آرشیف

نړۍوال اقتصادي فورم د پنجشنبې په ورځ وویل، چې له جېفري اپسټین سره د دغه فورم د اجراییوي رییس بورګه برېنډه د اړیکو د روښانه کولو په موخه یې خپلواکې پلټنې پیل کړې دي.

د حزب اسلامي د مشر ګلبدین حکمتیار زوی حبیب‌الرحمان حکمتیار وايي، د پخواني شوروي پر وړاندې د افغانستان د جهاد پر مهال امریکايي چارواکي اندېښمن وو، چې د مجاهدینو د بریا په صورت کې به سیاسي واک حزب اسلامي ته ورسېږي او ګلبدین حکمتیار به په سیمه کې پر یوه "بل خمیني" بدل شي.

د طالبانو د سټنډرډ او کیفیت ملي ادارې ویلي، چې د بې‌کیفیته بېټریو یوه ۲۵ ټنه محموله یې چې له کورنیو معیارونو سره یې سمون نه درلود، بېرته د فراه ولایت د ابونصر فارابي بندر له لارې ایران ته وګرځوله.

د ملګرو ملتونو سرمنشي انتونیو ګوترېش خبرداری ورکړ، چې نن د ستراتیژیکو وسلو د کمولو تړون (New START) په رسمي ډول پای ته ورسېد. نوموړي د دغه تړون پای ته رسېدل د نړۍ د سولې او امنیت لپاره یو جدي ګواښ وباله او د هغې د ناوړه پایلو په اړه یې ژوره اندېښنه وښوده.

د اپسټین قضیې په اړه د اسنادو له خپرېدو وروسته، په امریکا کې د بریټانیا د سفیر پیټر منډلسن او اپسټین تر منځ د اړیکو جزئیات هم ښکاره شول. اوس له همدې امله د بریټانیا لومړي وزیر کیېر سټارمر د جېفري اپسټین د قیضي له قربانیانو بښنه غوښتې ده.

روسي کارپوه او په روسیه کې د افغانستان د سیاسي مطالعاتو مرکز مشراندري سرېنکو د «طالبانو استخباراتي رازونه» تر سرلیک لاندې یو کتاب خپور کړی دی. په دې کتاب کې یو شمېر اسناد خپاره شوي چې د لیکوال په وینا، د طالبانو د ادارې د استخباراتو پټ رازونه ښيي.

د امریکا کانګرس په پټه د هغو افغانانو ویزې لغوه کړې دي، چې له دې وړاندې یې امریکا ته د انتقال پروګرام ټرمپ ځنډولی و. اوس ډیموکراتان هیله لري چې که د منځمهاله ټاکنو پر مهال د کانګرس دواړې جرګې یا یوه هغه وګټي، دا دروازه بېرته پرانیزي.

د طالبانو په ولکه کې اریانا افغان هوايي شرکت اعلان کړی، چې د کابل او ډیلي ترمنځ د سوداګریزو اړیکو د پیاوړتیا او د ټرانسپورټي لېږد د کچې لوړولو په موخه یې په دې مسیر کې د کارګو او مسافر وړونکو الوتنو شمېر زیات کړی دی.

د پېښور زلمي لوبډلې بنسټګر جاوېد اپریدی وايي، چې افغان کرکټر رحمان‌الله ګربز به سږ کال د پاکستان سوپر لیګ (پي‌اېس‌اېل) په سیالیو کې د پېښور زلمي لوبډلې لپاره ولوبېږي.

په چین کې د طالبانو سفیر اسدالله بلال کریمي د دغه هېواد له لوړپوړو چارواکو سره کتلي چې د کابل او بیجنګ ترمنځ د اقتصادي، تجارتي او سیمه‌ییزو همکاریو پراختیا لپاره زمینه برابره کړي. دغه راز په دې کتنه کې د واخان دهلېز پر فعالېدو هم خبرې شوې دي.

