د طالبانو د کورنیو چارو وزارت وايي، چې د ارزګان ولایت په مرکز ترینکوټ کې یې د یو لړ کشفي عملیاتو په ترڅ کې د وسلو او مهماتو یوه زېرمه کشف او نیولي ده. دوی زیاتوي، ۲۱زره فیره د کلاشینکوف او پیکا مرمۍ، ۲۰۰ فیره د دهشکې مرمۍ او ۳۰۰ فیره د ار پي جي مرمۍ ترلاسه شوي دي.
د طالبانو د مالیې وزارت ویلي، چې نړیوال بانک د هغو قراردادي شرکتونو د پورونو ورکولو لړۍ پیل کړې، چې د یادې ډلي له واکمنېدو مخکې یې اسناد بشپړ او طی مراحل شوې وه.
د طالبانو کورنیو چارو وزارت ویلي چې په ۷ ولایتونو کې د دوی د عملیاتو پر مهال ۲۲ کسان نیولي شوي چې په غلا، د عامه نظم په ګډوډولو، قتل او غیرې قانوني وسولو ساتلو کې ښکېل وو. د یادې ډلې دغه وزارت ویلي، د دوی ځواکونو دا اقدام د خلکو د خوندیتوب او قانون د پلې کولو لپاره ترسره کړی دی.
د افغانستان د مخکېني جمهوري نظام پرمهال د ولسمشر لومړي مرستیال امرالله صالح ویلي، د اوکراین جګړه په عملي ډول د روسیې په ګټه پای ته رسېدلې او اوس د «بریا مدیریت» روان دی. صالح ادعا کوي چې متحده ایالاتو د جګړې د بندېدو لپاره د روسیې له شاوخوا ۸۰ سلنه غوښتنو سره توافق کړی دی.
په میامي کې د ټرمپ د سیاستوالانو او یو روسي استازي تر پټې ناستې وروسته، هغه نوې مسوده چې د اوکراین جګړې پای ته رسولو لپاره جوړې شوې، د امریکا او اروپا په دولتي کړیو کې اندېښنې راولاړې کړي دي. په دې مسوده کې د اوکراین نه د پراخو امتیازاتو غوښتنه شوې ده.
د اریانا افغان هوايي شرکت مسولین وايي چې ډېر ژر به درې نوې بار وړونکې ټرانسپورټي الوتکې وپيري، څو د افغانستان د صادراتو، په ځانګړې توګه د تازه او وچو مېوو د نړۍوالو بازارونو لپاره د ټرانزیټ کچه لوړه کړي او د لېږد لګښتونه هم راکم کړي.
د شانګهای همکارۍ سازمان د سیمهییزې ترهګرۍ ضد جوړښت د اجرایي کمیټې مشر خبرداری ورکړی چې نړۍوالو ترهګرو ډلو په افغانستان کې خپل فعالیتونه پراخ کړي او د منځنۍ اسیا په هېوادونو کې د «غیرې فعالو ترهګریزو ډلو» د بیا فعالېدو هڅې کوي.
دطالبانو اطلاعاتو او کلتور وزارت د فرهنګ او هنر معین مولوي عتیق الله عزیزي د یونسکو د کلتوري رییس برنډن او د جاپان د فرهنګي چارو متخصص دوکتور یوموچي سره په ناسته کې د هېواد د تاریخي او فرهنګي میراثونو د ساتنې او پراختیا په اړه د ګډو هڅو پر اهمیت ټینګار کړی.
په کابل کې د ایران سفارت ویلي چې د ایران او افغانستان د سوداګرۍ خونو ترمنځ د ګډې همکارۍ هوکړې لاسلیک کولو سره د دواړو هېوادونو د خصوصي سکټورونو د همکاریو فرصتونه لا پراخه شول.
د طالبانو د احصایې او معلوماتو ادارې خبر ورکړی چې د هېوادوالو د اسانتیا لپاره به د برېښنایي پېژندپاڼو د وېش مرکزونه اوس په ولسوالیو کې هم پرانېستل کېږي، څو خلک پرته له سفر کولو په اسانۍ سره تذکرې ترلاسه کړي.
پاکستانۍ ډان ورځپاڼې جمعه د (لیندۍ لومړۍ نېټه) خپلې تازه سرمقاله کې ویلي چې پاکستان د اوږد مهال لپاره په افغانستان کې د «ټيټيپي» له پناهځایونو اندېښنه لري. وایي، اسلاماباد تمه لري چې افغان طالبان لږ تر لږه ډيورنډ کرښې ته څېرمه د پاکستاني طالبانو غورځنګ د بریدونو مخنیوی وکړي.
