د روغتیا نړۍوال سازمان په یوه نوي راپور کې ویلي، چې (توبرکلوز) نري رنځ تېر کال له ۱.۲ مېلیونو څخه ډېر کسان مړه کړي او له ۱۰ مېلیونو څخه ډېر کسان بیا په دغې ناروغۍ اخته شوي دي. د نري رنځ ناروغي په نړۍ کې یو له وژونکو ساري ناروغیو څخه ده.
سرچینو افغانستان انټرنشنل ته ویلي، طالبانو د جوزجان پوهنتون له لوحې ازبکي ژبه حذف کړې ده. د طالبانو دغې چارې ګڼ غبرګونونه راپارولي او د پخوانۍ ولسي جرګې غړې فوزیه کوفي وايي، له یادې لوحې یوازې ازبکي ژبه نه، بلکې فارسي هم حذف شوې ده.
د جمهوري نظام د بهرنیو چارو پخواني وزیر محمد حنیف اتمر د ازبکي ژبې سپکاوی او تبعیض د ټولو افغانانو سپکاوی ګڼلی دی. سرچینو افغانستان انټرنشنل ته ویلي، طالبانو د جوزجان پوهنتون له لوحې ازبکي ژبه حذف کړې ده.
د متحدې جبهې مشر جنرال سمیع سادات وایي، څلور ویشت کاله وړاندې په همدې ورځ د نومبر ۱۳مه کابل د طالبانو له واکمنۍ څخه ازاد شو او نوي جمهوریت خپل کار پیل کړ. هغه ادعا کړې چې د جمهوریت له پیل څخه تر پایه د افغان ځواکونو په ګډون ۵۱۳ زره افغانان وژل شوي دي.
د افغانستان لپاره د پاکستان پخواني ځانګړي استازي اصف دراني یوې ایرانۍ رسنۍ ته د یوه لیک په استولو سره ویلي، له طالب وزیرانو یې اورېدلي، چې د دوی مشر هبتالله اخوندزاده پر پاکستان برید «حرام» اعلان کړی دی. د ده په خبره، دغه پرېکړه په ښکاره ډول نه اعلان شوې او نه هم پلې شوې ده.
د ایران د بهرنیو چارو وزیر عباس عراقچي د ملګرو ملتونو سرمنشي انتونیو ګوترېش او د امنیت شورا ته یو رسمي لیک لیږلی او په لیک یې غوښتنه کړې چې د ایران پر اټومي تاسیساتو د اسراییل د جون میاشتې بریدونو په تړاو دې امریکا او اسراییل مسوول وبولي.
د طالبانو له پېښو سره د مبارزې ادارې ویلي، چې د افغان کډوالو د مرستو لپاره له ډنمارک کمېټې سره یې د یو میلیون ۸ سوه ۱۰۹۴ ډالرو په ارزښت د کډو همکاریو هوکړه لاسلیک کړه. طالبانو ویلي، چې په دې سره به د ۵ ولایتونو په ۳۳ ولسوالیو کې خلکو ته اساسي او وقایوي پروژې تطبیق کړي.
د ایران د بهرنیو چارو وزارت ویاند اسماعیل بقایي د جي۷ هېوادونو د بهرنیو چارو وزیرانو وروستي بیان ته غبرګون ښودلی او د ایران په اړه یې د دغې ډلې ادعاوې بېاساسه، نامسوولانه او د نه منلو وړ بللې دي.
بیبيسي ټلویزیون دپنجشنبې په ورځ د امریکا له ولسمشر ډونالډ ټرمپ څخه د هغه د وینا د ایډیټ له امله، بښنه وغوښته. خو بيبيسي د ټرمپ د تاوان غوښتنه رد کړې ده.بيبيسي د ټرمپ وینا داسې ایډیټ کړې وه، چې ګواکې هغه د تاوتریخوالي ملاتړ کړی دی.
د پاکستان د اطلاعاتو وزارت په یوې خبرپاڼه کې ویلي، چې د سوېلي وزیرستان په مرکز واڼه کې پر پوځي پوهنتون برید افغان وسلهوالو کړی دی. یاد وزارت زیاته کړې، چې په برید کې امریکایي وسلې او مهمات کارول شوي دي.
