا پیل شي. د ښوونیز کال دوام په داسې مهال دی، چې لا هم د تېرو پنځو کلونو په څېر نجونې زدهکوونکې له شپږم ټولګي پورته د زدهکړو اجازه نهلري.
د روسیې پلازمېنې مسکو کې یوه کافي پلورنځي ته نږدې د شنبې ورځې ماښام په شوې چاودنه کې درې کسان وژل شوي او ۱۵ نور ټپیان شوي دي. روسي چارواکي وایي، د چاودنې لامل لا هم نهدی روښانه شوی او د پېښې د څرنګوالي د معلومولو لپاره څېړنې روانې دي.
د افغانستان د ښځو د سیاسي مشارکت شبکې د جمهوري نظام د رانسکورېدو او واک ته د طالبانو د بېرته رسېدو د پنځمې کلیزې په مناسبت خبرپاڼه کې ویلي، چې له تېرو پنځو کلونو راهیسې د طالبانو د ځپنو سیاست دوام لري او همداراز له ټولنیز او سیاسي ژوند څخه د ښځو د اېستنې بهیر پراخ شوی دی.
د پاکستان د دفاع وزير خواجه اصف د کورنیو چارو د وزیر محسن نقوي له هغو څرګندونو سره، چې د حکومتولۍ څرنګوالی یې «پرېوتی» بللی، تر ډېره موافقه ښودلې، خو ویلي یې دي، چې د نظام د اصلاح او بدلون لپاره تر ټولو مناسب ځای پارلمان او کابینه ده، نه د سوداګرو غونډې.
د سپاهیان میهن جبهې په بدخشان کې د یفتل ولسوالۍ پر اعتراض کوونکو د طالبانو پر ډزو سختې نیوکې کړي او دا یې «غیرانساني» عمل بللی دی. دغې جبهې خبرداری ورکړی، چې د افغانستان د خلکو پر وړاندې د طالبانو تاوتریخوالی به بېځوابه پاتې نهشي.
د کابل ولایت لپاره د طالبانو د امنیه قوماندانۍ ویاند خالد ځدراڼ وايي، د کابل ښار د اتمې امنیتي حوزې اړوند سیمه کې ۷ وسلهوال غله په متقابلو ډزو کې وژل شوي دي. د نوموړي په وینا، په دې پېښه کې یو طالب هم ټپي شوی دی.
په لوګر کې په بېلابېلو ټرافیکي پېښو کې ۱۱ کسان ټپيان شوي دي. د دغه ولایت لپاره د طالبانو د امنیه قومندانۍ مسوولین وايي، دغه پېښې د مرکز اړوند او خوښۍ ولسوالۍ د لارو په اوږدو کې رامنځته شوې دي.
د پاکستان د پنجاب ايالت د کورنيو چارو وزارت ويلي، چې په دغه ایالت کې د ناقانونه بهرنیو اتباعو د نیولو او اېستنې پر دوام تر اوسه ۱۳۹ زره او ۹۰۲ ناقانونه افغان کډوال نیول شوي دي. د دغه وزارت په وینا، یاد افغانان له قانوني طی مراحل وروسته بېرته خپل هېواد ته استول شوي دي.
د افغانستان لپاره د پاکستان پخواني ځانګړي استازي اصف دُراني ویلي، چې د افغانستان د تېرو دوو لسیزو د ناکامۍ او اوسنۍ غمیزې پړه پر پاکستان اچول له فکري پلوه ناسم کار دی. هغه زیاته کړې چې د کابل سقوط او د دغه هېواد اوسنی وضعیت ډېر بېلابېل عاملین لري.
د تورخم له لارې ۱۱۰نور پاکستاني محصلان خپلو سیمو ته ستانه شوي دي. دغه محصلان له لسو میاشتو راهیسې په افغانستان کې پاتې وو. په تورخم کې سرچینې وايي، چې ۵۹۲ پاکستاني کارګو موټر هم بېرته پاکستان ته رسیدلي دي.
نړۍ تر دویمې نړیوالې جګړې روسته یوځل بیا د یوې لویې جګړې په لمبو کې سوزي. خو دا به د بشریت لومړۍ جګړه وي، چې د انسان تر څنګ د هغه لاس او مغزو جوړه کړې هوښیاري هم په جګړه کې ښکېل ده، رغېدلې ځیرکتیا یا د تکنولوژي په ژبه AI.
هغه کډوال چې روانه اونۍ یې د لامبو او پر کټارو د ختلو له لارې د هسپانیا افریقايي سیمې سیوتا ته د ننوتلو هڅه کړې وه، د شنبې په ورځ بېرته مراکش ته ستنېدل. ډېرو یې ویلي، چې لوږې، ستړیا او د ځایي خلکو بد چلند یې په اروپا کې د نوي ژوند هیلې له منځه یووړې.
جمعیت اسلامي ګوند په یوه اعلامیه کې طالبان په بدخشان ولایت کې له خلکو سره په ناوړه چلند او تاوتریخوالي تورن کړي دي. دغه ګوند ویلي، چې طالبانو د بدخشان په یفتل ولسوالۍ کې پر لاریونوالو ډزې کړې او یو شمېر کسان یې مړه او ټپیان کړي دي.
د افغانستان لپاره د ملګرو ملتونو د بشري حقونو ځانګړي راپور ورکوونکي ریچارد بېنټ ایران ته د قاچاقي سفر پر مهال د یو شمېر افغانانو مړینه «بوږنوونکې» پېښه بللې او ټینګار یې کړی چې باید د افغانانو د خطرناکو کډوالیو اصلي لاملونه وڅېړل شي.
د سومالیا پخواني ولسمشر شریف شیخ احمد خبرداری ورکړی، چې که په سومالیا کې سیاسي اختلافات او د حکومتولۍ کمزورۍ دوام وکړي، دغه هېواد ښايي په ۲۰۲۱ کال کې د افغانستان د سقوط په څېر وضعیت سره مخ شي. نوموړي ویلي، چې افغان دولت د سیاسي توافق د نشتوالي او فساد له امله سقوط وکړ.
د طالبانو د عامې روغتیا وزارت وايي، چې د بلخ ولایت د ابوعلي سینا بلخي سیمه ییز روغتون ته د ۲۰۰ زره امریکایي ډالرو په ارزښت طبي او غیرطبي تجهیزات ورکړل شول. دا مرسته د ازبکستان هېواد د فرغانه ولایت له لوري شوې ده.
د برېښنا د پرلهپسې پرچاوۍ له امله په افغانستان کې د سولري انرژۍ کارول د کورنیو، سوداګرو او کروندګرو ترمنځ ورځ تر بلې زیاتېږي. په ګڼو سیو کې بزګران په سولري پمپونو کروندې خړوبوي، خو د اوبو د برخې کارپوهان اندېښنه ښيي، چې دا به د اوبو سطح نوره هم ټیټه کړي.
د نړۍ ۱۴ لوړو څوکو ته د ختلي ریکارډ لرونکی نیپالی غرختونکی نیرمل پورجا په ګډون په پاکستان کې د واورې ښویېدنې په پېښه کې ۹ غرغتونکي مړ شوي دي. په مړوشویو کې شپږ نیپالیان او نور د پاکستان، عمان، امریکا او چین اوسېدونکي وو.