د بلخ د سوداګرۍ او پانګونې خونې مرستیال هارون رشید ویلي، په تېر ۱۴۰۴کال کې په دغه ولایت کې په بېلابېلو تولیدي او اقتصادي برخو کې څه باندې ۷۰۰ مېلیون ډالره پانګونه شوې ده. نوموړي زیاته کړې، چې دغه پانګونه د اوسپنې تولید، کرنې، خوراکي توکو او نورو اقتصادي برخو کې شوې ده.
واک ته د طالبانو له رسېدو وروسته یادې ډلې هڅه کړې، چې په خپلو ویناوو او رسنیزو څرګندونو کې د یووالي، انسجام او مرکزي کنټرول انځور وړاندې کړي؛ خو د شواهدو او تر سقوط وروسته پرمختګونو له مخې دغه انځور تر ډېره د بهرني مخاطب لپاره د یوه سیاسي روایت په توګه ارزول کېږي.
د خیبر پښتونخوا په نوشهره کې د یوه زورور توپان له امله په دوو جلا پېښو کې یو اته کلن ماشوم مړ او پنځه کسه نور ټپیان شوي دي. د ځایي چارواکو په وینا؛ په لومړۍ پېښه کې په کارلکي کلي کې د توپان پرمهال د یوه کور چت پرېوتو له امله یو ماشوم مړ او دوه نور کسان ټپیان شوي دي.
وال سټریټ ژورنال ورځپاڼې د «باخبره سرچینو» په حواله راپور ورکړی، چې متحده عربي اماراتو په پټه د ایران پرضد پوځي بریدونه ترسره کړي دي. د راپور له مخې؛ متحده عربي اماراتو په ښکاره ډول د دغه بریدونو پخلی نهدی کړی.
تر ۲۰کلنو کم عمره د افغانستان فوټبال لوبډله به نن سېشنبه (د غویي ۲۲مه) په کافا جام سیالیو کې په خپله لومړۍ لوبه کې له ترکمنستان سره مخ شي. دغه لوبه به د غرمې په ۱۲:۰۰ بجو د تاجکستان په کوربهتوب پیل شي.
د افغان کډوالو د ملاتړ اداره افغان ایواک په خپل تازه اونیز راپور کې ویلي، چې یوې فدرالي محکمې د امریکا بهرنیو چارو وزارت د افغان ځانګړې کډوالۍ ویزو د غوښتونکو په چارو کې پر «جدي ناکامۍ» تورن کړی او امر یې کړی چې د زرګونو افغان متحدینو دوسیې دې په چټک ډول وڅېړل شي.
په افغانستان کې د تېر جمهوري دولت پر مهال د بشر حقونو د خپلواک کمېسیون مشره شهرزاد اکبر وایي، په افغانستان کې د فساد، معافیت فرهنګ او د عدالت نه پلي کېدو د خلکو باور پر جمهوري نظام کمزوری کړ او په پایله کې یې د نظام د سقوط لپاره زمینه برابره شوه.
د امریکا د سنا مجلس غړي لېنډسي ګراهام ویلي، که هغه راپورونه سم وي چې ګواکې ایران خپلې ځینې پوځي الوتکې پاکستان ته لېږدولي، نو د تهران او واشنګټن ترمنځ د منځګړي په توګه د پاکستان رول باید له سره وارزول شي.
د پاکستان د جمعيت علمای اسلام ګوند مشر مولانا فضل الرحمن ويلي، په پاکستان کې هېڅ ډول حکومت شتون نه لري او که څه شته هم نو د دوی په سیمو کې «د حکومت هېڅ حاکميت» نشته.
اروپايي ټولنې اعلان کړی، چې غواړي په نږدې راتلونکې کې د افغان کډوالو د بېرته ستنولو د څرنګوالي په اړه د خبرو لپاره د طالبانو چارواکي بروکسل ته دعوت کړي. دا اقدام د طالبانو له حکومت سره د اروپايي هېوادونو د تخنیکي اړیکو د پراخېدو نښه بلل کېږي.