یوه لوړپوړي اسراییلي چارواکي ویلي، هغه مرستې چې متحده ایالات یې هر کال اسراییل ته ورکوي، د امریکا د هغو لګښتونو پرتله چې په افغانستان او منځني ختیځ کې شوي ډېرې کمې دي.
رویټرز د پنجشنبې په ورځ (د لړم ۲۲مه) راپور ورکړی، چې برېتانیا غواړي په «شمالي ویلز» کې خپل لومړی وړوکی اټومي بټۍ جوړه کړي. دغه پرېکړې د امریکا غوسه پارولې، ځکه واشنګتن غوښتل دغه ځای کې د امریکایي شرکتونو په مشرۍ لویه اټومي بټۍ جوړه شي.
د ایران د بهرنیو چارو وزیر سید عباس عراقچي د ترکیې د بهرنیو چارو له وزیر حاکان فیدان سره ټلیفوني خبرو کې د افغانستان او پاکستان ترمنځ د کړکېچ د کمولو لپاره د ترسره شویو هڅو مننه وکړه او د سیمهییزې سولې او ثبات د ساتنې لپاره یې د سلا مشورو د پراختیا پر ارزښت ټینګار وکړ.
په ملګرو ملتونو کې د افغانستان دایمي استازی نصیر احمد فایق د دغه سازمان د څلورمې کمېټې په عمومي غونډه کې ویلي، چې د افغانستان د ثبات او نړۍ سره تعامل لپاره باید یو مشروع، شفاف او ټولګډونه نظام جوړ شي.
د اسلامي هېوادونو د پيوستون د شپږم پړاو سیالیو د مویتای په برخه کې محمد یوسف جهانګیر په پرلهپسې ډول اندونیزیايي او سعودي سيالانو ته ماتې ورکړې او د سپينو زرو مډال یې ګټلی دی.
د طالبانو د سوداګرۍ وزارت ویلي، د افغانستان په شمالي ولایتونو کې د زلزلې له امله په اغېزمنو سیمو کې د روغتیايي سکتور د ملاتړ په موخه د قزاقستان بشري مرستې نن ماښام کابل ته ورسیدې.
د ملي اسلامي جنبش ګوند مشر عبدالرشید دوستم د جوزجان پوهنتون له لوحې څخه د ازبکي ژبې د متن لرې کولو اقدام غندلی او دا یې د طالبانو د تنګنظرۍ او نژادپالنې نښه بللې ده. دوستم پر طالبانو غږ کړی چې د جوزجان پوهنتون د لوحې په تړاو پرېکړه زر بېرته واخلي.
په بادغیس کې د طالبانو د امنیه قوماندانۍ ویاند صدیق الله صدیقي ویلي، چې د یاد ولایت دبالامرغاب ولسوالۍ د قروتو په سیمه کې دوه ماشومان د لوبو پرمهال په پخواني ناچاوده ماین وژل شوي دي.
د ایران د خراسان رضوي د والي مرستیال ویلي، چې د ایران د ویزو د سخت بهیر له امله له غیرقانوني لارو څخه ایران ته د افغانانو د داخلېدو شمېر دوه برابره ډېر شوی دی. نوموړي ویلي، ایران نږدې هره ورځ ۵۰۰ هغه افغانان بېرته افغانستان ته ستنوي، چې له غیر قانوني لارو ورځي.
د ترکمنستان د بهرنیو چارو وزارت په یوه خپره کړې خبرپاڼه کې ویلي چې په بروکسل کې د افغانستان په اړه د اروپايي ټولنې او مرکزي اسیا د ځانګړو استازو په اوومه غونډه کې د سیمه ییزې همکارۍ پر پیاوړتیا ټینګار شوی.
د پاکستان د سترې محکمې دوو جګپوړو قاضیانو منصور علي شاه او اطهر من الله ددغه هېواد په اساسي قانون کې د نوي ۲۷ تعدیل په غبرګون کې له دندو استعفاوې وکړې. یادو قاضیانو ویلي، چې دغه تعدیل پر اساسي قانون برید او د جمهوریت خلاف عمل دی.