دي اکنامک ټایمز راپور کې راغلي چې د افغانستان د طالبانو حکومت د داعش د زیاتېدونکي ګواښ په لړ کې پاکستان د دغې ډلې په ملاتړ تورن کړی او ادعا یې کړې چې تیره اوونۍ یې د پاکستان د بلوچستان او خیبر پښتونخوا په ځینو سیمو کې د داعش پر مرکزونو د بېپیلوټه الوتکو بریدونه کړي دي.
ایراني رسنیو د علي خامنهيي له مړینې وروسته، د لومړي ځل لپاره د نوموړي د جنازې په مراسمو کې د مصطفی، مسعود او میثم په نومونو د هغه د درېیو زامنو انځورونه خپاره کړي اودا لومړی ځل دی چې د مجتبی خامنهيي پرته د هغه نور زامن په عام محضر کې راڅرګندېږي.
د طالبانو بهرنیو چارو وزارت ویلي چې د افغان ستورمزلي عبدالاحد مومند جنازه به سبا دوشنبه (د چنګاښ ۱۵مه) له جرمني څخه کابل ته ولېږدول شي.
د ملګرو ملتونو د بشري مېشت ځایونو ادارې ویلي، چې د ۲۰۲۶ کال د بشري اړتیاوو د غبرګون پلان له مخې، د افغانستان نږدې ۶۵ سلنه وګړي له څو اړخیزې بېوزلۍ سره مخ دي. د دوی په وینا، د کار محدود فرصتونه او نامعلوم راتلونکی د راستنېدونکو د ژوند د بېرته رغېدو پر وړاندې سترې ننګونې ګڼل کېږي.
د بلوچستان ایالت په ډېره بګټي ولسوالۍ کې د درینجن سیمې ته نږدې د دوو ډلو ترمنځ د ډزو په پېښه کې څلور کسان وژل شوي او یو بل ټپي شوی دی.
د طالبانو د دفاع وزارت وايي، د دغه وزارت سرپرست مولوي محمد یعقوب مجاهد، د بدخشان ولایت په شمال ختیځو سرحدي سیمو کې له سرحدي ځواکونو او پوستو لیدنه کړې او د چین، تاجکستان او ډیورنډ کرښې ته څېرمه پرتې ستراتیژیکې سیمې یې ارزولې دي.
له پاکستان او ایران څخه د زرګونو افغانانو له راستنېدو سره، یو شمېر راستانه شوي کډوال وايي چې د اقتصادي ستونزو ترڅنګ له ټولنیزو او رواني ننګونو سره هم مخ دي او له دې امله په خپل هېواد کې د پردیتوب احساس کوي.
د خیبر پښتونخوا ایالت د سویلي وزیرستان په برمل تحصیل کې د یوه کور پر سر په شکمن ډرون برید کې درې نجونې وژل شوې او د یوې ښځې په ګډون د همدې کورنۍ څلور نور غړي ټپیان شوي دي.
د جمهوري نظام پر مهال د افغانستان د اطلاعاتو او کلتور پخواني وزیر عبدالکریم خرم ویلي، چې پاکستان هڅه کوي د خپل تاریخي هویت د پیاوړتیا لپاره د افغانستان او هند تاریخ ته «ناسمه او انتخابي» اشاره وکړي او د سیمې د تاریخي رول په اړه ناسم روایت وړاندې کړي.
په کابل کې د افغانستان، منځنۍ اسیا او اذربایجان د ستراتیژیکو مطالعاتو مرکزونو او فکري بنسټونو لومړني فورم داسې نښې وړاندې کړې چې د افغانستان او د شمالي ګاونډیانو ترمنځ اړیکې له سیاسي چوکاټه د اقتصادي او بنسټیزې همکارۍ نوي پړاو ته اوړي.
د جمهوري نظام پر مهال د چارو ادارې مشر فضل محمود فضلي ویلي، چې پاکستان هڅه کوي نړیوالو ته دا قناعت ورکړي چې افغانستان د «دویم ۹/۱۱» خطر لري، خو د ده په وینا واشنګټن د وضعیت په اړه بشپړ پوهه لري او اسلاماباد په تاریخي ډول د امریکا د غوښتنو مطابق خپل دریځ بدل کړی دی.
د کندهار ولایت د سپین بولدک د موټرو پرزو سوداګر وايي، د افغانستان ـ پاکستان په ډيورنډ کرښه محدودیتونو او د منځني ختیځ د جګړې له امله یې سوداګري نږدې درېدلې او سلګونه کانټینرونه یې په بهرنیو بندرونو کې بند پاتې دي.
د طالبانو د سوداګرۍ او پانګونې خونې ویلي چې د بیلابیلو ولایتونو له سوداګرو سره یې د تېلو د بیو د کنټرول او د کیفیت د ښه والي په اړه ناسته ترسره کړې ده. طالبان وایي چې ددغه ناستې هدف د نرخونو ثابت ساتل وو.
هرات کې د طالبانو مطبوعاتي دفتر ویلي، چې د دغه ولایت والي مولانا اسلامجار له ترکمنستاني چارواکو سره د تاپي پروژې د پرمختګ او د افغانستان او ترکمنستان ترمنځ د ګډ نندارتون د جوړېدو په اړه خبرې کړې دي.
پاکستان د جولای تر لسمې له ناقانونه افغان کډوالو غوښتي چې په خپله خوښه له دغه هېواده ووځي او خبرداری یې ورکړی چې له دې نېټې وروسته به د اسنادو نه لرونکو افغانانو پر ضد پراخ عملیات پیل کړي.
سره له دې چې د مکسیکو ملي لوبډله د ۲۰۲۶ فوټبال نړیوال جام د ۱۶ غوره پړاو ته له ماتې او ګول خوړلو پرته رسېدلې، خو د دغه هېواد ډېری وګړي وایي، د اقتصادي ستونزو، ورکو شویو کسانو، مدني اعتراضونو او امنیتي کړکېچونو سیوری لا هم د نړیوال جام پر خوښیو غوړېدلی دی.
د ملګرو ملتونو د پراختیایي پروګرام (یو ان ډي پي) ویلي چې د افغانستان په ختیځ کې د تېر کال د زلزلې له امله زیانمنو کورنیو لپاره یې د ننګرهار ولایت په دره نور ولسوالۍ کې ۲۰۵ استوګنیز کورونه رغولي دي.
د بلوچستان ایالت عبدالله خان قلعه ولسوالۍ د کلي بدوان په سیمه کې نن سهار د ډزو په یوه پېښه کې څلور کسان وژل شوي دي.
د پاکستان د کورنیو چارو وزارت مرستیال وزیر طلال چوهدري ویلي، له دغه هېواده د ناقانونه کډوالۍ کچه ۴۷ سلنه راټیټه شوې او د ناقانونه کډوالۍ پر ضد د اسلاماباد تګلاره د نورو هېوادونو لپاره هم په یوه بېلګه بدله شوې ده.
د پاکستان ورځپاڼې ډان د ډیپلوماتیکو سرچینو له قوله راپور ورکړی چې اسلاماباد د امریکا او ایران ترمنځ د راتلونکو تخنیکي خبرو تر ټولو احتمالي کوربه ښار بلل کېږي.
د پولنډ سرحدي ځواکونو ویلي، د لیتوانیا پولې ته نږدې یې د یوه بار وړونکي موټر له کانتینره ۵۴ ناقانونه کډوال نیولي، چې ۱۵ افغانان هم پکې شامل دي.