د ملګري ملتونه د بشري مرستو مرستیال سرمنشي او د بېړنیو مرستو همغږي کوونکي ټام فلیچر ویلي، چې د لبنان خلک تر هر څه وړاندې ډیر یوه «ریښتوني اوربند» ته اړتیا لري.
د امريکا سيبياېس خبري شبکې د امريکايي چارواکو له قوله راپور ورکړی، چې ايران د پراخېدونکې جګړې او احتمالي هوايي بريدونو د ګواښ له امله خپلې ځینې پوځي او ملکي الوتکې پاکستان او افغانستان ته لېږدولي دي.
د بلوچستان ايالت اعلی وزير سرفراز بګټي ويلي، د تربت سيمې يوه کم عمره نجلۍ چې، د بلوڅ بېلتون غوښتونکې وسله والې ډلې له خوا په اسلام اباد کې د ځانمرګي برید لپاره چمتو کړل شوې وه، نيول شوې ده.
په افغانستان کې د مرغانو نوې ملي سروې ښيي چې د هېواد مهم لندبلونه په پراخه کچه وچ شوي او د اوبو د کډوالو مرغانو شمېر د پخوا په پرتله په څرګند ډول راټیټ شوی دی. دا سروې د یوې افغانې چاپېریالي ادارې له خوا د لومړي ځل لپاره له سیاسي بدلون وروسته ترسره شوې.
د امریکا ولسمشر ډونالډ ټرمپ ویلي، له ایران سره روان اوربند «د ژوند وروستۍ شېبې تېروي» او د تهران وروستي دریځونه ښيي چې دواړه لوري لا هم د جګړې د پای ته رسولو پر مهمو مسایلو ژور اختلافات لري.
د پولنډ سرحدي ځواکونو د دوشنبې په ورځ اعلان وکړ، چې څلور افغان پناه غوښتونکي یې د دغه هېواد خاورې ته د «غیرقانوني ننوتلو» په تور نیولي دي د دوی په وینا، د دغه افغانانو ترڅنګ یې یو پولنډی وګړی د «انساني قاچاق» په شک نیول دی.
د اسلامي وحدت ګوند مشر محمد محقق د ملي امنیت پر پخواني رییس رحمتالله نبیل نیوکه کړې، چې ګواکې له پاکستان سره یې د اړیکو په تړاو پرې «بېبنسټه تورونه» لګولي دي. محقق وایي، دوی د طالبانو لپاره له سیمهییزو هېوادونو سره په اړیکه کې دي او دا معامله نه، بلکې د طالبانو ضد هڅې دي.
د پاکستان د بلوچستان ایالت په ساحلي ولسوالۍ ګوادر کې د ډزو په پېښه کې لږ تر لږه دوه کارګر وژل شوي او څلور نورې ټپيان دي. بل لور ته ځینو سیاسي ګوند تور لګولی، چې دغه کارګر د پاکستان د ساحلي ځواک (کوسټ ګارډ) په ډزو کې وژل شوي دي.
د تاجکستان د ملي امنیت کمېټې ویلي، په دغه هېواد کې مېشت یو شمېر افغان کډوال چې د قانوني استوګنې، کار او زدهکړو اسناد یې لرل، له دغه هېواد څخه نه دي ایستل شوي، بلکې د جدي جرمي فعالیتونو په تور ککړ افغانان یې ستانه کړي دي.
د ایران اسلامي جمهوریت د پارلمان مشر محمد باقر قالیباف وایي، چې د دغه هېواد وسلهوال ځواکونه د هر ډول احتمالي برید د ځواب لپاره بشپړ چمتووالی لري.
د پاکستان د دفاع وزير خواجه محمد اصف خبرداری ورکړی، چې پاکستان د بنو ولسوالۍ د پولیسو پر څوکۍ د شوي برید په ځواب کې پرېکنده عمليات کولی شي. هغه زیاته کړې، چې هېواد به یې له طالبانو سره د هند په څېر چلند وکړي.