د اروپایي ټولنې شارژدافیرې د کډوالۍ نړۍوالې ورځې په مناسبت ویلي، چې اروپایي ټولنه د کډوالو، راستنېدونکو، په کور دننه بېځایه شویو او په ځانګړې توګه د ماشومانو تر څنګ ولاړه ده. دا په داسې حال کې ده،چې دمګړۍ له ګاونډيو هېوادونو راشړل شوي افغانان په کور دننه له ګڼو ستونزو سره مخ دي.
ملګرو ملتونو د عراق پخوانی ولسمشر برهم صالح د کډوالۍ د عالي کمېشنر په توګه وټاکه. د ملګرو ملتونو عمومي اسامبلې د پنجشنبې په ورځ (د لیندۍ ۲۷مه) دغه ټاکنه پرته له رایې ورکولو تایید کړه.
داعــ.ش د استرالیا د سېډني په بونډای ساحل کې د یهودیانو حنوکا د مراسمو پر مهال د خونړي وسلهوال برید په اړه په خپاره کړي پیغام کې یاد برید «د ویاړ وړ» بللی دی. داعــ.ش د پنجشنبې په ورځ په خپل ټېلېګرام کې د دې برید مسوولیت نهدی منلی.
د امریکا ولسمشر ډونالډ ټرمپ وایي، چې تر اوسه د اسراییل له لومړي وزیر بنیامین نتنیاهو سره د لیدنې لپاره په رسمي ډول څه نهشته، خو په وینا یې نتنیاهو د لیدنې لېوالتیا لري او ښايي دغه لیدنه راتلونکې اوونۍ په فلوریډا کې ترسره شي.
د افغانستان د جمهوري نظام پر مهال د ملي امنیت پخوانی رییس رحمتالله نبیل وايي، پاکستان د ترهګرۍ پر ضد اقدامات په حساب شویو وختونو کې ترسره کوي او دغه ډول چارې تر ډېره د امنیتي اړتیاوو پر ځای له واشنګټن او نړۍوالو قدرتونو سره د اړیکو د مدیریت لپاره عملي کېږي.
د هند حکومت یوه لوړ پوړي چارواکي د پنجشنبې په ورځ وویل، چې هېواد یې په تېرو ۴ میاشتو کې د هند ویزه غوښتونکو افغانانو ته ۵۰۰ ویزې ورکړي، چې یوازې څه باندې ۲۰۰ یې روغتیايي ویزې دي.نوموړي زیاته کړې، هند په اپرېل میاشت کې د افغانانو لپاره د ویزې ورکړې په سیسټم کې بدلونونه راوستي دي.
د افغانستان د فوټبال د اتلانو لیګ پنځم فصل، د لسو غوره لوبډلو ترمنځ له ۲۷ ورځنیو سختو او هیجاني سیالیو وروسته،د پنجشنبې په ورځ د ابو مسلم فراه لوبډلې په اتلولۍ سره پای ته ورسېد. سرخپوشان خوافي او د صرافان هرات لوبډلو په ترتیب سره دویم او درېیم ځایونه خپل کړي دي.
په ملګرو ملتونو کې د اسراییل سفیر دني دانون وایي، اسراییل به په ۲۰۲۶ کال کې پنځه اساسي موخې وڅاري چې تر ټولو مهمه یې د ایران د نیابتي ډلو لهمنځه وړل دي.
د ایران ولسمشر مسعود پزشکیان وایي، چې هېواد یې د اوبو او برېښنا له جدي بحران او اقتصادي ستونزو سره مخ دی او په وینا یې، دا وضعیت باید د یوه جدي خبرداري په توګه وګڼل شي.
د طالبانو د چاپيریال ساتنې اداره وايي، چې دوی په کابل او پکتیکا کې د مرغانو ۱۸ ښکاریان نیولي او د قانون منګلو ته یې سپارلي دي.طالبانو یو ځل بیا خبرداری ورکړی، چې په ټول افغانستان کې د وحشيژوو، مرغانو او کبانو ښکار بند دی.
د طالبانو تر واک لاندې د افغانستان بانک ویلي، چې دوی له قزغزستاني پلاوي سره د بانکي اړیکو د پراختیا او مالي همکاریو د زیاتېدو په تړاو خبرې کړې دي. طالبانو له ټولو نړۍوالو مالي او بانکي بنسټونو سره د اغېزناکو او دوامداره اړیکو پر لرلو ټينګار کړی دی.
