آرشیف

د امریکا ولسمشر، ډونالډ ټرمپ د متحده عربي اماراتو له لوري د اوپک او اوپک‌پلس څخه د وتلو پرېکړه ستایلې ده.

د سوېل ختیځې اسیا هېوادونو ټولنې او اروپايي ټولنې د افغانستان لپاره د ټول‌شموله حکومت پر جوړېدو ټینګار کړی او د بشري حقونو د وضعیت او روان کړکېچ په اړه یې اندېښنې څرګندې کړې دي.

د روسيې د دفاع وزير اندری بلوسوف وايي، چې په افغانستان کې وضعيت لا هم بې‌ثباته دی او دا هېواد د ترهګريزو ګواښونو له مهمو سرچينو څخه پاتې دی. هغه دا څرګندونې د شانګهای همکارۍ سازمان د دفاع وزيرانو په غونډه کې د قرغيزستان په پلازمېنه بشکېک کې وکړې.

د افغانستان د پوهنتونونو استادانو په کونړ کې پر سید جمال‌الدین افغان پوهنتون د پاکستان بریدونه غندلي او ویلي یې دي، چې پوهنتونونه د علم او سولې مرکزونه دي، نه د جگړې ډگرونه. دغو استادانو د پوهنتونونو په نښه کول جنگی جنایت بللی دی.

د ډيموکراتو سناتورانو يوې ډلې په يوه ليک کې د امريکا له حکومت څخه غوښتي، چې له قطر څخه کانګو ته د څه باندې زر افغان کډوالو د لېږد پروګرام باید سملاسي ودروي. په دې ليک کې ۲۱ امريکايي سناتورانو دا اقدام «د امريکا په تاريخ کې له تر ټولو بدو او ناپوهانه خيانتونو څخه يو» بللی دی.

د بښنې نړیوال سازمان ویلي، چې افغان ښځې دوه ځله زیانمنې شوې دي؛ یو ځل طالبانو له خپلو کورونو او ډګرونو وشړلې او بل ځل نړیوالو ورزشي بنسټونو پرې سترګې پټې کړې. د یاد سازمان د اقتصادي او ټولنیز عدالت مشر ویلي، د افغان ښځو د فوټبال لوبډلې رسمي پېژندنه د عدالت پر لور یو مهم ګام دی.

د طالب چارواکو په وینا، له پنځو کلونو راهیسې څه باندې ۴نیم میلیونه افغان کډوال د سیمې له هېوادونو په ځانګړې توګه له پاکستان او ایران څخه بېرته هېواد ته استول شوي دي. خو طالبانو په دې موده کې یوازې پر څه باندې ۱۰ زره کورنیو د استوګنې نمرې وېشلي،چې د راستنېدونکو پر تله خورا کمې دي.

د ملګرو ملتونو د سرمنشي ویاند اسټفان دوجاریک وايي، چې د ځایي روغتیايي چارواکو د معلوماتو له مخې، د پاکستان له لوري د کنړ ولایت په اسعداباد کې د شویو بریدونو له امله لږ تر لږه اووه تنه وژل شوي او ۷۹نور، چې ډېری یې ماشومان دي، ټپیان شوي دي.

د ترکیې د بشري حقونو او ازادیو بنسټ ویلي، چې د افغانستان او پاکستان استازو د استانبول په غیررسمي ۱،۵ لړۍ خبرو کې ګډون کړی او دا لړۍ د دوی په همغږۍ پیل شوې ده. د بنسټ په وینا، دې غونډه کې د دواړو هېوادونو ترمنځ د شخړو پر حل او لارو چارو بحثونه کېږي.

رویټرز خبري اژانس د روسيې د ولسمشر د يوه سلاکار له قوله راپور ورکړی، چې ولاديمير پوتين د امريکا له ولسمشر ډونالډ ټرمپ سره په ټليفوني خبرو کې د ایران اسلامي جمهوريت د اټومي پروګرام د لانجې د حل لپاره نوي وړانديزونه وړاندې کړي دي.

