د روسیې څېړنیزې کمیټې اعلان کړی، چې د روسیې د وسلهوالو ځواکونو د عملیاتي روزنې عمومي مشر جنرال فانیل سروروف د دوشنبې په سهار په مسکو کې په یوې چاودنه کې ووژل شو. د روسیې د امنیتي چارواکو په وینا؛ بم په یوه موټر کې ځای پر ځای شوی و.
د طالبانو د کور او ښار جوړولو وزارت وايي، د کونړ ولایت په خاص کونړ ولسوالۍ کې د کډوالو د ښارګوټي هغه ودانیزې چارې چې د وروستۍ زلزلې له امله ځنډېدلې وې؛ بېرته پیل شوې او ټاکل شوې په نږدې راتلونکي کې بشپړې او ګټې اخیستنې ته وسپارل شي.
د سوډان په شمالي دارفور ایالت کې پر یوه ګڼه ګوڼه بازار د بېپیلوټه الوتکې په برید کې ۱۰ کسان وژل شوي دي. دغه برید داسې مهال شوی، چې د سوډان په نورو برخو کې هم جګړې زور اخیستی دی.
د افغانستان د فوټسال ملي لوبډله به نن (د مرغومي لومړۍ نېټه) د ۲۰۲۶کال اسیا جام سیالیو لپاره د چمتووالي پروګرامونو د یوې برخې په توګه د کوېټ پر وړاندې خپله دویمه لوبه وکړي. دغه لوبه د کابل په وخت د شپې په ۸:۳۰ بجو پیلېږي.
د طالبانو پوهنې وزارت د افغانستان په ۱۹ ولایتونو کې د ۲.۵ مېلیارده افغانیو په لګښت د ۲۳۸ نویو ښوونځیو او مدرسو د جوړولو اعلان کړی، خو دا په داسې حال کې ده چې د نجونو پرمخ لاهم د یادې ډلې لهخوا د ښوونځیو او پوهنځیو دروازې تړلې دي.
ملګرو ملتونو ۲۰۲۵کال د یخچالونو د ساتنې نړۍوال کال اعلان کړ. یاد سازمان ویلي، یخچالونه د نړۍوال اقلیم د تنظیم او د تازه اوبو د برابرولو لپاره حیاتي اهمیت لري او د نړۍ په کچه د میلیاردونه انسانانو د ژوند لپاره اړین دي.
په کندهار کې د طالبانو د کرنې، اوبو لګولو او مالدارۍ ریاست وياند محمد حنيف حقمل ویلي، چې دغه ریاست په تېرو درېیو میاشتو کې په یاد ولایت کې پاکستان ته د ۵زره او ۱۹۸ پسونو د قاچاق مخه نیولې ده.
د طالبانو د امر بالمعروف، نهې عن المنکر او شکایتونو اورېدو وزارت خبر ورکړی، چې د دوی محتسبینو د پکتیکا په زېړوک، ارګون او وازیخوا ولسوالیو کې د دوو مېرمنو په ګډون یوه شپږ کلنه ماشومه په بدو کې له ورکړې ژغورلې ده.
د جمهوري نظام پرمهال په پاکستان کې د افغانستان سفیر محمدعمر داودزي د پاکستان د پوځ مشر عاصم منیر څرګندونو ته په غبرګون ویلي دي، چې دغه ډول څرګندونې تاوتریخوالی زیاتوي او په ناحقه بېګناه افغانان په نښه کوي. عاصم منیر تر دې وړاندې ویلي و، چې د «ټيټيپي» ۷۰سلنه غړي افغانان دي.
د طالبانو تر کنټرول لاندې د کډوالو ستونزو ته د رسېدنې عالي کمېسیون خبر ورکړی، د یکشنبې په ورځ (د لېندۍ ۳۰مه) د هېواد له بېلابېلو لارو له ۳۹۰۰ ډېر کډوال چې ټولټال ۷۱۳ کورنۍ کېږي؛ په جبري توګه افغانستان ته ستانه کړای شوي دي.