د طالبانو د لوړو زدهکړو وزیر ندا محمد ندیم په وردګ پوهنتون کې د زدهکړیالانو لپاره د څلور پوړیزې لیلیې د چارو د پرانېستې په مراسمو کې وویل: دوی د مسلمانانو د دین او دنیا د چارو ساتنه کوي. هغه زیاته کړه، چې د مسوولینو ډاډ او د استادانو ژمنتیا د لوړو زدهکړو نظام پياوړی کوي.
د روسیې د پوځ لوی درستیز والري ګیراسیموف ویلي، چې د پوځ یوه لوا یې د «اورېشنیک» په نوم په لنډ واټن ویشتونکو توغندیو سبمال کړې ده. روسیې د یاد توغندي ځواک له اټومي وسلو سره ورته بللی دی.
د امریکا متحدو ایالتونو د بهرنیو چارو وزیر مارکو روبیو ویلي چې واشنګټن د جرمونو نړیوالې محکمې(اې سي سي) پر هغو دوو قاضیانو بندیزونه لګولي، چې د اسراییل پر وړاندې یې د قضایي اقداماتو هڅې کړې دي.
د ټرمپ حکومت پر تایوان د ۱۱،۱ میلیارده ډالرو په ارزښت د وسلو د پلور اعلان کړی، خو چین یې پر وړاندې جدي غبرګون ښودلی. په دغو وسلو کې هیمرس توغندويي سیستمونه، هاوانونه، جاولین ټانک ضد توغندي، الټیوس ځانمرګي ډرونونه او نور پوځي تجهیزات شامل دي.
د پاکستان بهرنیو چارو وزارت وایي، هغه څه چې د پاکستان او طالبانو ترمنځ د اوربند په نوم یادېږي، باید یو دودیز اوربند ونه بلل شي. د هغه په وینا، د دې تفاهم موخه دا وه چې د هغو وسله والو بریدونو مخه ونیول شي چې دده په وینا، د افغانستان له خاورې د پاکستان پر ضد کېږي.
د هند د روغتیا وزیر جي پي ناډا د طالبانو د روغتیا وزیر سره کتنه کې له افغانستان سره د ملاتړ ژمنه یوځل بیا تکرار کړې او وايي، د افغان ډاکټرانو د روزنې لپاره یوه ډله تجربه لرونکي هندي ډاکټران کابل ته استوي. نوموړي ویلي، کابل ته د سرطاني ناروغیو درمل او سي ټي سکن ماشین هم استوي.
په هرات ولایت کې طالب چارواکي وایي چې د دغه ولایت په صنعتي ښارګوټي کې د غالیو او فرشونو د تولید ۲۰ فابریکې فعالیت لري، چې په دې برخه کې د افغانستان د کورني بازار شاوخوا ۴۵سلنه اړتیاوې پوره کوي.
د طالبانو د عامې روغتیا وزارت ویلي، چې د ژمي په موسم کې د سړې او ککړې هوا له امله په تنفسي ناروغیو د اخته کسانو شمېر ډیر شوی او دمګړی ۶۷۶ زره ماشومان او لویان په بېلابېلو تنفسي ناروغیو اخته دي.
د ایران د همکارۍ، کار او ټولنیزو چارو وزارت وايي چې په ایران کې د لومړي ځل لپاره د «کار ویزې» د صادرولو بهیر عملي شوی او تر دې مهاله له ۲۰ زرو زیاتې غوښتنې ثبت شوې، چې د ۱۰ زره ویزو چارې پرمخ تللې دي. ایران افغان کارګرو ته د ۲۰۰ زره کاري ویزو د ورکولو اعلان کړی و.
د روسیې د پارلمان یا دوما ځینو غړو له افغانستان څخه د کارګرو د جذب وړاندیز ته منفي غبرګون ښودلی او د دې طرحې په اړه یې اندېښنې څرګندې کړې دي. د دولتي دوما د سیمهییز سیاست او محلي حکومت د کمېټې غړي د اروپایي احصایو پر بنسټ وایي، چې د افغان کډوالو حضور له جرمونو سره تړلی دی.