د بشري حقونو څار بنسټ څېړونکې فرشته عباسي وایي، چې دغه بنسټ بروکسل ته د طالبانو د بلنې پرېکړه په کلکه غندلې او دا یې په ناسم وخت کې د ناسم پیغام رسونه بللې ده. هغه وایي، اروپايي ټولنه باید افغانان د طالبانو د واکمنۍ تر سختو شرایطو لاندې افغانستان ته په جبري ډول ونه لېږي.
د طالبانو کورنیو چارو وزارت وايي، د کابل ښار د لومړۍ حوزې اړوند د منډوي دننه په زرداد مارکېټ کې اورلګېدنې ۸ هټۍ سوځولې او شاوخوا ۸ مېلیونه افغانۍ مالي زیان یې اړولی دی. یاد وزارت ویلي، چې اورلګېدنه د برېښنا شارټۍ له امله رامنځته شوې ده.
د مونټرال پولیسو ویلي، چې یوه وسلهوال د دوشنبې په ورځ له یوې جنګي وسلې سره د هیلټن هوټل ته نږدې پر پولیس افسرانو ډزې وکړې. د پولیسو په وینا؛ په نښته کې د مونټرال پولیسو یو ۳۴ کلن افسر محمد لامین بن رضوان ووژل شو او یو بل افسر سخت ټپي شو.
د بدخشان ولایت د شغنان ولسوالۍ یوشمېر اوسېدونکو افغانستان انټرنشنل ته په رالېږلي پیغام کې ویلي، چې د یادې ولسوالۍ د سړکونو خرابوالی د سیمې د خلکو له مهمو او اوږدمهاله ستونزو څخه ده چې تراوسه ورته اساسي حللاره نهده موندل شوې.
د افغانستان انټرنشنل – پښتو لهخوا د راټولو شویو شمېرو له مخې؛ یوازې په تېرو پنځو ورځو کې ایران پنځه افغانان اعدام کړي دي. له دې ډلې یوازې پرون په یوه ورځ درې افغانان د ایران په بېلابېلو زندانونو کې اعدام شوي دي.
د بشري حقونو فعالان او د اروپایي پارلمان غړي وایي، دغه ډول غونډه به د طالبانو هغه حکومت عادي او مشروع وښيي چې ښځې او نجونې یې له زدهکړو، کار او عامه ژوند څخه بېبرخې کړې دي. بلجیم ویلي، په دغه غونډه کې د ګډون لپاره یې د طالبانو پنځه غړو ته یو ورځنۍ وېزې ورکړې دي.
فاکس خبري شبکې د خپلو سرچینو په حواله راپور ورکړی، د امریکا د جګړې مرستیال وزیر سټیفن فینبرګ کانګرس ته ویلي چې د ایران د جګړې لګښتونو پوره کولو لپاره شاوخوا ۸۰ مېلیارد ډالره اضافي بودجې ته اړتیا لري.
د یوه خصوصي ښوونځي مدیر افغانستان انټرنشنل ته په دغه لېږلي غږیز پیغام کې ویلي، د ځیرکو موبایلونو بندول به یې فعالیتونه اغېزمن او ان د ډېرو ښوونځیو د تړلو لامل شي. نوموړي زیاته کړې، درسي چارې او ټولګي یې له انټرنېټ سره تړلي دي چې د ځیرکو موبایلونو له لارې ترسره کېږي.
د خوست ولایت د تڼیو ولسوالۍ په حصارک سیمه کې د زرغون ګارنټ ډبرو کان د کېندنې چارې پیل شوې. په خوست کې د طالبانو د کانونو او پټرولیم رییس مولوي صادق جان حمزه وایي، چې دغه کان د نوي طرزالعمل له مخې د دوو کلونو لپاره د سیمې خلکو ته سپارل شوی.
د طالبانو د المپیک، بدني روزنې او سپورت عمومي ریاست خبر ورکړی، چې د افغانستان د فوټبال ملي فدراسیون د فوټسال ملي کمېټې له لوري د هېواد د زونونو په کچه الف لیګ سیالیو ته د لارموندنې په موخه د شمال ختیځ او سوېل ختیځ زونونو غوراوي سیالۍ ترسره شوې.
