د افغانستان د ښځو د «روښانه راتلونکي خوځښت» غړو د طالبانو له لوري د «زوجینو د تفریق اصولنامې» د توشیح په اړه سخت غبرګون ښودلی او ویلي یې دي چې دغه اقدام د کم عمره ماشومانو ودونو ته لاره هواروي او د بشري حقونو ښکاره نقض دی.
د بشري حقونو ۸۳ افغان او نړیوالو بنسټونو په یوه پرانیستي لیک کې له اروپايي ټولنې غوښتي چې د طالبانو له استازو سره له هر ډول ډیپلوماټیک تعامل څخه ډډه وکړي. دغو بنسټونو خبرداری ورکړی چې دا ډول اړیکې او تعاملات ښايي د طالبانو د عادي کېدو او مشروعیت ورکولو لامل شي.
د خېبر پښتونخوا اعلی وزیر سهیل اپریدي ویلي، په افغانستان کې د طالبانو واک ته رسېدو پر مهال په پاکستان کې خوشحالۍ وې او حتی خواږه پرې وېشل کېدل، خو اوس له هغوی سره هم اړیکې خرابې کړل شوې دي.
د طالبانو تر ادارې لاندې د المپیک، بدني روزنې او سپورټ ریاست اعلان کړی، چې د پکتیکا په کوربهتوب د څلورو ولایتونو د اتو لوبډلو ترمنځ د فوټبال سیالۍ پیل شوې دي. د دغه ریاست په وینا، دا لوبې د ځوانانو ترمنځ د یووالي او همغږۍ د رامنځته کولو په موخه تنظیم شوې دي.
د طالبانو د ترانسپورټ او هوايي چلند وزارت د هوا پوهنې ادارې خبر ورکړی، چې د چهارشنبې په ورځ به د هېواد په ۱۸ ولایتونو کې د بارانونو، تالندې او برېښنا ترڅنګ د سېلابونو د راوتلو احتمال موجود وي.
په هرات کې د طالبانو د والي رسنیز دفتر اعلان کړی، چې په دغه ولایت کې د روغتیايي چارو د څارنې او ارزونې په لړ کې شپږ درملتونونه تړل شوي او مهر لاک شوي دي. د چارواکو په وینا، دغه اقدام په یادو درملتونونو کې د تاریخ تېرو او بېکیفیته درملو د پلورلو او وېشلو له امله شوی دی.
د سکای نیوز عربي څانګې د راپور له مخې، لبناني سرچینو ویلي چې د لبنان او اسراییل استازي تر اوسه نه دي توانېدلي چې د اوربند د ټینګښت په اړه مهمو او پرېکړهکوونکو ټکو ته ورسېږي.
په جنوبي ايټالیا کې د څلورو پاکستاني کارګرانو مړي د يو سوځېدلي موټر څخه ترلاسه شوي دي، د دغو کسانو د وژلو په تور دوه نور پاکستاني وګړي نيول شوي، خو د پاکستان د بهرنيو چارو وزارت ويلي، د وژل شویو کسانو «دقیق هویت» لا نه دی تایید شوی.
د امریکا د بهرنیو چارو وزیر مارکو روبیو د سېشنبې په ورځ وویل، چې په اوسنیو شرایطو کې هېڅ افغان کډوال ته امریکا ته د ننوتلو اجازه نه ورکول کېږي.
د اټومي انرژۍ نړیوالې ادارې مشر رافایل ګروسي، په ابوظبۍ کې اعلان وکړ چې د ایران ډېری هغه اټومي فعالیتونه چې له دې وړاندې روان وو، اوس درېدلي دي.
یو شمېر افغان ورزشکارانو په مسکو کې د طالبانو له سفیر ګل حسن حسن سره کتلي دي. دغه ورزشکاران د روسیې فدراسیون په کوربتوب د المپیکي مډال ګټونکو ځوانانو د تشویق په اتم نړیوال فورم کې د ګډون لپاره روسیې ته تللي.
د خيبرپښتونخوا په مرکزي ښار پېښور کې د توپاني بادونو او دوړو له امله رامنځته شوو پېښو کې لږ تر لږه ۱۵ کسان ټپيان شوي دي.
ځوانان او پېغلې د هرې ټولنې تر ټولو ارزښتناکه بشري پانګه او د راتلونکي اصلي استازي ګڼل کېږي. د هغوی انرژي، خلاقیت او نوښتګر فکر نه یوازې د ټولنیز بدلون او پرمختګ لپاره لاره هواروي، بلکې د ستونزو پر وړاندې د مقاومت او نوو فرصتونو د رامنځته کولو مهم ځواک هم بلل کېږي.
د سویډن حکومت له خوا ټاکل شوي یو کمېسیون د سې شنبې په ورځ سپارښتنه وکړه چې د ټولنیزو رسنیو د کارولو لپاره باید لږ تر لږه عمر ۱۵ کاله وټاکل شي.
یوه نوې څېړنې ښيي چې د چاغښت ضد مشهور درمل «اوزمپیک» د اشتها د کنټرول تر څنګ د مغز پر هغو برخو هم اغېز لرلی شي چې د خوړو، انګېزې او روږدو چلندونو سره تړاو لري.
د طالبانو د امر بالمعروف او د شکایتونو اورېدو وزارت ویلي چې په هرات، کاپیسا او کابل ولایتونو کې یې دڅلور ښځو د جبري ودونو مخه نیولې ده. دا په داسې حال کې ده چې د طالبانو د «زوجینو تفریق اصولنامې» د نړیوالو بشري حقونو بنسټونو او افغانانو اندېښنې راپارولي دي.
د پاکستان پوځ ویلي، چې د بلوچستان په مرکزي ښار کویټه کې یې د اورګاډي له پېښې وروسته د دغه ايالت په يو شمېر سيمو کې يو لړ عمليات ترسره کړي او د ۱۷ وسله والو د وژلو ادعا یې کړې ده.
دملګرو ملتونو د خوړو نړیوال پروګرام ( ډبلیو ایف پي) ویلي، چې په افغانستان کې د خوارځواکۍ کچه بېساري حد ته رسېدلې او د خوړو د کمښت له امله ګڼ شمېر میندې او ماشومان له روغتیايي مرکزونو څخه ناهیلي او بېبرخې بېرته خپلو کورونو ته ستنېږي.
سرچینو افغانستان انټرنشنل - پښتو ته خبر ورکړی، چې د خېبر پښتونخوا ایالت د مردان ولسوالۍ په شیخ ملتون سیمه کې له یوه کور څخه د یوې ښځې په ګډون د درېیو کسانو مړي موندل شوي دي.
د طالبانو د خوست د والي ویاند وايي، چې د دغه ولایت د تڼیو ولسوالۍ په ګوخې کلي کې دوه ځوانان د لامبو وهلو پر مهال په اوبو کې ډوب شوي او مړه شوي دي.
په خوست کې د نن سې شنبې ورځې توپان او سختو بادونو له امله د «اقرا» او «ښکلا» په نامه راډیوګانو خپرونې قطع شوې او ځینې وسایا یې زیانمن شوي. د دغو سیمه ییزو رسنیو مسوولان وایي، د بادونو له کبله د دواړو راډیوګانو نشرات په بشپړه توګه درېدلي دي.