په ننګرهار ولایت کې د طالبانو د کرنې، اوبو لګونې او مالدارۍ ریاست وایي، سږکال په دغه ولایت کې له طبیعي ځنګلونو څخه ۹۰ مټریک ټنه خالص ځڼغوزي ترلاسه شوي دي. په ننګرهار کې د طالبانو د کرنې رییس محمد ولي محسن ویلي، چې د ځڼغوزیو دغه حاصلات د تېرکال پرتله یو مټریک ټنه زیات شوي دي.
ملګرو ملتونو په سوډان کې د چټک ملاتړ ځواکونو او د دغه هېواد د پوځ ترمنځ په جګړو کې د ملکي وګړو د مرګ ژوبلې په اړه ژوره خواشیني ښودلې ده. په ورته وخت کې د سوډان پوځ اعلان کړی، چې له دارفور ایالت څخه یې شاتګ کړی دی.
د خیبر پښتونخوا اسمبلۍ غړو په ګډه وړاندیز وکړ، چې د امنيتي وضعیت، ترهګرۍ او له طالبانو سره د ترینګلو اړیکو د ښه کېدو لپاره دې د ټولو ګوندونو ګډه غونډه راوبلل شي. په دې اړه د پېښور د قول اردو له قوماندانو سره هم خبرې شوې؛ خو تر دې دمه وروستۍ پرېکړه نهده شوې.
د افغانستان ورزشکارانو د ایران په ګیلان ولایت کې د پاهایوت نړۍوال جام په رزمي سیالیو کې دوه د اتلولۍ کمربندونه، دوه د سرو زرو، درې د سپینو او یو د برونزو مډالونه ګټلي دي. دغه سیالۍ د روانې (لړم میاشتې په ۳مه) نېټه پیل شوې، چې له ۹ هېوادونو پهکې ۶۰ لوبغاړو برخه اخیستې ده.
د تهران والي محمدصادق معتمدیان وایي، چې باید د قانون په چوکاټ کې د بهرنیو وګړو او کډوالو انساني کرامت په پام کې ونیول شي. هغه ویلي، باید د کار په برخه کې ایرانیانو ته لومړيتوب ورکړل شي؛ که اړتیا وي هغه بهرني وګړي هم کار کولای شي، چې د استوګنې او کار جواز ولري.
د کامرون ۹۲کلن ولسمشر د اتم ځل لپاره ولسمشریزې ټاکنې ګټلې دي. د اتم ځل لپاره د کامرون د ولسمشر پال د بیا ټاکل کېدو له کبله د هغه د پلویانو او مخالفینو ترمنځ نښتې شوې دي. سیمهییزو چارواکو ویلي، چې د لاریونونو پرمهال د نښتو له امله څلور کسان وژل شوي دي.
په بغلان ولایت کې د طالبانو د کرنې ریاست وايي، چې په وروستیو کلونو کې د خصوصي سکټور په مرسته په دغه ولایت کې د تازه مېوو د ساتنې لپاره ۷ سړې خونې او د پیازو د زېرمه کولو لپاره ۳۵۰ زېرمتونونه جوړ شوي دي.
د امریکا ولسمشر ډونالډ ټرمپ د جاپان له نوې لومړۍ وزیرې سانايي تاکایچي سره په توکیو کې د سوداګرۍ او امنیتي همکاریو په اړه خبرې اترې کړې دي. دواړه خواوو د نادرو منرالونو او مهمو فلزاتو د برابرولو تړون لاسلیک کړ، چې موخه یې د چین د صادراتي محدودیتونو له اغېزو ځان ژغورل دي.
برېتانوۍ ورځپاڼې «ډیلي مېل» په خپل یوه راپور کې د برېتانیا د دفاعي کمېټې د تازه څېړنې په حواله ویلي، لږ تر لږه د هغو ۴۹ افغانانو خپلوان یا ملګري چې د برېتانوي ځواکونو له لوري یې شخصي معلومات افشا شوي وو، د همدې تېروتنې له امله وژل شوي دي.
د حماس ډلې ویاند حازم قاسم هغه راپورونه رد کړي، چې ګواکې دغې ډلې ته د ځینو یرغمل شویو کسانو د مړو ځایونه معلوم دي او دوی یې له بېرته سپارلو څخه ډډه کوي.