په افغانستان کې د ملګرو ملتونو د ماشومانو ملاتړ صندوق (یونېسف) استازی وایي، چې اقلیمي بدلون په افغانستان کې د ماشومانو د خوارځواکۍ ناورین لا پراخوي. د تاجالدین ایواله په وینا؛ وچکالي، سېلابونه او سخته ګرمي د خوړو سیستمونه کمزورې کوي او د څښاک اوبو ته د افغانانو لاسرسی محدودوي.
په فرانسه کې شاوخوا ۱۸ کسان د سختې ګرمۍ له امله مړه شوي دي. په قربانیانو کې دوه ماشومان هم شامل دي، چې په یوه موټر کې پاتې شوي وو. ورته مهال ګرمې څپې د اروپا پراخې سیمې نیولې دي او د دوشنبې په ورځ یې په څو ښارونو کې د تودوخې پخواني ریکارډونه مات کړل.
د طالبانو د ښاري اوبو رسولو او فاضلابو شرکت اجراییه ریس غلامالرحمان کظیم ویلي، چې د کابل ښار د اوبو رسولو پروژې بودجه د طالبانو د اقتصادي کمېسیون په لسمه غونډه کې تصویب شوې ده. د یادې پروژې په بشپړېدو سره به په کابل کې تر یو نیم مېلیون ډېر خلک د څښاک اوبو ته لاسرسی ومومي.
سرچینو افغانستان انټرنشنل ته ویلي، چې ناپېژاندو وسلهوالو د ننګرهار د سره رود ولسوالۍ په شېخ مصري ښارګوټي کې د ګلالۍ په نوم یوه ډاکټره وژلې ده. د سرچینو په وینا؛ یادو کسانو وړمه شپه دغه ډاکټره په خپل کور کې وژلې ده.
د افغانستان د رسنیو د ملاتړ بنسټ (امسو) په کابل کې د خبریالانو او رسنیو د وضعیت په اړه ژوره اندېښنه څرګنده کړې او ویلي یې دي چې ځینې خپلواکې رسنۍ او د هغوی کارکوونکي له نوو امنیتي ګواښونو سره مخ شوي دي.
بلخ ولایت کې د طالبانو امنیه قوماندانۍ ویلي، چې د دغه ولایت د کشفي او عملیاتي ځواکونو له خوا څلور تنه د دولتي اسنادو د جعل او ناقانونه جوړولو په تور نیول شوي دي.
د شمالي کوریا دولتي خبري اژانس (مرکزي کوريا خبري اژانس) راپور ورکړی چې د دغه هېواد مشر کیم جونګ اون ویلي، شمالي کوریا د اټومي ځواک په توګه د خپل دریځ عملي کول د نړیوال امنیت د پیچلي او وړاندوینې وړ نه وضعیت پر وړاندې یوازینۍ اغېزمنه لاره ده.
د امریکا د شیکاګو ښار یو شمېر افغانانو د یوې اعتراضي غونډې پر مهال په افغانستان کې د جنسیتي اپارتاید د رسمیت پېژندنې او د ښځو او نجونو پر وړاندې د روانو محدودیتونو د مخنیوي لپاره د اغېزمنو سیاسي، حقوقي او ډیپلوماټیکو اقداماتو غوښتنه کړې ده.
د پاکستان په پارلمان کې د اپوزيسيون مشر محمود خان اڅکزي ويلي، له ازاد کشمیر څخه د بشري حقونو د استازو او خبریالانو یو پلاوی ورسره ليدلي او هغوی ورته د یوې خورا د اندېښنې وړ وضعیت په اړه ويلي چې کشمیر ته د خوړو او درملو پر لېږدولو بندیز لګول شوی دی.
د پاکستان د بهرنيو چارو وزارت ويلي، د ايران ولسمشر مسعود پزشکيان د لومړي وزیر شهباز شریف په رسمي بلنه نن سه شنبه (د چنګاښ په ۲مه) اسلام اباد سفر کوي.
د امریکا ولسمشر ډونالډ ټرمپ ویلي، چې د هرمز تنګي وضعیت «ډېر ښه» دی او د تېلو انتقال تر اوسه له بېساري کچې لوړ شوی دی.