امریکا کې د طبیعت ساتنې نړیوالې علمي ادارې څېړونکو موندلې چې د نړۍ درېیمه برخه خلک په هغو سیمو کې ژوند کوي، چې سخته ګرمي یې ورځني فعالیتونه په جدي ډول محدودوي. دغه څېړنه خبرداری ورکوي، چې د تودوخې زیاتوالی به د اوړي په موسم کې د ورځنیو چارو ترسره کول لا نور ستونزمن کړي.
د پاکستان حکومت پرېکړه کړې، چې د روانې میاشتې تر پایه به متحده عربي امارات ته ۳،۵ میلیارده ډالره پور بېرته ورکړي. یوه لوړپوړي چارواکي ویلي، دا پرېکړه د «ملي وقار» د ساتلو لپاره شوې، خو ورسره به د هېواد په مالي زیرمو کې د پام وړ کمښت هم راشي.
د افغانستان مسلکي سوک وهونکی محمد ذکریا زماني د هېواد د سوک وهنې فدراسیون په مشرتابه کې د بدلون غوښتنه کړې او د دې فدراسیون د سرپرست قدیر سلطاني د لرې کېدو غوښتونکی شوی دی.
د پاکستان حکومت تېره ورځ د پټرول بیه لوړه کړه، خو نن یې په هر لیټر کې ۸۰ روپۍ کمښت راوست او ورسره بیه یې له ۴۵۸ روپیو څخه ۳۷۸ روپیو ته راورسوله. د پاکستان لومړي وزیر شهباز شریف د دې اقدام هدف پر خلکو د اقتصادي فشار کمول او د عادي ژوند د لګښتونو اسانه کول بللي دي.
د افغانستان د ازادو مبارزو يوه تکړه لوبغاړي سخي قنبري له شور او ځوږه په یوې ډکه سيالۍ کې خپل برازيلي سيال ګابريل پاسکالوتي د لومړي پړاو (راونډ) په ترڅ کې د «تسليمولو» یا سبمېشن تخنیک په کارولو سره اړ کړ چې تسليم شي او بريا يې خپله کړه.
د تېر جمهوري نظام د عامې روغتیا پخوانۍ وزیره ثریا دلیل وايي، افغانستان دمګړۍ د سېلابونو له امله سختې ستونزې تجربه کوي. هغه وايي، کورونه او لارې ویجاړې شوي، کرنیزې ځمکې تباه شوي او څاروي لهمنځه تللي دي. نوموړې زیاتوي، خلک په بېړنۍ توګه سرپناه، خوړو او طبي مرستو ته اړتیا لري.
امریکا پرېکړه کړې، چې د اېچایوي او ملاریا ناروغیو لپاره ټیټ عاید لرونکو هېوادونو ته د درملو او طبي وسایلو د لېږد څرنګوالی بدل کړي. باخبره سرچینو رویټرز ته ویلي، چې د دغو بدلونونو چټکتیا ښايي د درملو کمښت او د حیاتي مرستو په رسولو کې ګډوډي رامنځته کړي، چې جدي پایلې به ولري.
د بښنې نړیوال سازمان وایي، په افغانستان کې د نوي ښوونیز کال له پیل سره، له شپږم ټولګي پورته نجونو زدهکوونکو لپاره ښوونځي لا هم تړلي پاتې دي. دغه سازمان ټینګار کړی، چې طالبان باید خپل تبعیضي سیاستونه پای ته ورسوي او اجازه ورکړي، چې نجونې خپلو زدهکړو ته دوام ورکړي.
د کابل ولایت لپاره د طالبان د رسنیو دفتر د یوې خبرپاڼې په خپرولو سره وايي، د نن شپې زلزلې له امله د کابل ولایت د بګرامیو ولسوالۍ اړوند سیمو کې یو کور نړېدلی او له امله یې د یادې کورنۍ ۸ غړي مړه شوي او یو ماشوم ټپي شوی دی.
د قزاقستان چارواکو اعلان کړی، چې دا هېواد په جدي توګه افغانستان کې د کميابو فلزاتو د استخراج د پيلولو ارزونه کوي. دا ګام کولی شي افغانستان د سيمې له مهمو تأمينوونکو څخه يو مهم هېواد وګرځوي چې دغه ستراتيژيک مواد برابروي.
