د لوګر د محمداغې ولسوالۍ په صنعتيښارګوټي کې د یوه خصوصي شرکت لهخوا د یو مېلیون امریکايي ډالرو په ارزښت د کرومایټ ډبرو د پروسس فابریکه پرانیستل شوه. د یادې فابریکې مسوولین وایي، دغه فابریکه هره ورځ د شاوخوا ۵۰۰ ټنه کرومایټ ډبرو د پروسس وړتیا لري.
د پاکستان د بهرنیو چارو وزارت له لوري په خپره شوې خبرپاڼه کې راغلي، چې د پاکستان او روسیې د بهرنیو چارو مرستیال وزیرانو له افغانستان نه د ورپېښو «ترهګریزو» ګواښونو او پر سیمهییز امنیت یې د اغېزو په اړه اندېښنه څرګنده کړې ده.
په روم کې مېشتې ازادې خبریالې سیلویا بوکاډري ویلي، که څه هم په افغانستان کې د جګړو د کلونو پرتله امنیت ښه شوی او د چاودنو او لویو بریدونو شمېر کم شوی؛ خو د نجونو د زدهکړو، د ښځو د حقونو او اقتصادي ستونزو په اړه اندېښنې لا هم پرځای دي.
د ملګرو ملتونو د ماشومانو ملاتړ صندوق (یونېسف) اعلان کړی، چې په افغانستان کې ګڼ ماشومان لاهم د واکسین د لومړي ډوز له ترلاسه کولو بېبرخې پاتې کېږي. په افغانستان کې د یونېسف استازي تاجالدین ایواله په ټول هېواد کې د معافیت پروګرامونو ته د ماشومانو د لاسرسي پر پراختیا ټینګار کړی.
د افغانستان د ووشو فدراسیون اعلان کړی، چې د هېواد د ووشو ملي لوبډله د شانګهای همکارۍ سازمان د غړو هېوادونو د اسیا جام اتلولۍ سیالیو کې د ګډون لپاره چین ته تللې ده. دغه سیالي به د ۲۰۲۶کال د جون په ۲۷مه او ۲۸مه د چین د هوبي ولایت په انلو ښار کې ترسره شي.
د بشري حقونو څار بنسټ د افغانستان برخې څېړونکې فرشته عباسي، له اروپايي ټولنې او د هغې له غړو هېوادونو غوښتي چې له هغو اقداماتو څخه ډډه وکړي چې د طالبانو لپاره د اعتبار او مشروعیت د زیاتېدو لامل ګرځي.
د امریکا د ولسمشر ډونالډ ټرمپ د ولسمشرۍ د لومړۍ دورې د ملي امنیت پخواني سلاکار جان بولټن ویلي، د امریکا او ایران ترمنځ د ترسره شویو مذاکراتو یوازینۍ او اصلي موخه د نفتو د بیو راکمول وو.
د بشري حقونو نړیوال فدراسیون اعلان کړی، چې په بلجیم کې یې د طالبانو د هغه پلاوي پر ضد چې بروکسل ته تللی، د فدرالي څارنوالۍ په دفتر کې شکایت ثبت کړی دی. دغه نړیوال بشري بنسټ د بلجیم په خاوره کې د طالبانو د پلاوي د غړو د نیولو غوښتنه کړې ده.
د روسیې د ملي امنیت شورا منشي سرګي شویګو ویلي، چې طالبانو د نشهيي توکو پر وړاندې د مبارزې په برخه کې پر خپلو ژمنو عمل کړی او توانېدلي چې د مخدره موادو تولید او قاچاق تر ډېره له منځه یوسي.
په اسټرالیا کې د افغانستان سفارت اعلان کړی، چې د دغه هېواد په پارلمان کې د «افغانستان له خلکو سره د پارلماني دوستۍ ډلې» جوړېدل د افغانانو لپاره د اسټرالیا د دوامداره ملاتړ، همغږۍ او ژمنتیا نښه ده.
د افغانستان د خبریالانو مرکز په کابل کې د طالبانو د عدلیې وزارت اړوندو ځواکونو له خوا پر تمدن ټلوېزیون یرغل او بندول غندلي دي. دوی ویلي چې د طالبانو دا اقدام د ازادو رسنیو د ځپلو، د لږکیو د غږ د چوپولو او د بیان ازادۍ حق د کمزوري کولو لپاره د دغې ډلې د پرلهپسې هڅو څرګندونه کوي.
