آرشیف

د پاکستان د بهرنيو چارو وزارت ويلي، د ايران ولسمشر مسعود پزشکيان د لومړي وزیر شهباز شریف په رسمي بلنه نن سه شنبه (د چنګاښ په ۲مه) اسلام اباد سفر کوي.

د امریکا ولسمشر ډونالډ ټرمپ ویلي، چې د هرمز تنګي وضعیت «ډېر ښه» دی او د تېلو انتقال تر اوسه له بې‌ساري کچې لوړ شوی دی.

په پاکستان کې یو شمېر سياسي ګوندونو د بلوڅانو د یووالي غورځنګ مشرې ماهرنګ بلوڅ ته د عمري بند اورول شوې سزا غندلې او ویلي یې دي چې دا په اصل کې د ملي حقونو د عدالت او مبارزې د ځپلو هڅه ده.

د ملګرو ملتونو د بشري مرستو د همغږۍ دفتر (اوچا) په خپل یوه تازه راپور کې ویلي، چې افغانستان له سخت بشري بحران سره مخ دی او میلیونونه ماشومان په دغه هېواد کې له شدیدي خوارځواکۍ سره مبارزه کوي.

د طالبانو بهرنیو چارو وزارت دویم سیاسي رییس ذاکر جلالي ویلي، چې په کابل کې د قطر سفارت په کوربتوب د طالب استازو او د ملګرو ملتونو د چارواکو ترمنځ د تعامل او همکاریو د پراختیا په اړه ناسته د طالبانو او ملګرو ملتونو ترمنځ د عمل‌محوره اړیکو لپاره مهمه وه.

د طالبانو مخالفې ډلې، ازادۍ جبهې ادعا کړې چې ځواکونو یې د کابل ښار په دولسمه امنیتي حوزه کې د طالبانو د امر بالمعروف ادارې د محتسبانو پر موټر برید کړی، چې په پایله کې یې دوه طالبان وژل شوي او دوه نور ټپیان دي.

د خيبرپښتونخوا پوليسو ويلي، هغه فرانسوۍ مېرمن او د هغې اولادونه یې ژغورلي چې د خپل مېړه له خوا تر کورني بند، تاوتریخوالي او فزیکي شکنجې لاندې وو. پولیس زیاتوي چې دوی د یادې فرانسوۍ مېرمنې مېړه هم نیولی دی.

د امریکا د فدرالي تحقیقاتو ادارې (ایف‌بي‌اې) مشر کاش پټېل ویلي، چې ابراهیم خلدون حلمي، چې د امریکا د روغتیايي بیمې د «میډيکېر» پروګرام په تاریخ کې تر ټولو لویو درغلیو باندې تورن دی، له نیول کېدو وروسته امریکا ته لېږدول شوی او له عدلي تعقیب سره به مخ شي.

د ایران د اسلامي شورا د مجلس مشر محمدباقر قالیباف ویلي، چې په سویس کې د ترسره شویو خبرو پر مهال د ایران د کنګل شویو شتمنیو د خوشې کولو او د تېلو د بندیزونو د لرې کولو اړوند ځینې موارد وروستي شوي دي.

د ملګرو ملتونو ځانګړي راپور ورکوونکي وایي، چې د کډوالۍ د پروسو او پناه غوښتنې مدیریت نورو هېوادونو ته د سپارلو تګلارې کډوال او پناه غوښتونکي د بشري حقونو له جدي سرغړونو، لکه جبري شړنې، بندي کېدو او بد چلند له ګواښونو سره مخ کوي.

د بشري حقونو سازمان هه‌نګاو راپور ورکړی، چې د ایراني چارواکو د یوه افغان وګړي په ګډون درې تنه د یزد په مرکزي زندان کې اعدام کړی دی.