د برېتانیا لومړي وزیر کېير سټارمر د غزې د سولې په هڅو کې د ترکیې د ولسمشر رجب طیب اردوغان رول ستایلی او ویلي یې دي، چې لندن او انقره د غزې د اوربند د لومړي پړاو د ژر عملي کولو لپاره ګډ کار کوي.
د اسراییل پوځ د دوشنبې په ماښام د لړم په پنځمه نېټه اعلان وکړ، چې ځواکونو یې په غزه کې د یوه بل وژل شوي بندي مړی د سره صلیب له نړۍوالې کمېټې څخه ترلاسه کړی دی.
د ملګرو ملتونو د بشرپاله چارو د همغږۍ دفتر (OCHA) اعلان کړی، چې په تېرو دوو کلونو کې په غزه کې د هغو کسانو شمېر چې رواني مراقبتونو ته اړتیا لري، دوه برابره شوی او اوس یې شمېر له یو میلیون کسانو هم زیات دی.
په استانبول کې د طالبانو او پاکستاني پلاویو ترمنځ خبرې اترې د درېیمې ورځې لپاره هم بې کومې هوکړې پای ته رسېدلې دي. د دواړو لوریو چارواکو «اسوشېټېډ پرېس» خبري اژانس ته ویلي، چې له څو ساعتونو خبرو وروسته هم کومه څرګنده پایله یا ګډه اعلامیه نه ده خپره شوې.
د طالبانو د عدلیې وزارت وايي، د کابل ښار په درېیمې او نهمې ناحیو کې یې د ۱۲ دارالوکالو فعالیتونه ارزولي او په ترڅ کې یې ۶ دارالوکالې د یو شمېر ناقانونه فعالیتونو له امله تړل شوې دي. خو یاد وزارت بیا د ناقانونه فعالیتونو په تړاو جزییات نه دي ورکړي.
پښتون سیاستوال او د پاکستان د سنا پخوانی غړی افراسیاب خټک د طالبانو او پاکستان ترمنځ د استابول مذاکراتو سره هممهاله وایي، چې شل کاله وړاندې زرګونه پاکستاني طالبان له افغان طالبانو سره یو ځای د جګړې لپاره افغانستان ته استول کېدل.
په جګړو کې له ولسي وګړو د ملاتړ مرکز د انساني امنیت د نړۍوال وضعیت په تړاو په خپل کلني راپور کې اعلان کړی، چې افغانستان په ۲۰۲۴ کال کې یو له هغو شپږو هېوادونو و، چې خلک یې د مدني بنسټونو د ځپنې او پاشل کېدو له امله ډېر زیانمن شوي دي.
د قزاقستان د ترکستان والي نورالخان کشراوف د طالبانو د صنعت او سوداګرۍ وزارت له سرپرست سره په کتنه کې له افغانستان سره د اقتصادي همکاریو د پراختیا لپاره د «ترکستان د سوداګرۍ ازاد زون» د جوړېدو په تړاو خبرې وکړې او همداراز یې د دوه اړخیزو اړیکو پر لا پراختیا ټینګار وکړ.
د پښتون ژغورنې غورځنګ (پيټېاېم) ځینو مهمو غړو افغانستان انټرنشنل – پښتو ته ویلي، چې د پاکستان پوځ د دغه غورځنګ په ګډون له نورو سیاسي ګوندونو غوښتي، چې په خپلو ویناوو کې پښتونخوا د پاکستان د برخې په توګه یاده کړي.
د ترکیې په استانبول کې د طالبانو او پاکستان ترمنځ د خبرو درېیمه ورځ وروستیو ساعتونو ته رسېدلې، خو لا تراوسه د دواړو لوریو ترمنځ هېڅ هوکړه نهده شوې. د پاکستان رسنیو هم د رسمي سرچینو له قوله راپور ورکړی، چې طالب پلاوي له اسلاماباد سره د هر ډول هوکړې له لاسلیک کولو ډډه کوي.
په افغانستان کې د ښځو لپاره د ملګرو ملتونو د دفتر رييسې مېرمن سوسن د بامیان ولایت لپاره د طالبانو له والي سره په کتنه کې دغه ولایت کې په اقتصادي او سیمهییزو چارو کې د ښځو د ظرفیت لوړونې او د پراختیايي پروګرامونو پر دوام او همداراز په دې برخه کې د همکاریو پر لا تقویت ټينګار وکړ.