د افغانستان د جمهوري نظام پر مهال د ولسمشرۍ ماڼۍ پخواني ویاند صدیق صدیقي وایي، چې اروپايي ټولنې له طالبانو سره په جوړجاړي او هغوی ته په امتیاز ورکولو، خپلو ژمنو، ارزښتونو او پالیسیو ته شا کړې ده. هغه زیاتوي، دې ډلې افغانستان د خلکو لپاره په یو رښتیني دوزخ بدل کړی دی.
د قزاقستان او افغانستان یو شمېر پوهنتونونو د اوبو سرچینو مدیریت، اوبو لګولو او دوامدارې کرنې په برخه کې په کابل پوهنتون کې د یوه ګډ روزنیز او څېړنیز مرکز د جوړولو هوکړهلیک لاسلیک کړی دی.
د پښنې نړيوال سازمان له پاکستاني چارواکو غوښتي باید هغه بلوڅ فعالان (ماهرنګ بلوڅ او صبغت الله شاه جي) سمدستي خوشې کړي چې له پټې محاکمې وروسته پر عمر بند محکوم شوي دي.
د مقاومت جبهې د بهرنیو اړیکو مسوول علي میثم نظري په بروکسل کې د طالبانو د پلاوي د کوربهتوب په غبرګون کې پر اروپايي ټولنې سختې نیوکې کړي. هغه ویلي، د بشري حقونو او ډیموکراسۍ پر بنسټ د بهرني سیاست د چلولو دوره پای ته رسېدلې او نړۍ اوس د ګټو پر اساس د عملي سیاست دورې ته داخله شوې.
د ایران د بهرنیو چارو وزارت ویاند اسماعیل بقایي ویلي، چې تهران تر اوسه له امریکا سره د اټومي موضوع په اړه هېڅ ډول خبرې اترې نه دي کړې او د وروستیو تماسونو موخه یوازې د پخواني تفاهم د ځینو مادو د عملي کېدو ارزونه وه.
د پاکستان په پارلمان کې د اپوزيسيون مشر محمود خان اڅکزي وایي، د ده پر ضد خبرې پيل کړل شوي چې خلکو ته یې ويلي د افغانستان تذکرې دې جوړې کړي، خو په خپله «پنځه میلیونه پاکستانیان دوه ګونی تابعیت لري».
د طالبانو تر ادارې لاندې د المپیک، بدني روزنې او سپورټ ریاست اعلان کړی، چې په کابل کې د پاورلیفټینګ فدراسیون له لوري د کابل ښار د پاورلیفټینګ نهم پړاو ټاکنیزې سیالۍ پیل شوې دي. په دغو سیالیو کې د کابل ولایت له اتو بېلابېلو کلبونو څخه له ۱۲۰ څخه زیاتو ورزشکارانو ګډون کړی دی.
د امریکا ولسمشر ډونالډ ټرمپویلي، د ایران د اټومي فعالیتونو د څارنې لپاره به د اټومي انرژۍ د نړیوالې ادارې پلټونکي «په مناسب وخت» کې ایران ته ولاړ شي او خپلې دندې به ترسره کړي.
د افغانستان د تېر جمهوريت د کډوالو او بېرته راستنېدونکو چارو پخواني وزیر نور رحمان اخلاقي د بدخشان له ناراضي طالب قوماندان جمعهخان فاتح څخه غوښتي چې د طالبانو د مشر ملا هبتالله د غوښتنو پر وړاندې ودرېږي. هغه ویلي، دا د جمعه خان فاتح د تېر تاریخ د سمولو لپاره یو زرین چانس دی.
د جنیوا لپاره د افغانستان استازي نصیراحمد اندیشه خبرداری ورکړی، چې د یو شمېر اروپايي هېوادونو او طالبانو ترمنځ د افغان کډوالو د جبري ایستلو او یا درېیمو هېوادونو ته د هغوی د لېږد په تړاو احتمالي «مشکوکې معاملې او راکړې ورکړې» د جدي اندېښنې وړ دي.