د ملګرو ملتونو د بشري چارو د همغږۍ ادارې (اوچا) ویلي، په ۲۰۲۶ کال کې د بودجې کمښت د افغانستان د ۵،۷ میلیونه ماشومانو او میندو لپاره د تغذیې پروګرامونه له جدي ګواښ سره مخ کړي دي.
د بدخشان لپاره د طالبانو والي اسماعیل غزنوي، په دغه ولایت کې د ازادۍ جبهې له بریدونو وروسته له خپلو مخالفو ډلو غوښتي چې له جګړې لاس واخلي. نوموړي ویلي، د مخالفینو پر وړاندې جګړه ورته سخته نه ده او خبرداری یې ورکړی چې هېچا ته به د واک د ترلاسه کولو اجازه ور نه کړي.
په ایران کې د پاکستان پخواني سفیر اصف دوراني ویلي، د ایران او امریکا وروستۍ شخړې ښودلې چې پوځي ځواک یوازې د سیاسي موخو د ترلاسه کولو لپاره بسنه نه کوي.
د ازبکستان د لومړي وزیر مرستیال جمشېد خواجهیف د لوړپوړي پلاوي په مشرۍ کابل ته تللی، څو له طالب چارواکو سره د دواړو هېوادونو ترمنځ د سیاسي، اقتصادي، سوداګریزو، پانګونې او ټرانزیټي همکاریو د پراختیا او پیاوړتیا په اړه خبرې وکړي.
د افغانستان او ترکمنستان ترمنځ د فاریاب ولایت اقینې بندر د هېواد له مهمو سوداګریزو دروازو څخه بلل کېږي، چې له لارې یې د منځنۍ اسیا له هېوادونو سره د افغانستان سوداګریزې راکړې ورکړې ترسره کېږي.
پاکستان ټوډې ورځپاڼې په یو تحلیلي راپور کې راغلي چې د پاکستان، افغانستان او هند ترمنځ د باور کچه په وروستیو کلونو کې د تورونو، سرحدي ترینګلتیاوو او نوو ستراتیژیکو بدلونونو له امله مخ پر کمېدو ده.
په پنجشیر کې طالب سیمهییزو چارواکو ویلي، چې د روان کال په لومړیو درېیو میاشتو کې ۲۵۰ زره او ۱۲۰ سیلانیانو دغه ولایت ته سفر کړی او له تفریحي سیمو څخه یې لیدنه کړې ده.
د ملګرو ملتونو د ۲۰۲۶ کال د نشهيي توکو نړیوال راپور ښيي چې په نړۍ کې د نشهيي توکو د کاروونکو شمېر د تاریخ تر ټولو لوړې ثبت شوې کچې ته رسېدلی دی.
د افغانستان انټرنشنل د راټولو شویو شمېرو له مخې، د روان کال له جون راهیسې د پاکستان په چاغۍ ولسوالۍ کې ۳۳۲ افغانان نیول شوي چې ډېری یې د ایران له لارې اروپا ته د تګ هڅه کوله.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تیره ورځ (د زمري۳مه) ۳۵۴کډوالۍ کورنۍ چې شمیر یې ۱۸۱۵ تنه و له ایران او پاکستان نه افغانستان ته جبري ستنې کړل شوې دي.
د افغانستان د ازادۍ جبهې ادعا کړې چې د کابل ـ بدخشان پر لویه لار، د دوشي ولسوالۍ په شاوخوا کې یې د طالبانو پر یوه پوځي کاروان راکټي برید کړی چې په پایله کې یې د دې ډلې اووه غړي وژل شوي او شپږ نور ټپیان شوي دي.
د پاکستان د پنجاب ایالت په بېلابېلو سیمو کې د تېرو ۲۴ ساعتونو پر مهال د سختو بارانونو له امله لږ تر لږه اووه کسان، چې دوه ماشومان هم پکې شامل دي، مړه شوي او ۲۰ نور ټپیان شوي دي.
د بریتانیا د محکمې تازه افشا شویو اسنادو ښودلې چې د افغان کډوالو د انتقال په یوه ځانګړي پروګرام کې یو افغان کډوال خپل ۲۲ د کورنۍ غړي بریتانیا ته انتقال کړي دي.
د افغانستان لپاره د ښځو بنسټ د افغانستان د ۳۰ څخه زیاتو مدني بنسټونو او د هېواد دننه د شاوخوا ۴۵۰ ښځو په سلا مشوره، انتونیو ګوتېرش او د امنیت شورا غړو ته یو پرانیستی لیک استولی او د افغانستان په اړه یې د ملګرو ملتونو په سیاسي بهیر کې د افغان ښځو د اغېزمن ګډون غوښتنه کړې ده.
په هرات ولایت کې د یوه سوداګر له لوري په شخصي لګښت د ۱۰۰۰تنه نجونو او هلکانو لپاره یو شپږ پوړیزه د ښوونځي ودانۍ جوړه شوې چې ټولیز لګښت یې۲ میلیونه او ۴۰۰ زره امریکایي ډالر ښودل شوی دی.
په پاکستان کې د بلوچستان ایالت پر چینایي پروژو او چینایي وګړو د وسلهوالو بریدونو زیاتېدو، د چین او پاکستان نږدې اړیکې او د دواړو هېوادونو سترې اقتصادي پروژې له جدي ننګونو سره مخ کړې دي.
د روسیې د بېړنیو خدمتونو چارواکو ویلي، د دغه هېواد په البروس غره کې د غرختنې پر مهال دوه بهرني غرختونکي مړه شوي دي. د چارواکو په وینا، لومړني معلومات ښيي چې دواړه مړه شوي کسان د بوسنیا اتباع دي.
د خیبر پښتونخوا د باړې بازار ترڅنګ د تېرو درې ورځې پرلهپسې بارانونو د تیراه درې له بېځایه شویو خلکو سره د مرستو او نوملیکنې مرکز ډوب کړی، چې له امله یې د سلګونو کورنیو د نوملیکنې بهیر له جدي ستونزو سره مخ شوی دی.
د ایران او امریکا ترمنځ د جګړې له پراخېدو سره، د شنبې په ورځ د نښتو لمن د سره سمندر او خزر سمندر تر سیمو وغځېده، خو په ورته وخت کې د امریکا د هوايي بریدونو د موقتي درولو له امله د خلیج په سیمه کې نسبي ارامي لیدل شوې ده.
د سعودي عربستان خبري اژانس راپور ورکړی، چې د دغه هېواد د بهرنیو چارو وزیر فیصل بن فرحان بن عبدالله د ټېلیفون له لارې له خپلو قطري او مصري سیالانو سره په سیمه کې د کړکېچ د راکمولو پر لارو چارو خبرې کړې دي.
د کابل د پغمان ولسوالۍ اړوند د قلعه حیدرخان سیمې يو شمېر اوسېدونکي وايي، په سیمه کې د خښتو د بټیو له دود څخه د چاپېریال له ککړتیا سربېره ځايي اوسېدونکي پر بېلابېلو ناروغیو اخته شوي دي. دوی له اړوندو مسوولینو غواړي چې په استوګنیزو سیمو کې د خښتو بټیو د فعالیتونو مخه ډب کړي.