د مایکروسافټ بنسټګر بېل ګیټس د جېفري اپسټین د قضیې اړوند د زرګونو اسنادو له خپرېدو وروسته په لومړي ځل له هغه سره د خپلې پېژندګلوۍ په اړه پښېماني څرګنده کړې ده.

د روغتیا نړیوال سازمان وايي، سره له دې چې په نړۍ کې د پولیو پېښې کمې شوې دي، خو په افغانستان او پاکستان کې دپولیو ویروس دوامدارې پېښې لا هم د پولیو د بشپړ ورکاوي پر وړاندې جدي ګواښ دی.

په امریکا کې یوې فدرالي محکمې هغه کس ته، چې د ۲۰۲۴کال د ولسمشرۍ ټاکنیز کمپاین پر مهال د ډونالډ ټرمپ د وژلو په هڅې تورن و، د عمر قید سزا واوروله.

د ملګرو ملتونو د ماشومانو صندوق (یونیسف) له هېوادونو وغوښتل چې د مصنوعي ځیرکتیا له لارې د ماشومانو د جنسي ناوړه استفادې اړوند د محتوا تولید په قانوني ډول جرم وګرځوي. یونیسف خبرداری ورکړی چې دا ډول محتوا د ماشومانو امنیت او رواني روغتیا ته جدي ګواښ پېښوي.

د طالبانو د کابیني نهه غړي چې ځانونو ته د شیخ الحدیث، شیخ او مفتي القاب کاروي، په مذهبي برخه کې تخصص نه لري. د اکوړه خټک حقانیه دارالعلوم ویاند وايي، مولوي کبیر، ثاقب، مولوي حکیم شرعي، مولوي امیرخان متقي، عبداللطیف منصور او شهاب‌الدین دلاور یوازې د دیني مدرسو فارغ‌التحصیلان دي.

د طالبانو سترې محکمې اعلان کړی چې په روانه اونۍ کې یې د افغانستان په بېلابېلو ولایتونو کې پر ۷۲ کسانو د بند تر څنګ په دُرو د وهلو سزاوې عملي کړې دي.

د ازبکستان ولسمشر شوکت میرضیایف په یوه رسمي سفر پاکستان ته رسېدلی او د دغه هېواد ولسمشر اصف علي زرداري او لومړي وزیر شهباز شریف یې د اسلام اباد په نور خان هوایي ډکر کې هرکلی کړی دی.

د امریکا په منځګړتوب د اوکراین او روسیې پلاوي د ۳۱۴بندیانو د تبادلې پر هوکړې سلا شوي دي. د امریکا د ولسمشر ډونالډ ټرمپ ځانګړي استازي سټیو ویټکاف ویلي، چې که څه هم د جګړې د پای ته رسولو لپاره لا هم مهم کارونه پاتې دي، خو دا هوکړه یو مهم پرمختګ بلل کېږي.

د طالبانو تر کنټرول لاندې د کابل ښاروالۍ وایي، په وروستیو کې یو شمېر ناسم خبرونه خپاره شوي، چې ګواکې کابل ښاروالۍ د چاپېریالي سرغړونو لپاره نوی قانون جوړ کړی او د دغه قانون له مخې به د خځلو غورځوونکي د یوې کاري ورځې جبري کار په ډول جریمه کېږي.

د ملګرو ملتونو یو نوی رپوټ وايي،د افغانستان خصوصي سکتور د اقتصادي بیا رغونې، کارموندنې او اوږدمهاله ثبات لپاره بنسټیز رول لوبولی شي، خولاهم افغان سوداګر د پانګونې د کمي، مالي سرچینو ته د محدود لاسرسي، برېښنا نشتوالي او د مقرراتو بې‌ثباتۍ له امله له جدي ستونزو سره مخ دي.

د افغانستان لپاره د ازبکستان د ولسمشر ځانګړي استازي عصمت‌الله ایرګاشېف په دغه هېواد کې د قزاقستان له سفیر بېبوت اتامکولوف سره په لیدنه کې د سیمه‌ییز اتصال او همغږۍ په بهیرونو کې د افغانستان پر رول خبرې اترې کړې دي.