د ملګرو ملتونو د وګړو صندوق ویلي، چې د رواني روغتیا مشوري او بشري ملاتړ کولای شي په افغانستان کې د ښځو او نجونو د روحي او ټولنیز وضعیت په ښه والي کې مهم رول ولوبوي.

د پنټاګون یوه لوړپوړي چارواکي د چارشنبې په ورځ ویلي چې د ایران پر ضد د امریکا جګړې تر اوسه ۲۵ میلیارده ډالر لګښت درلود. هغه زیاته کړې چې دا د دې جګړې د پوځي لګښتونو لومړنی رسمي اټکل دی.

په هند کې د ایالتي ټاکنو د رایه ورکوونکو د نظر پوښتنو پایلې ښيي چې د لومړي وزیر نریندرا مودي په مشرۍ «بي‌جي‌پي» ګوند او متحدین یې په څلورو ایالتونو کې د شویو ټاکنو له ډلې په دوو مهمو ایالتونو کې د بریا په حال کې دی.

د امریکا د بهرنیو چارو وزارت د سې شنبې په ورځ وویل چې د خپلواکۍ د ۲۵۰مې کلیزې په مناسبت د ټرمپ له انځور سره مل یو شمېر محدود یادګاري پاسپورټونه چاپوي.

د امریکا ولسمشر دونالد ټرمپ له ایران غوښتي چې ژر تر ژره اټومي تړون لاسلیک کړي او خبرداری یې ورکړی چې که خبرې ونه شي نو دغه هېواد به له اوږدمهاله بندیزونو او سمندري محدودیتونو سره مخ شي.

د افغانستان لپاره د ملګرو ملتونو ځانګړي راپور ورکوونکي ریچارد بېنېټ ویلي چې د طالبانو په رسمي جریده کې د «مبلغینو قانون» خپرېدل د اندېښنې وړ دي او ښايي د مذهب پر بنسټ د حنفي مذهب په ګټه تبعیضي بڼه ولري.

په پکتیکا کې د طالبانو د پوهنې ریاست مسوولینو ویلي، چې د برمل ولسوالۍ د هغو لسو ښوونیزو مرکزونو زرګونو زده کوونکو ته یې د زده کړې خوندي چاپېریال برابر کړی، چې د پاکستان د پوځ د بریدونو له امله له خپلو سیمو بې‌ځایه شوي وو.

د سرپل یو شمېر اوسېدونکو افغانستان انټرنشنل ته ویډیوګانې او انځورونه را استولي او وايي، د دغه ولایت په مرکزي زندان کې له بندیانو سره ناوړه او «غیراخلاقي» چلند کېږي. دغو کسانو د زندان مدیر تورن کړی، چې له ښځینه بندیانو ویډیوګانې اخلي او بندیان په بېلابېلو پلمو ګواښي.

سرچینو افغانستان انټرنشنل ته ویلي، چې په استانبول ښار کې د طالبانو ادارې او د پاکستان حکومت ته د نږدې استازو غیررسمي خبرې کیږي، څو د دواړو لوریو ترمنځ د شخړو حل لارې و ارزوي. سرچینې زیاتوي چې دا ناسته د طالبانو ادارې او د پاکستان حکومت په تایید او د ترکیې په ملاتړ کېږي.

د چین د بهرنیو چارو وزارت ویاند ویلي، چې په منځني ختیځ کې روانې جګړې د تېلو نړیواله عرضه له ستونزو سره مخ کړې ده. نوموړي ټینګار کړی، چې د انرژۍ د کمښت د هواري یوازینۍ لاره په سیمه کې دایمي اوربند دی.

ازبکستاني رسنیو د دغه هېواد د سوداګرۍ او صنایعو خونې له قوله راپور ورکړی، چې ازبکستاني او طلب چارواکو د دوه اړخیزو اقتصادي اړیکو د پراخولو هوکړه لیک لاسلیک کړی دی.