آرشیف

د طالبانو د هرات ولایت مقام مطبوعاتي دفتر وایي، چې د کډوالۍ نړۍوال سازمان مشر د هرات لپاره د دغې ډلې والي مولانا اسلام جار سره په لیدنه کې د مرستو ژمنه کړې ده.

د بشري حقونو څار سازمان په افغانستان کې د طالبانو د واکمنۍ څلورمې کلیزې په درشل کې ویلي، چې دغې ډلې د افغان ښځو پر وړاندې خپل ظلمونه او تاوتریخوالی لاپسې پراخ او ژور کړی دی.

د پاکستان د کورنیو چارو وزارت د یوه فرمان په صادرولو ویلي، چې په دغه هېواد کې د (PoR) کارټ لرونکو افغانانو د اوسېدو موده پای ته رسېدلې ده. له دې سره هم‌مهاله پاکستاني رسنیو خبر ورکړی، چې په راتلونکو څو میاشتو کې به له پاکستانه د افغان کډوالو د اېستلو لړۍ پراخه شي.

د ملګرو ملتونو د خوړو او کرنې سازمان د افغانستان په کلیوالو سیمو کې د خوړو خوندیتوب د لا ښه‌والي لپاره د برېتانیا په مالي ملاتړ د ۱۰ مېلیون پونډو په ارزښت د یوه پروګرام له پیلېدو خبر ورکړی دی.

له ګاونډیو هېوادونو د افغان کډوالو د اېستلو پر دوام؛ تېره ورځ دوشنبه (د زمري ۱۳مه) له ایران او پاکستانه ۱۱۷۴ کورنۍ افغانستان ته ستنې شوې دي.

له لګېدلو بندیزونو سره، سره د پاکستان تحریک انصاف ګوند د لاریونونو د پیل اعلان وکړ. دغه ګوند ویلي، چې د لاریونونو او احتجانونو لړۍ به د دغه ګوند د بنسټګر او د پاکستان د پخواني لومړي وزیر عمران خان او د ګوند د نورو زندانیانو تر خلاصونه دوام وکړي.

د امریکا غږ (VOA) مشر مایکل ابرامووېټس له دې امله له خپلې دندې ګوښه کړل شو، چې په شمالي کارولینا کې یې کار کول و نه منل. ابرامووېټسپر په ښکته پوسټ کې د هغه ګومارل ناقانونه کار بللی دی.

په ملګرو ملتونو کې د افغانستان دایمي استازی نصیر احمد فایق وایي، چې طالبان په ډول، ډول ظلمونو او فساد کې ښکېل دي. هغه په نیوکې سره وایي:« موږ تر اوسه د طالبانو یو لوړپوړی چارواکی هم نه دی لیدلی، چې شریعت دې ورباندې عملي شوی وي.»

د مخکېني جمهوري نظام د ولسمشر لومړي مرستیال امرالله صالح اسلام‌اباد ته د طالبانو د بهرنیو چارو وزیر امیرخان متقي سفر ځنډېدو په اړه ویلي، چې د ملګرو ملتونو د بندیزونو کمیټې د دغه سفر مخه نیولې ده.

د برازیل سترې محکمې د دوشنبې په ورځ د دغه هېواد پخوانی ولسمشر ژایر بولسونارو د کودتاه په تور ونیوو. د امریکا ولسمشر ډونالډ ټرمپ دغه کار سياسي غچ بللی او خبرداری یې ورکړی، چې پر برازیل به ۵۰ سلنه تعرفې لوړې کړي.

اسراييل به روانه اونۍ د امنیتي ادارو غونډه راوبولي، چې له حماس سره د خبرو تر ناکامېدو وروسته د راتلونکي ګام اخيستو په اړه پرېکړه وکړي. یوه لوړپوړي اسراییلي چارواکي بیا ویلي، چې ښایي په غزه کې تاوتریخوالی لا پراخ شي.

د افغانستان کرېکټ بورډ پرون دوشنبه (د زمري ۱۳مه) په کابل کې د یوې خبري ناستې پرمهال له پاکستان او اماراتو سره د درې اړخیزې لوبلړۍ لپاره د کرېکټ ملي لوبډلې ۲۲ کسیز نوملړ اعلان کړ.

د پاکستان حکومت په راولپنډۍ کې د عمران خان له‌خوا د نن ورځې لپاره د رابلل شویو لاریونونو له امله په دغه ښار کې په هر ډول اعتراضي غونډو او لاریونونو بندیز ولګاوه.

پر افغانستان د طالبانو تر بیاځل واکمنېدو وروسته د هنر ډګر له رنګ، غږ او حرکت نه بې‌برخې شوی دی. افغانستان د موسیقي‌والو، تیاترانو، سینماګرانو او انځوګرانو لپاره نور د الهام او تخلیق کور نه‌دی.

د روسیې د امنیت شورا مرستیال دیمیتري مېدوېدېف وايي، مسکو به نور د لنډ او منځني واټن ویشتونکو اټومي توغندیو د استقرار موقتي تعلیق ته ژمن نه وي او له ناټو سره د رامنځته شوي وضعیت له امله به نوي اقدامات تر سره کړي.

د امریکا او فرانسې د بهرنیو چارو وزیرانو د غزې او اوکراین د جګړو د پای ته رسېدو او د سیمې او نړۍ پر وضعیت خبرې وکړې. د امریکا د بهرنیو چارو وزارت ویلي، مارکو روبیو او ژان نوېل بارو ټینګار کړی چې د اوکراین او غزې جګړې باید ژر تر ژره پای ته ورسېږي.

د هند بهرنیو چارو وزارت وروسته له هغې چې د امریکا ولسمشر د روسیې د تېلو د پېرلو له امله دغه هېواد پر لوړو تعرفو وګواښه ویلي، هغه هېوادونه چې پر هند نیوکې کوي، په خپله له روسیې سره پر سوداګرۍ بوخت دي او دغه وضعیت ته په کتو د هند په نښه کول بې‌ځایه او ناعادلانه دي.

د نړۍ له مشهورو ساعت‌ جوړونکو شرکتونو څخه سواچ (Swatch) د سویس له فدرالي حکومت څخه غوښتي، چې د امریکا د نوې تعرفې له امله د رامنځته کېدونکو اقتصادي زیانونو د مخنیوي لپاره «بېړني او جدي اقدامات» وکړي.

له ۶۰۰ څخه ډېرو پخوانیو اسراییلي چارواکو چې پکې د استخباراتي ادارو مشران، لوړپوړي امنیتي چارواکي او ان یو پخوانی لومړی وزیر شامل دي، په یوه سرخلاصه لیک کې د غزې جګړې د پای ته رسېدو غوښتنه کړې ده.

د پاکستان د کورنیو چارو پخواني وزیر افتاب احمد خان شېرپاو اسلام اباد ته د طالبانو د بهرنیو چارو وزارت د سرپرست امیرخان متقي د سفر ځنډېدل مبهم بللی او د پاکستان له حکومته یې غوښتي، چې په دې اړه خلکو ته وضاحت ورکړي.

سعودي عربستان په تېرو درېیو ورځو کې ۱۷کسان د ترهګریزو فعالیتونو او د نشه یي توکو د قاچاق په تور اعدام کړي دي.