د سویلي افریقا د جوهانسبرګ د سویل لوېدیځ په یوه ښارګوټي کې سهار وختي د ډزو په پېښه کې نهه کسان وژل شوي او لس نور ټپیان دي. ځایي پولیسو د پېښې پخلی کړی او ویلي یې دي، چې د پېښې ټپیان روغتون ته لېږدول شوي.
د پاکستان د بلوچستان ایالت په چاغي ولسوالۍ کې د یوه مساپر وړونکي موټر او تېلو د ټانکر د ټکر په پېښه کې ۱۱ افغانان مړه او ۹ نور ټپیان شوي دي. ځایي چارواکي وایي، یادو افغانانو د انساني قاچاق کوونکو د یوې منظمې شبکې په مرسته د ایران له لارې په ناقانونه لارو اروپا ته د تګ هوډ لاره.
هغه زدهکوونکي چې د تېرې نومبر میاشتې په وروستیو کې د وسلهوالو له لوري له نایجیر ایالت نه تښتول شوي وو، ۱۳۰ هغه یې بېرته خوشې شول. د نایجیریا چارواکو ویلي، چې له دې سره د وسلهوالو له بنده ټول تښتول شوي زدهکوونکي راخلاص شوي دي.
د ملګرو ملتونو د خوړو نړۍوال پروګرام وايي، په افغانستان کې د خوارځواکۍ د پراخېدو له امله هره ورځ ګڼې مېندې او ماشومان د درملنې لپاره روغتیايي مرکزونو ته مراجعه کوي؛ خو سږ کال زرګونه کسان د یادې ادارې لهخوا د مغذي خوړو له مرستو برخمن شوي دي.
د اوکراین د سولې مذاکراتو لپاره د امریکا ځانګړي استازي له روسي استازو سره د خبرو اترو د دویمې ورځې په پای کې اعلان وکړ، چې روسیه په اوکراین کې د سولې د ټینګښت لپاره «ژمنه» ده. هغه له روسیې سره کومې هوکړې ته د رسېدو او یا هم د هوکړهلیک د وروستي کېدو یادونه ونه کړه.
د اسراییل امنیتي شورا په لوېدیځه غاړه کې د ۱۹ نویو ښارګوټو له جوړولو سره موافقه وکړه. له دې پرېکړې سره، په تېرو درېیو کلونو کې د هغو نویو ښارګوټو شمېر چې جواز یې ترلاسه کړی، ۶۹ ته ورسېد.
د طالبانو له پېښو سره د مبارزې چمتووالي ادارې د اېاېسایاو موسسې سره د لاسلیک شوې هوکړې له مخې د خوړو د نړۍوال پروګرام (WFP) په همکارۍ په کندوز ولایت کې له ۲ زره او ۳۴۳ مستحقو کورنیو سره د خوراکي توکو یوه اندازه مرسته شوې ده.
د طالبانو تر کنټرول لاندې د ملي پراختیا شرکت وايي، په بغلان کې د غوري سمنټ فابریکو پخوا په ورځ کې تر شاوخوا ۱۵۰ ټُنه تولید درلوده، خو کله چې ملي پراختیا شرکت ته یې چارې وسپارل شوې، اوس په ورځ کې تر ۷۰۰ ټُنه تولید لري.
د یوه هېواد د نوم یا نیشنلټۍ لکه افغان، جاپانی، ایرانی، جرمنی، امریکایی، انګلیس، پاکستانی او نورو په اړه چې ملي هویت ورته ویل کېږي، بحثونه سیاسي دي.
په داسې حال کې چې د اسلامکلا بندر ټرانسپورتي ستونزې له اوږدې مودې راهیسې د سوداګرو لپاره یوه جدي ننګونه بلل کېږي، د کندهار د طالبانو د سوداګرۍ خونې مرستیال د هرات د صنایعو او کانونو خونې له رییس او یو شمېر سوداګرو سره یو ځای په هرات کې د طالبانو له والي سره لیدلي دي.
د طالبانو تر واک لاندې افغاني سرې میاشتې د لغمان ولایت په علیشنګ ولسوالۍ کې پر ۱۸۵ راستنو شویو کورنیو روغتیایي بستې ووېشلې.