یو افغان کاروونکي د مخابراتي شبکو له خوا د انټرنټ د لوړو بیو په اړه اندېښنه څرګنده کړې او له اړوندو شرکتونو او مسوولو ادارو یې غوښتنه کړې چې د انټرنټ د نرخونو بیاکتنه وکړي او دا خدمتونه د عامه خلکو لپاره د لاسرسي وړ کړي.

د طالبانو تر کنټرول لاندې د کډوالو ستونزو ته د رسېدنې عالي کمېسیون ویلي، چې له پاکستان او ایران څخه تېره ورځ ۳۹۴ کډوالې کورنۍ چې ټول ۲۱۴۰ تنه کېږي، له بېلابېلو لارو هېواد ته په جبري راستانه کړل شوې دي.

د ترکیې ولسمشر طیب رجب اردوغان له مسعود پزشکیان سره په ټلیفوني خبرو کې ویلي، انقره د ایران او امریکا ترمنځ له وروستۍ هوکړې هرکلی کوي او چمتو ده چې د دغه بهیر د سوله‌ییز بشپړېدو لپاره لازم ملاتړ برابر کړي. هغه ویلي په مذاکراتو کې د خنډ رامنځته‌کوونکو پر وړاندې باید هوښیار واوسو.

د سویس د بهرنیو چارو وزارت ویلي چې د امریکا، ایران، پاکستان او قطر ترمنځ د برګن‌سټاک په غونډه کې د ترسره شویو رغنده ډیپلوماټیکو خبرو د پرمختګ هرکلی کوي او دا یې د سیمه‌ییزو خبرو اترو لپاره مثبت ګام بللی دی.

د افغانستان د اسلامي جمهوریت د ډیپلوماټیکو او قونسلګري ماموریتونو د همغږۍ شورا د افغانستان د لومړني ستورمزلي او د هوايي ځواکونو پخواني افسر ډګروال عبدالاحـد مومند د مړینې له امله ژوره خواشیني څرګنده کړې او دا یې د هېواد لپاره یوه ستره ملي ضایعه بللې ده.

په افغانستان کې د سعودي عربستان سفارت ویلي، چې د ملک سلمان د بشرپاله مرستو او مرستندویه چارو مرکز په بامیان ولایت کې له راستنو شویو کډوالو سره د خوراکي توکو مرسته کړې او زر کورنیو ته یې خوراکي بستې وېشلې دي.

د طالبانو ویاند ذبیح‌الله مجاهد ویلي، د دغه ډلې د مشر ملا هبت الله د حکم له مخې د زابل ولایت مرستیال جمعه خان فاتح له دندې ګوښه او پر ځای یې ملا فیض‌الله تمیم ټاکل شوی دی. مجاهد د ملا فاتح نوم نه دی یاد کړی خو هغه تر دې وړاندې د زابل ولایت د مرستیال په توګه دنده ترسره کوله.

د روسیې د ورونژ سیمه‌ییزو چارواکو ویلي چې د اوکراین د توغندیز برید په پایله کې په دغه ښار کې پنځه کسان وژل شوي او لسګونه نور ټپیان دي. د اوکراین پوځ ویلي چې په ورونژ سیمه کې یې هغه فابریکه په نښه کړې چې د توغندیو لپاره الکترونیکي پرزې تولیدوي.

په بامیان ولایت کې د طالبانو تر ادارې لاندې د کانونو او طبیعي شتمنیو د استخراج له راپورونو سره د سیمې اوسېدونکي د چاپېریالي زیانونو، د شفافیت نشتوالي او د عوایدو د ویش په اړه اندېښنې لري او د لا زیاتې څارنې غوښتنه کوي.

د سولې نوبل نړیوالې جایزې ګټونکې ملالې یوسفزۍ بروکسل ته د طالبانو د پلاوي پر تګ اندېښنه ښودلې او د اروپايي ټولنې دغه اقدام یې خواشینوونکی بللی. یوسفزۍ پر اروپا غږ کړی، چې د بشري حقونو د تر ټولو سختو بحرانونو مسوول رژیم ته مشروعیت ورنه کړي.