د طالبانو د ټولګټو چارو وزارت خبرداری ورکړی، چې د کابل– جلالاباد لویه لاره د باران او سېلابونو له کبله بنده شوې ده. طالب چارواکو له ټولو هېوادوالو او موټر چلوونکو غوښتي، چې د خونديتوب لپاره له دې لارې له سفر کولو ډډه وکړي او ټرافیکي سپارښتنې په جدي توګه مراعات کړي.
د کابل ولایت لپاره د طالبان د رسنیو دفتر د یوې خبرپاڼې په خپرولو سره وايي، د نن شپې زلزلې له امله د کابل ولایت د بګرامیو ولسوالۍ اړوند سیمو کې یو کور نړېدلی او له امله یې د یادې کورنۍ ۶ غړي مړه شوي دي.
په امریکا کې د افغان کډوالو د بیا مېشتېدنې همکاره اداره افغان ایواک وایي، داسې ښکاري چې امریکا د ۲۰۲۷ مالي کال په وړاندیز شوې بودجه کې د افغان متحدینو د اېستلو یوازنی پروګرام «دایمي هرکلی» بندوي او ورسره به امریکا ته د افغانانو قانوني تګ لا ستونزمن شي.
د طالبانو د عامې روغتیا وزارت ویاند ډاکټر شرافت زمان وايي، د ۵.۸ درجې زلزلې له ټکانونو وروسته چې کابل او د هېواد یو شمېر ولایتونه یې ولړزول، روغتیايي مسوولینو ته د بشپړ چمتووالي امر شوی، خو تر اوسه د مرګژوبلې په اړه رسمي راپورونه نهدي خپاره شوي.
د روغتیا نړیوال سازمان وايي، چې د ژوند ژغورونکو طبي تجهیزاتو یوه بېړنۍ هوايي محموله، چې ۷۸،۵ ټُنه وزن لري، د جمعې په ورځ دوبۍ کې د دغه سازمان له لوژستیکي مرکز څخه افغانستان ته ورسېده.
سپینې ماڼۍ د ۲۰۲۷ مالي کال لپاره په خپلې نوې بودجوي غوښتنه کې له کانګرس څخه د شاوخوا ۱،۵ ټریلیون ډالرو دفاعي بودجې د تصویب غوښتنه کړې او دا به د امریکا په تاریخ کې تر ټولو لوړه پوځي بودجه وي.
زما او ستا تر منځ دي غرونه سپینې سپوږمۍ ته سلام کړه سلام به کړمه په افغانستان، پښتونخوا او یو شمرې سیمو کې سپوږمۍ یا په شعرونو او لنډیو کې یادیږي او یا خو د روژې په وروستیو ورځو کې څارل کیږي چې اختر معلوم کړي؛ خو ساینسپوهان پکې د ژوند امکانات څېړي.
د ملګرو ملتونو د خوړو او کرنې سازمانویلي، چې د خوراکي توکو نړیوالې بیې د تېر کال د سپټمبر راهیسې په مارچ میاشت کې تر ټولو لوړې کچې ته رسېدلې دي. دغه سازمان خبرداری ورکړی چې که په منځني ختیځ کې روانه جګړه دوام وکړي، ښايي د خوراکي توکو بیې لا پسې لوړې شي.
د سیمې د امنیتي او سیاسي کړکېچونو له امله هند ته د افغانستان او ایران د وچو مېوو واردات له جدي ستونزو سره مخ شوي، چې له امله یې په بازارونو کې د بادامو، پستو او نورو توکو بیې له ۷۰ تر ۱۰۰ سلنې پورې لوړې شوې دي.
د روغتیا نړۍوال سازمان خبرداری ورکړی، چې په منځني ختیځ کې روانو جګړو او تاوتریخوالو په ټوله سیمه کې «جدي او مخ پر زیاتېدونکي» روغتیایي خطرونه رامنځته کړي دي.
د شانګهای همکارۍ سازمان سره تړلې یوې امنیتي ادارې خبرداری ورکړی، چې په افغانستان کې د وسله والو ډلو د فعالیتونو زیاتوالی د سیمې د هېوادونو امنیت ته یو جدي ګواښ دی.