آرشیف

د پاکستان د فدرالي څېړنو ادارې (FIA) ویلي چې نن یکشنبه د (تلې ۶مه) یې ۵ افغانان چې ګواګې په جعلي اسنادو پاکستان ته راغلي و بېرته افغانستان لیږدولي دي.

ایرنا خبري اژانس نن یکشنبه د (تلې ۶مه) لیکلی، چې د افغانستان لپاره د پاکستان ځانګړی استازی محمد صادق خان په سیمه کې د وروستیو بدلونونو په اړه له ایراني چارواکو سره د لیدلو لپاره ایران ته ورسېد.

الجزیره شبکې نن یکشنبه د (تلې ۶مه) د طبي سرچینو په وینا لیکلي، چې په غزه کې د اسراییل په تازه بریدونو کې لږ تر لږه ۲۴ فلسطینیان وژل شوي دي. په وژل شویو کسانو کې هغه ۱۰ فلسطینیان هم شامل دي، چې د النصیرات په نوم د کډوالو کیمپ کې اوسېدل.

د طالبانو تر واک لاندې د باختر خبري اژانس د راپور له مخې د قبا په نامه دغه ښار ګوټی به د کونړ په مزار دره کې جوړ شي.

یوروشیلم پوسټ نن یکشبنه د (تلې ۶مه) لیکلي، چې امریکا د جګړې ختمولو لپاره پر اسراييل فشار ډېروي، خو په ورته وخت کې د اسراییل حکومت د غزې د لوېدیځې غاړې نیولو په لټه کې دی.

رویټرز خبري اژانس نن یکشنبه د (تلې ۶مه) لیکلي، چې روسیې پر اوکراین د بې پیلوټه الوتکو درنې بمبارۍ کړي، چې له امله یې لږ تر لږه ۳ کسان وژل شوي او ۲۶ نور ټپيان دي.

د طالبانو د سوداګرۍ او صنایو وزارت وايي چې د روان ۱۴۰۴ هجري لمریز کال په لومړیو شپږو میاشتو د افغانستان او پاکستان د سوداګرۍ کچه یو مېلیارد او یو سلو اته میلیونه ډالره وه.

د ملګرو ملتونو د استوګنې ادارې نن یکشنبه د (تلې ۶مه) پر خپله اېکس پاڼه لیکلي، چې د افغانستان په ختیځ کې وروستۍ زلزلې هر څه ویجاړ کړي او باید د بې کوره شویو قربانیانو کورونه په داسې ډول بیرته ورغول شي، چې د زلزلې پر وړاندې مقاومت ولري.

د پخواني جمهوري نظام پر مهال د چارو ادارې رییس فضل محمود فضلي نن یکشنبه د (تلې ۶مه) پر خپله اېکس پاڼه لیکلي، هغه څوک چې خپله یې افراطي ډلې جوړې کړي او بیا په افغانستان کې د دې ډلو د څارنې په اړه له نړیوالو مرسته غواړي ناپوه دي او یا د دې پروژو همکاران دي.

د طالبانو د کرنې، اوبولګولو او مالدارۍ وزارت وایي د کرنیزو توکو او لاسي صنایعو دغه نندارتون به د روانې تلې میاشې له ۹مې تر ۱۲مې نېټې پورې د کابل ښار د بادام باغ په څړنیز مرکز کې جوړ شي.

د طالبانو باختر اطلاعاتي اژانس د شنبې په ورځ د (تلې ۵مه) پر خپله اېکس پاڼه لیکلي، چې له پاکستان او ایران څخه د افغانانو ۹۱۰ کورنۍ افغانستان ته ستنې شوي دي.

د طالبانو تر واک لاندې د المپیک، بدني روزنې او سپورټ عمومي ریاست وايي چې په بلخ کې د والیبال سیالۍ چې له څو ورځو راهیسې روانې وې د استقلال لوبډلې په اتلولۍ پای ته ورسېدې.

د طالبانو د امر بالمعروف او نهي عن المنکر وزارت پر خپله ایکس پاڼه خپره شوې اعلامیه کې ویلي، چې په بلخ ولایت کې یې دوه کوډګران نيولي دي.

د طالبانو د بلخ ولایت رسنیز دفتر د شنبې په ورځ د (تلې ۵مه) پر خپله اېکس پاڼه لیکلي، چې ملا محمد یوسف وفا د اندونیزیا له سفیر نندا اویلسټاو مل پلاوي سره وکتل.

اي، بي، سي نیوز نن یکشنبه (د تلې ۶مه) لیکلي، چې د امریکا په شمالي کارولینا کې د کښتۍ له خوا پر یوې ساحلي شرابخانې ډزې شوي، چې په پایله کې یې ۳ کسان مړه او ۸ نور ټپيان شوي دي.

رویټرز خبري اژانس شنبه (د تلې ۵مه) د حماس له خولې لیکلي، چې د امریکا ولسمشر ډونالډ ټرمپ دوی ته د سولې پلان نه دی وړاندې کړی، خواسرايیلي ځواکونه په غزه کې ورځ په ورځ د خپلو عملیاتو لمن پراخوي.

د ملګرو ملتونو روزنیزې، علمي او کلتوري ادارې (یونېسکو) په ۲۰۱۵ کال کې د سپټمبر ۲۸مه مالوماتو د لاسرسي نړۍواله ورځ ونوموله.

طالبان وايي د افغان کډوالو د ستنېدو د لړۍ په دوام په تېرو ۱۰۰ ورځو کې ۱۱ کسان یوازې له ایران څخه افغانستان ته راغلي دي.

د ترکیې په استانبول ښار کې د طالبانو قونسلګرۍ نن یکشنبه (د تلې ۶مه) پر خپله ایکس پاڼه لیکلي، چې قونسل یې مفتي محمد اکبر عظیمي د څو بهرنیو هېوادونو له ډيپلوماتانو سره د لیدنې پر مهال د افغانستان او د دې هېوادونو ترمنځ د اقتصادي، کلتوري او سیاسي اړیکو پر پياوړتیا خبرې کړي دي.

د پاکستان په کراچي ښار کې د طالبانو فونسلګرۍ نن یکشنبه (د تلې ۶مه) پر خپله اېکس پاڼه باندې لیکلي، چې ساوت سيټي خصوصي روغتون به په کابل کې یوه څانګه پرانیزي.

د اسیا جام روانو سیالیو پای‌لوبه ته دا ځل هند او پاکستان سره وتي چې ټآکل شوې لوبه نن د افغانستان پر وخت د ماښام اته بجې د دوبۍ کرېکټ په نړۍوال لوبغالي کې پیل شي. د دغه سیالۍ ګټونکې لوبډله به د اسیا اتله اعلان شي.