اسلاماباد له طالبانو سره د اړیکو له خرابېدو وروسته په پټه د طالبانو له مخالفو ډلو له استازیو سره د تماس لړۍ پیل کړې ده. د نیو لاینز مجلې د خپرې کړې مقالې له مخې، پاکستان د اکټوبر میاشت کې د طالبانو ضد څو مهمې څېرې مېلمانه کړي او هڅه کوي د بدیل په توګه یو «نوی باوري شریک» ومومي.
رویټرز د جمعې په ورځ (د لړم ۳۰مه) راپور ورکړی، چې د بریتانیا په نانیتون ښار کې یوه افغان کډوال چې پر یوې دولس کلنې نجلۍ یې جنسي تېری کړی و، خپل جرم منلی دی.دغه افغان کډوال احمد ملاخېل نومیږي او ۲۳ کلن دی.
په افغانستان کې د ملګرو ملتونو د رضاکارانو ډلې اعلان کړی، چې ۱۲،۹ میلیونه افغان ماشومان د شري، اسهال او نورو ناروغیو له خطر سره مخ دي. دغه ډله چې د ملګرو ملتونو له شریکانو سره کار کوي هڅه کوي، د زیانمنو افغان ماشومانو لپاره د روغتیایي خدماتو له لارې د دې ناورین مخه ونيسي.
«افغان ایواک» سازمان د امریکا هغو نویو پالیسیو ته په اشارې سره چې امریکا ته پر شرایطو د برابر افغان کډوالو د داخلېدو مخه نیسي او د هغوی د کورنیو د یوځاییدو بهیر دروي، خبرداری ورکړی، چې حکومت په دې پرېکړو سره د دغو خلکو د مرګ حکم صادروي. دغه سازمان د وضاحت او شفافیت غوښتنه کړې ده.
د امریکا یوه جمهوري غوښتونکي سناتور ټینګار کړی، چې د امریکایي مالیه ورکوونکو پیسې باید ترهګرو ډلو ته ونهرسیږي. هغه ویلي چې د همدې موخې لپاره په کانګرس کې د جمهوري غوښتونکو لهخوا یو طرحه پر مخ وړل کېږي.
رویټرز د نایجیریا د عیسويانو د ټولنې له قوله لیکلي، چې د دغه هېواد په شمال لوېدیځ کې د کاتولیکوله یوه ښوونځي لږ تر لږه ۲۲۷ زدهکوونکي او ښوونکي تښتول شوي دي. دغه ټولنه زیاتوي چې په دې تښتول شویو کې ۲۱۵ زدهکوونکي او ۱۲ ښوونکي شامل دي.
سیاست په رښتیا چې یو مخ نهلري؛ تر همدا څو ورځو مخکې چې د امریکا ولسمشر ډونالډ ټرمپ پر زهران ممداني سختې نیوکې کولې، اوس چې ممداني د نیویارک د نوي ښاروال په توګه غوره شوی، ټرمپ ورته په سپینه ماڼۍ کې تود هرکلی کړی دی.
سره له دې چې پاکستان له څه باندې یوې میاشتې راهیسې له افغانستان سره ټولې لارې بندې کړي، خو د پاکستان بهرنیو چارو وزارت د لارې د بندېدو مسوولیت پر طالبانو اچوي. د طالبانو ویاند ذبیحالله مجاهد بیا ویلي، لاره د پاکستان له لوري بنده شوې او مسوول یې هم اسلاماباد دی.
د پښتون ژغورنې غورځنګ ګڼ شمېر غړو او فعالانو د بلجیم په پلازمېنه بروکسل کې د اروپايي ټولنې پارلمان مخې ته د پاکستان د حکومت او پوځ پر ضد اعتراض وکړ. دغو اعتراض کوونکو د اروپايي پارلمان له ۲۰۰ څخه زیاتو غړو ته په لیکلي بڼه پر پښتنو د پاکستان د ظلمونو په اړه شواهد وسپارل.
د طالبانو د صنعت او سوداګرۍ وزیر او د هند د سوداګرۍ په چارو کې د دولت وزیر موافقه کړې، چې د دواړو لورو ترمنځ د اقتصادي همکاریو د پیاوړتیا لپاره د یو بل په سفارتونو کې ځانګړې تجارتي اتشې وګوماري. د افغانستان او هند ترمنځ د سوداګرۍ ارزښت له یو میلیارد ډالرو زیات اعلان شوی دی.